അതേസമയം, കോടതി കുറ്റക്കാരനെന്ന് കണ്ടെത്തി ശിക്ഷ വിധിച്ചതോടെ സ്വാഭാവികമായും രാഹുൽ അയോഗ്യനായി എന്നാണ് ചില നിയമവിദഗ്ദ്ധർ അവകാശപ്പെട്ടത്. എന്നാൽ, ശിക്ഷ റദ്ദാക്കിയാൽ നടപടി ഒഴിവാക്കാമെന്ന് മറ്റുള്ളവർ പറഞ്ഞിരുന്നു. ഇതോടെ ഏറ്റവും കൂടുതൽ ഉയർന്ന ചോദ്യം രാഹുൽ ഇനി എന്ത് ചെയ്യും എന്നതാണ്.
ഒരു നാടിനെ മുഴുവൻ ഭീതിയിലാഴ്ത്തി അജ്ഞാത ജീവി
രാഹുൽ ഗാന്ധിക്ക് ഉടൻ തന്നെ ചെയ്യാവുന്ന ഒന്ന് മേൽക്കോടതിയിൽ അപ്പീലുമായി പോകുക എന്നതാണ്. വിധിക്കെതിരെ അപ്പീൽ നൽകുന്നതിനായി ഗാന്ധിക്ക് ജാമ്യം ലഭിക്കുകയും ശിക്ഷ 30 ദിവസത്തേക്ക് സസ്പെൻഡ് ചെയ്യുകയും ചെയ്തുവെങ്കിലും, കോടതിയുടെ ഉത്തരവ് അദ്ദേഹത്തെ നിയമപ്രകാരം പാർലമെന്റ് അംഗമെന്ന നിലയിൽ സ്വയമേവ അയോഗ്യനാക്കാനുള്ള സാധ്യതയുണ്ടാക്കിയതായി ചില നിയമവിദഗ്ധർ പറഞ്ഞു. കേസിൽ അപ്പീൽ നൽകുന്നതിന് 30 ദിവസത്തെ ജാമ്യവും നൽകിയിരുന്നു.
1951ലെ റെപ്രസെന്റേഷൻ ഓഫ് പീപ്പിൾസ് ആക്ട് സെക്ഷൻ 8(3) പ്രകാരം ഒരു പാർലമെന്റ് അംഗം ഏതെങ്കിലും ഒരു കുറ്റത്തിന് കുറഞ്ഞത് രണ്ട് വർഷമെങ്കിലും ശിക്ഷിക്കപ്പെട്ടാൽ ആ നിമിഷം മുതൽ അയോഗ്യനാക്കപ്പെടുമെന്ന് പറയുന്നു.
സൂറത്ത് കോടതി ഉത്തരവിന്റെ അടിസ്ഥാനത്തിൽ ലോക്സഭാ സെക്രട്ടേറിയറ്റ് രാഹുൽ ഗാന്ധിയെ അയോഗ്യനാക്കുകയും അദ്ദേഹം വിജയിച്ച വയനാട് മണ്ഡലം ഒഴിഞ്ഞതായി പ്രഖ്യാപിക്കുകയുമായിരുന്നു. അതിനാൽ തന്നെ തെരഞ്ഞെടുപ്പ് കമ്മീഷന് ഈ തസ്തികയിലേക്ക് ഉപതെരഞ്ഞെടുപ്പ് നടത്താനും സാധിക്കും. അതിന് പുറമെ, ഡൽഹിയിലെ സർക്കാർ ബംഗ്ലാവ് ഒഴിയാൻ രാഹുലിനോട് ആവശ്യപ്പെടാം.
അതേസമയം, ഈ തീരുമാനത്തെ ചോദ്യം ചെയ്ത് രാഹുൽ ഗാന്ധിക്ക് കോടതിയെ സമീപിക്കുകയും ചെയ്യാം. തെരഞ്ഞെടുപ്പ് കമ്മീഷനുമായി കൂടിയാലോചിച്ച് എംപിമാരെ അയോഗ്യരാക്കാൻ രാഷ്ട്രപതിക്ക് മാത്രമേ കഴിയൂവെന്നും ഈ നീക്കത്തിന്റെ നിയമസാധുതയെ കോൺഗ്രസ് നേതാക്കൾ ചോദ്യം ചെയ്തിരുന്നു.
അതേസമയം, ഭരണക്ഷിയായ ബിജെപി ഇതിനോട് എതിർപ്പറിയിച്ച് രംഗത്തുവന്നിട്ടുണ്ട്. തീരുമാനം രാഷ്ട്രീയപരമാണെന്നും നിയമപരമായ കാര്യങ്ങൾ ആയതിനാൽ തന്നെ രാഹുൽ അയോഗ്യനാണെന്നും ബിജെപി പ്രതികരിച്ചു.
രണ്ട് വർഷത്തെ ജയിൽ ശിക്ഷയോടെ ഗാന്ധി എംപിയെന്ന നിലയിൽ യാന്ത്രികമായി അയോഗ്യനാക്കപ്പെടുമെന്ന് മുൻ കേന്ദ്ര നിയമമന്ത്രിയും കോൺഗ്രസിലെ മുതിർന്ന അഭിഭാഷകനുമായ കപിൽ സിബലും അഭിപ്രായപ്പെട്ടു.
കോടതി ശിക്ഷ സസ്പെൻഡ് ചെയ്താൽ മാത്രം പോരാ, ശിക്ഷയ്ക്ക് സസ്‌പെൻഷനോ സ്റ്റേയോ വേണം. ശിക്ഷയ്ക്ക് സ്റ്റേ ഉണ്ടെങ്കിൽ മാത്രമേ അദ്ദേഹത്തിന് പാർലമെന്റ് അംഗമായി തുടരാൻ കഴിയൂ. സിബൽ എൻഡിടിവിയോട് പറഞ്ഞു.
അതേസമയം, ഏതെങ്കിലും മേൽക്കോടതി വിധി റദ്ദാക്കിയില്ലെങ്കിൽ അടുത്ത എട്ട് വർഷത്തേക്ക് തെരഞ്ഞെടുപ്പിൽ മത്സരിക്കാൻ രാഹുൽ ഗാന്ധിയെയും അനുവദിക്കില്ല.
