Authored by Deepu Divakaran | Samayam Malayalam | Updated: 24 Mar 2023, 4:04 pm
Rahul Gandhi News: രാഹുൽ ഗാന്ധിയെ എംപി സ്ഥാനത്തുനിന്ന് അയോഗ്യനാക്കിയ നടപടിയിൽ പ്രതികരിച്ചു കോൺഗ്രസ് നേതാക്കൾ. നിയമപരമായും രാഷ്ട്രീയപരമായും നേരിടുമെന്ന് മുതിർന്ന നേതാക്കൾ പ്രതികരിച്ചു.
ഹൈലൈറ്റ്:
- രാഹുൽ ഗാന്ധിയെ അയോഗ്യനാക്കിയ നടപടിയെ വിമർശിച്ചു കോൺഗ്രസ്.
- ‘സത്യം പറയുന്നവരെ നിലനിർത്താൻ ബിജെപി ആഗ്രഹിക്കുന്നില്ല’.
- നിയമപരമായും രാഷ്ട്രീയപരമായും നേരിടുമെന്ന് നേതൃത്വം.
കോൺഗ്രസ്. രാഹുൽ ഗാന്ധിയെ അയോഗ്യനാക്കാൻ ബിജെപി എല്ലാ ശ്രമങ്ങളും നത്തിയെന്നും സത്യം പറയുന്നവരെ നിലനിർത്താൻ ബിജെപി ആഗ്രഹിക്കുന്നില്ലെന്നും കോൺഗ്രസ് ദേശീയ അധ്യക്ഷൻ മല്ലികാർജുൻ ഖർഗെ വിമർശിച്ചു. കോൺഗ്രസ് സത്യം പറഞ്ഞുകൊണ്ടേയിരിക്കും, ജനാധിപത്യം സംരക്ഷിക്കാൻ ജയിലിൽ പോകാൻ തയ്യാറാണെന്നും ഖർഗെ വാർത്താ ഏജൻസിയായ എഎൻഐയോട് പ്രതികരിച്ചു. വൈകുന്നേരം അഞ്ചു മണിക്കു മുതിർന്ന നേതാക്കളുടെ യോഗം വിളിച്ചുവെന്നും ഖർഗെ അറിയിച്ചു.
അദാനിക്കെതിരെ രാഹുൽ ഗാന്ധി ചോദ്യങ്ങൾ ഉന്നയിച്ച ദിവസമാണ് അദ്ദേഹത്തെ നിശബ്ദനാക്കാൻ ഗൂഢാലോചന ആരംഭിച്ചതെന്ന് എഐസിസി ജനറൽ സെക്രട്ടറിയും എംപിയുമായ കെ സി വേണുഗോപാൽ ആരോപിച്ചു. ബിജെപി സർക്കാരിന്റെ ജനാധിപത്യ വിരുദ്ധ, ഏകാധിപത്യ മനോഭാവത്തിന്റെ വ്യക്തമായ ഉദാഹരണമാണിതെന്നും അദ്ദേഹം വിമർശിച്ചു.
1200 വർഷം പഴക്കം ; റിയാദിലെ ചെമ്പ് നാണയം ഇവിടെയും
രാഹുലിനെ അയോഗ്യനാക്കിയ നടപടിയെ നിയമപരമായും രാഷ്ട്രീയപരമായും നേരിടുമെന്ന് മുതിർന്ന കോൺഗ്രസ് നേതാവ് ജയ്റാം രമേശ് പ്രതികരിച്ചു. കോൺഗ്രസിനെ ഭീഷണിപ്പെടുത്താനോ നിശബ്ദരാക്കാനോ ആകില്ല. അദാനി വിഷയത്തിൽ ജോയിൻ്റ് പാർലമെൻ്ററി കമ്മറ്റിയുടെ അന്വേഷണത്തിനു പകരം രാഹുൽ ഗാന്ധിയെ അയോഗ്യനായിക്കിയിരിക്കുന്നു. ഇന്ത്യൻ ജനാധിപത്യത്തിന് ഓം ശാന്തിയെന്നും ജയ്റാം രമേശ് വിമർശിച്ചു.
Rahul Gandhi:’രാഹുല്‍ ഗാന്ധി അയോഗ്യന്‍’; എംപി സ്ഥാനത്ത് നിന്ന് രാഹുല്‍ ഗാന്ധിയെ അയോഗ്യനാക്കി ഉത്തരവ്
രണ്ടു വർഷത്തെ ജയിൽ ശിക്ഷ പ്രഖ്യാപിച്ചപ്പോൾ തന്നെ ഇത് സംശയിച്ചിരുന്നുവെന്ന് മഹാരാഷ്ട്രയിലെ കോൺഗ്രസ് നേതാവ് പൃഥ്വിരാജ് ചവാൻ പ്രതികരിച്ചു. ആറു മാസത്തെയോ ഒരു വർഷത്തെയോ ജയിൽ ശിക്ഷ വിധിക്കാമായിരുന്നു. എന്നാൽ രണ്ടു വർഷത്തെ തടവുശിക്ഷ അർഥമാക്കുന്നത് പിന്നിൽ കൂടുതൽ പദ്ധതിയുണ്ടായിരുന്നു എന്നതാണ്. അത് ഇന്ന് ചെയ്തു. രാഹുലിനെ അയോഗ്യനാക്കിയ നടപടിയെ അപലപിക്കുന്നുവെന്നും. രാഹുൽ ഗാന്ധിയെ നരേന്ദ്ര മോദി എത്രമാത്രം ഭയപ്പെടുന്നുവെന്ന് ഇത് വ്യക്തമാക്കുന്നുവെന്നും അദ്ദേഹം അഭിപ്രായപ്പെട്ടു.
Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
