എന്നാല്‍, ഇത്തരത്തില്‍ ചുംബിക്കുമ്പോള്‍ ചിലപ്പോള്‍ ചില രോഗങ്ങള്‍ പകരാന്‍ സാധ്യത വളരെ കൂടുതലാണ്. ഇതിനെക്കുറിച്ച് വിശദീകരിക്കുകയാണ് Dr. Suresh Kumar Panuganti, Lead Consultant- Pediatric Critical Care and Pediatrics, Yashoda Hospital, Hyderabad.
കുട്ടികളെ മാതാപിതാക്കള്‍ ചുംബിക്കുമ്പോള്‍
പല വിദേശരാജ്യങ്ങളിലും മാതാപിതാക്കള്‍ മക്കളെ ചുണ്ടില്‍ ചുംബിക്കുന്നത് പതിവാണ്എന്നാല്‍, ഇന്ത്യയില്‍ ഇത് അധികം കണ്ടുവരാറില്ലെങ്കിലും സൈക്കോളജി പ്രകാരം മാതാപിതാക്കള്‍ ചുണ്ടില്‍ ചുംബിക്കുന്നത് ലൈംഗികപരമായി അതിന് ഒരു വശവുമില്ലെന്നും ഇത് കുട്ടികളോടുള്ള സ്‌നേഹം ഏറ്റവും നന്നായി കാണിക്കാനുള്ള മാര്‍ഗ്ഗമാണെന്നും ഡോക്ടര്‍ പറയുന്നു.
എന്നിരുന്നാലും ആരോഗ്യവശം നോക്കുമ്പോള്‍ ഇതിലൂടെ ചില രോഗങ്ങള്‍ പകരാന്‍ ചാന്‍സ് കൂടുതലാണെന്ന് ഡോക്ടര്‍ പറയുന്നു. പ്രത്യേകിച്ച് ചുണ്ടുകള്‍ തമ്മില്‍ പരസ്പരം മുട്ടുമ്പോള്‍ അതിലൂടെ രോഗാണുക്കള്‍ പകരാനുള്ള സാധ്യതയും വളരെയധികം കൂടുതലാണ്.
മുതിര്‍ന്നവരെ ചുണ്ടില്‍ ചുംബിക്കുമ്പോള്‍ ഇവര്‍ക്ക് രോഗങ്ങളെ പ്രതിരോധിക്കാനുള്ള ശേഷി ഉണ്ടായിരിക്കും. എന്നാല്‍, കുട്ടികള്‍ക്ക് ഇത്തരം ശേഷി കുറവായിരിക്കും. അതിനാല്‍, ഉമിനീരിലൂടെ ബാക്ടീരിയ ശരീരത്തില്‍ എത്തുന്നതിന് ഇത് ഒരു കാരണമാകുന്നുണ്ട.്
ഇത് മാത്രമല്ല, കുട്ടികളുടെ പല്ലിലെ ഇനാമല്‍ മുതിര്‍ന്നവരില്‍ നിന്നും വ്യത്യസ്തമാണ്. കുട്ടികള്‍ക്ക് വളരെ പെട്ടെന്ന് തന്ന ദന്തക്ഷയങ്ങള്‍ വരാനുള്ള സാധ്യതയും കൂടുതലാണ്. അതുകൊണ്ടെല്ലാം തന്നെ കുട്ടികളുടെ ചുണ്ടില്‍ ചുംബിക്കുമ്പോള്‍ നാതാപിതാക്കള്‍ കുട്ടികളുടെ ആരോഗ്യവും ശ്രദ്ധിക്കേണ്ടത് അനിവാര്യമാണ്. ഇത് മാത്രമല്ല, കുട്ടികളെ ചെറുപ്പം മുതല്‍ ചുണ്ടില്‍ ചുംബിക്കുമ്പോള്‍ കുട്ടികളെ ദുരുപയോഗം ചെയ്യാന്‍ ശ്രമിക്കുന്നവരോട് പ്രതികരിക്കാനുള്ള ശേഷിയും കുട്ടികളില്‍ നിന്നും നഷ്ടപ്പെടാം. അല്ലെങ്കില്‍ കുട്ടികള്‍ക്ക് അത് മനസ്സിലാകാതേയും ഇരിക്കാന്‍ സാധ്യത കൂടുതലാണ്.
മാതാപിതാക്കളുടെ ശ്രദ്ധയ്ക്ക്
കുട്ടികളെ ചുംബിക്കുമ്പോള്‍ മാതാപിതാക്കള്‍ ശ്രദ്ധിക്കേണ്ട ചില കാര്യങ്ങളുണ്ട്. ഇവ ശ്രദ്ധിച്ചാല്‍ കുട്ടികള്‍ക്ക് അസുഖം വരുന്നത് ഒരു പരിധിവരെ കുറയ്ക്കാന്‍ സാധിക്കുന്നതാണ്. മാതാപിതാക്കള്‍ക്ക് അസുഖമുള്ള അവസരത്തില്‍ കുട്ടികളെ ചുംബിക്കാതിരിക്കുന്നതാണ് നല്ലത്.
അതുപോലെ, വായയില്‍ പുണ്ണ്, ജലദോഷം, ചുമ, കഫക്കെട്ട് എന്നിവ ഉള്ളപ്പോഴും ചുണ്ടില്‍ ചുംബിക്കാതിരിക്കാന്‍ ശ്രദ്ധിക്കുക. നല്ലപോലെ ഓറല്‍ ഹൈജീന്‍ കാത്ത് സൂക്ഷിക്കാന്‍ ശ്രദ്ധിക്കണം. അല്ലെങ്കില്‍ കുട്ടികള്‍ക്ക് അസുഖങ്ങള്‍ പെട്ടെന്ന് പിടിപെടാന്‍ സാധ്യത കൂടുതലാണ്.
കുട്ടികളിലെ രോഗപ്രതിരോധശേഷി വര്‍ദ്ധിപ്പിക്കേണ്ടത് അനിവാര്യമാണ്. ഇതിനായി ഡോക്ടറെ കണ്ട് കൃത്യസമയത്ത് വാക്‌സിനും കാര്യങ്ങളും എടുക്കാവുന്നതാണ്. ഇത് അസുഖങ്ങളെ ഒരു പരിധിവരെ തടയാന്‍ സഹായിക്കുന്നുണ്ട്.
ചുംബിച്ചാലുള്ള ഗുണം
വളരെ ആത്മാര്‍ത്ഥതയോടെ കുട്ടികളെ ചുംബിക്കുമ്പോള്‍ നിരവധി ഗുണങ്ങളും ലഭിക്കുന്നുണ്ട്. അതില്‍ പ്രധാനപ്പെട്ടതാണ് കുട്ടികളുമായിട്ടുള്ള ഒരു ബോണ്ടിംഗ് കൂടുന്നത്. അതുപോലെ, കുട്ടികള്‍ക്ക് ടെന്‍ഷന്‍ കുറയുന്നതിനും മാതാപിതാക്കളോട് കൂടുതല്‍ സ്‌നേഹം തോന്നുന്നതിനുമെല്ലാം ഇത് സഹായിക്കുന്നുണ്ട്.
അതുപോലെ, കുട്ടികള്‍ക്ക് സുരക്ഷിതത്ത്വം അനുഭവപ്പെടാനും മാതാപിതാക്കളോടുള്ള പേടി കുറയാനു ഇത് സഹായിക്കുന്നുണ്ട്.
English: Kissing and Health
