മീററ്റ്: പ്രായപൂര്‍ത്തിയാകാത്ത പെണ്‍കുട്ടിയെ കൊലപ്പെടുത്തിയ സംഭവത്തില്‍ യുവാവ് പിടിയില്‍. ഉത്തര്‍പ്രദേശ് സ്വദേശിയാണ് അറസ്റ്റിലായത്. തനിക്കൊപ്പം താമസിച്ച് വരികയായിരുന്ന പെണ്‍കുട്ടിയേയാണ് യുവാവ് കൊലപ്പെടുത്തിയത്. മഹിനുര്‍ എന്ന പെണ്‍കുട്ടിയാണ് കൊല്ലപ്പെട്ടത്. ആഷുവെന്ന യുവാവാണ് കൊലപാതകം നടത്തിയത്. മാര്‍ച്ച് 22നാണ് കൊലപാതകം നടന്നത്.
ഇരുവരും തമ്മില്‍ വഴക്കുണ്ടാകുകയും പിന്നാലെ യുവാവ് പെണ്‍കുട്ടിയെ കൊലപ്പെടുത്തുകയുമായിരുന്നു. ഹപൂരിലെ ഭീം നഗര്‍ കോളനിയില്‍ വെച്ചാണ് കൊലപാതകം നടന്നത്. നാല് മാസം മുന്‍പാണ് ആഷു ജമ്മു കശ്മീരിലേക്ക് വന്നത്. പതിനാറുകാരിയായ തന്റെ മകളുമായി അടുപ്പത്തിലാവുകയും പിന്നാലെ സ്വന്തം നാടായ യുപിയിലേക്ക് പെണ്‍കുട്ടിയോടൊപ്പം നാടുവിടുകയുമായിരുന്നുവെന്ന് പെണ്‍കുട്ടിയുടെ പികാവ് താലിബ് അലി വ്യക്തമാക്കി.
വീട്ടിൽ വിൽപ്പനക്കായി സൂക്ഷിച്ച 104 ലിറ്റർ മദ്യം പിടികൂടി
അസം സ്വദേശിയായ താലിബ് അലിയും കുടുംബവും 8 വര്‍ഷമായി ജമ്മുവിലാണ് താമസം. മഹിനൂര്‍ ജീവനൊടുക്കിയതാണെന്നാണ് ആദ്യം ആഷു പോലീസിനെ അറിയിച്ചത്. എന്നാല്‍ കൂടുതല്‍ ചോദ്യം ചെയ്യലില്‍ യുവാവ് കുറ്റം സമ്മതിക്കുകയായിരുന്നു.
Read Latest National News and Malayalam News
സിഎഫ്എല്‍ ലാംപിലും വീട്ടുപകരണങ്ങളിലും സ്വര്‍ണം കടത്ത്; കാസര്‍കോട് സ്വദേശിയെ വിമാനത്താവളത്തില്‍ അറസ്റ്റു ചെയ്തുകാംകോയിലെ നെൽകൃഷി വിളവെടുപ്പ് കൃഷിമന്ത്രി പി പ്രസാദ് നിർവഹിച്ചു
അത്താണി: കേരള അഗ്രോ മെഷിനറി കോർപ്പറേഷനിലെ (കാംകോ) ജീവനക്കാരുടെ കൂട്ടായ്മയായ കർഷക മിത്രയുടെ ആഭിമുഖ്യത്തിൽ 8 ഏക്കർ സ്ഥലത്ത് ചെയ്ത നെൽ കൃഷിയുടെ വിളവെടുപ്പ് കൃഷിമന്ത്രി പി പ്രസാദ് നിർവ്വഹിച്ചു. കഴിഞ്ഞ പത്തു വർഷങ്ങൾക്കു മുമ്പ് കാർഷിക പുരോഗതിക്കായി രൂപീകരിച്ച കാംകോയിലെ ജീവനക്കാരുടെ കൂട്ടായ്മയായ കർഷക മിത്രയുടെ പ്രവർത്തനങ്ങളെ മന്ത്രി അഭിനന്ദിച്ചു. പുതിയ സാങ്കേതിക വിദ്യകളുടെ സഹായത്തോടെ കൂടുതൽ സ്ഥലങ്ങളിലേക്ക് കാർഷിക വ്യാപനം സാദ്ധ്യമാക്കണമെന്ന് മന്ത്രി പറഞ്ഞു. ഒരു പ്രദേശത്തെ കാർഷിക പുരോഗതിക്ക് തദ്ദേശ സ്വയംഭരണ സ്ഥാപനങ്ങളുടെയും, സഹകരണ പ്രസ്ഥാനങ്ങളുടെയും, കാർഷിക സർവ്വകലാശാലയുടെയും , മറ്റ് സർക്കാർ ഏജൻസികളുടെയും കർഷകരുടെയും കർഷക കൂട്ടായ്മകളിലൂടെയും യോജിച്ചുള്ള പ്രവർത്തനം ആവശ്യമാണ് അതിനുള്ള പരിശ്രമങ്ങളാണ് ഇപ്പോൾ സംസ്ഥാനത്ത് നടന്നു വരുന്നതെന്ന് മന്ത്രി പറഞ്ഞു.
മാനേജിംഗ് ഡയറക്ടർ വി ശിവരാമകൃഷ്ണൻ അദ്ധ്യക്ഷത വഹിച്ചു. ഇന്ത്യയിൽ കാർഷിക മേഖലയിൽ യന്ത്രവൽക്കരണത്തിലൂടെ ഉല്പാദനക്ഷമത വർദ്ധിപ്പിക്കുന്നതിനായി കഴിഞ്ഞ 50 വർഷമായി കൃഷി വകുപ്പിൻ്റെ കീഴിൽ പ്രവർത്തിക്കുന്ന കാംകോയ്ക്കു സാധിച്ചിട്ടുണ്ടെന്ന് അദ്ദേഹം പറഞ്ഞു. കാംകോ കമ്പനിയുടെ തരിശായി കിടന്ന സ്ഥലങ്ങളിൽ കർഷക മിത്രയുടെ നേതൃത്വത്തിൽ നെല്ല്, പച്ചക്കറി,വാഴ, വിവിധയിനം ഫലവൃക്ഷങ്ങൾ എന്നിവ കൃഷി ചെയ്തുവരുന്നുണ്ട്. കർഷക മിത്ര സെക്രട്ടറി എസ് രമേശൻ സ്വാഗതം പറഞ്ഞു. നെടുമ്പാശ്ശേരി ഗ്രാമപഞ്ചായത്ത് പ്രസിഡൻ്റ് കുഞ്ഞ് ,കാംകോ ഡയറക്ടർ ബോർഡ് അംഗങ്ങളായ കെ.എ ചാക്കോച്ചൻ, ബുഹാരി ,സി.കെ ഗോപി ,ജെസ്സി ജോർജ്ജ് ,വാർഡ് മെമ്പർമാർ എന്നിവർ പങ്കെടുത്തു, കർഷക മിത്ര ഭാരവാഹിയായ ഷിജു സിഎൻ നന്ദി രേഖപ്പെടുത്തി.
