റമദാനില്‍ ഒന്നിലേറെ തവണ ഉംറ നിര്‍വഹിക്കാന്‍ അനുവദിക്കില്ല; തിരക്ക് നിയന്ത്രിക്കാന്‍ സംവിധാനം

Also Read: ലോകത്തിലെ ഏറ്റവും സുന്ദരമായ രാജ്യങ്ങളുടെ പട്ടിക പുറത്ത്; ഇടം പിടിച്ച് ഈ അറബ് രാജ്യം

ഒരാള്‍ ഉംറ തീര്‍ഥാടനത്തിന് പെര്‍മിറ്റ് എടുത്താല്‍ അതിന്റെ തീയതി മാറ്റാനുള്ള സംവിധാനം നുസുക്ക് ആപ്പില്‍ ലഭ്യമല്ലെന്നും മന്ത്രാലയം വ്യക്തമാക്കി. എന്നാല്‍ പെര്‍മിറ്റ് ലഭിച്ച തീയതിയില്‍ തീര്‍ഥാടനം നിര്‍വഹിക്കാന്‍ സാധിക്കാത്ത പക്ഷം തീര്‍ത്ഥാടകര്‍ക്ക് നുസുക്ക് ആപ്പ് വഴി അവരുടെ അപ്പോയിന്റ്‌മെന്റ് കാന്‍സല്‍ ചെയ്യാം. ശേഷം മറ്റൊരു തീയതിയിലേക്ക് പുതിയ പെര്‍മിറ്റിന് വേണ്ടി അപേക്ഷിക്കണമെന്നും അധികൃതര്‍ അറിയിച്ചു. നുസുക്ക് ആപ്പിലെ അപ്പോയിന്റ്മെന്റുകള്‍ ഇടയ്ക്കിടെ അപ്ഡേറ്റ് ചെയ്യുന്നുണ്ടെന്ന് മന്ത്രാലയം സ്ഥിരീകരിച്ചു.

ഏറ്റവും കൂടുതല്‍ ഉംറ തീര്‍ഥാടകര്‍ മക്കയിലെത്തുന്നത് റമദാന്‍ മാസത്തിലാണ്. അതിനാല്‍ തന്നെ റമദാന്‍ ഒന്ന് മുതല്‍ തന്നെ വന്‍തിരക്കാണ് മക്കയില്‍ അനുഭവപ്പെടുന്നത്. റോഡിലെ തിരക്ക് കുറയ്ക്കുന്നതിന്റെ ഭാഗമായി മക്കയുടെ പുറത്ത് നിന്ന് വരുന്നവര്‍ മക്കയുടെ പ്രവേശന കവാടങ്ങളില്‍ തയ്യാറാക്കിയിട്ടുള്ള പാര്‍ക്കിംഗ് കേന്ദ്രങ്ങളില്‍ വാഹനം പാര്‍ക്ക് ചെയ്യേണ്ടതാണ്. തുടര്‍ന്ന് ഹറമിലേക്കും തിരിച്ചും യാത്ര ചെയ്യാന്‍ ഷട്ടില്‍ ബസ് സര്‍വീസുകള്‍ ഉപയോഗിക്കണമെന്നും ട്രാഫിക് വിഭാഗം അറിയിച്ചു.

Also Read: ഖത്തറിൽ കെട്ടിടം തകർന്നുണ്ടായ അപകടം: മരിച്ച മലയാളികളുടെ എണ്ണം കൂടുന്നു

അതിനിടെ, ഇരു ഹറമുകളുടെ വിശുദ്ധിയും പരിപാവനതയും കാത്തുസൂക്ഷിക്കാന്‍ തീര്‍ത്ഥാടകര്‍ക്ക് ഉത്തരവാദിത്വമുണ്ടെന്നും മറ്റുള്ളവരുടെ സ്വകാര്യത മാനിക്കാതെ മൊബൈലില്‍ ചിത്രങ്ങളും വീഡിയോയും എടുക്കരുതെന്ന് ഹജ് ഉംറ മന്ത്രാലയം മുന്നറിയിപ്പ് നല്‍കി. അനുമതിയില്ലാതെ മറ്റുള്ളവരുടെ ചിത്രമെടുക്കരുതെന്നും മന്ത്രാലയം തീര്‍ത്ഥാടകരോട് ആവശ്യപ്പെട്ടു. പ്രധാന കവാടങ്ങളിലും മതാഫിലും ഹറം മുറ്റങ്ങളിലെ വഴികളിലും മാര്‍ഗ തടസ്സം സൃഷ്ടിക്കുന്ന നിലക്ക് ആള്‍ക്കൂട്ടങ്ങള്‍ തടിച്ചുകൂടുന്നത് ഹറംകാര്യ വകുപ്പ് ജീവനക്കാരും സുരക്ഷാ വകുപ്പുകളും തടയുന്നുണ്ട്.

ead Latest Gulf News and Malayalam News