ഈ റമദാനില്‍, ഔഖാഫിലെ ജനറല്‍ ഡയറക്ടറേറ്റ് ഓഫ് എന്‍ഡോവ്മെന്റ് ഖത്തറിലുടനീളം പത്ത് ഇഫ്താര്‍ ടെന്റുകളാണ് ആരംഭിച്ചിരിക്കുന്നത്. ഇതിനു പുറമെ, ഖത്തര്‍ റെഡ് ക്രസന്റ് സൊസൈറ്റിയും ഖത്തര്‍ ചാരിറ്റിയും നിരവധി സ്ഥലങ്ങളില്‍ ഇഫ്ത്താര്‍ ടെന്റുകള്‍ തുറക്കുകയും നോമ്പുകാര്‍ക്ക് ഭക്ഷണവും ഭക്ഷണ കിറ്റുകളും വിതരണം ചെയ്യുകയും ചെയ്തുവരുന്നുണ്ട്. ഒരു നീണ്ട ഇടവേളയ്ക്ക് ശേഷം ഇഫ്ത്താര്‍ കൂടാരങ്ങള്‍ വീണ്ടും ആരംഭിക്കാനായതില്‍ ഞങ്ങള്‍ക്ക് സന്തോഷമുണ്ടെന്ന് അധികൃതര്‍ പറഞ്ഞു. അവര്‍ക്ക് സാധാരണ ഗതിയില്‍ വാങ്ങിയോ ഉണ്ടാക്കിയോ കഴിക്കാന്‍ കഴിയാത്ത നല്ല ഭക്ഷണമാണ് ടെന്റുകളില്‍ വിളമ്പുന്നത്.
Also Read: ലോകത്തിലെ ഏറ്റവും സുന്ദരമായ രാജ്യങ്ങളുടെ പട്ടിക പുറത്ത്; ഇടം പിടിച്ച് ഈ അറബ് രാജ്യം
ഔഖാഫിന്റെ വിവിധ ടെന്റുകള്‍ വഴി ദിവസവും 10,000ത്തിലേറെ നോമ്പുകാര്‍ക്ക് ഇഫ്താര്‍ ഭക്ഷണം നല്‍കുന്നുണ്ട്. പൊതുജനങ്ങളില്‍ നിന്നും സ്ഥാപനങ്ങളില്‍ നിന്നുമുള്ള സംഭാവനകള്‍ ഉള്‍പ്പെടെ സ്വീകരിച്ചാണ് റമദാനില്‍ തൊഴിലാളികള്‍ ഉള്‍പ്പെടെയുള്ളവര്‍ക്കായി മികച്ച രീതിയില്‍ ഇഫ്ത്താര്‍ വിഭവങ്ങള്‍ ഔഖാഫ് ഒരുക്കിയിരിക്കുന്നത്. വാസ്തവത്തില്‍, ടെന്റുകള്‍ എല്ലാവരോടും ബഹുമാനത്തോടെ പെരുമാറുന്ന സ്ഥലങ്ങളാണ്. അവ റംദാന്റെ യഥാര്‍ത്ഥ ചൈതന്യത്തെ പ്രതിഫലിപ്പിക്കുന്നു.
Also Read: ഖത്തറിൽ കെട്ടിടം തകർന്നുണ്ടായ അപകടം: മരിച്ച മലയാളികളുടെ എണ്ണം കൂടുന്നു
ഖത്തറിനകത്തും പുറത്തുമുള്ള 720,000 ആളുകള്‍ക്ക് ഭക്ഷണവും ഭക്ഷണ കിറ്റുകളും വിതരണം ചെയ്യാനാണ് ഖത്തര്‍ റെഡ് ക്രസന്റ് സൊസൈറ്റിയും പദ്ധതിയിട്ടിരിക്കുന്നത്. ദോഹ, അല്‍ റയ്യാന്‍, അല്‍ ഖോര്‍, അല്‍ വക്ര എന്നിവിടങ്ങളിലെ തൊഴിലാളി സമൂഹത്തെ ലക്ഷ്യമിട്ട് സൊസൈറ്റി ദിനംപ്രതി പതിനായിരങ്ങള്‍ക്ക് ഇഫ്താര്‍ വിരുന്നൊരുക്കും. ഖത്തര്‍ ചാരിറ്റിയാവട്ടെ, താഴ്ന്ന വരുമാനക്കാരായ 10,000 കുടുംബങ്ങള്‍ക്കും വിധവകള്‍ക്കും പ്രവാസി കുടുംബങ്ങള്‍ക്കും വൗച്ചറുകള്‍ വിതരണം ചെയ്യുകയും പുണ്യമാസത്തില്‍ തൊഴിലാളികള്‍ക്കായി 40 ടെന്റുകള്‍ സ്ഥാപിക്കുകയും ചെയ്തു. വാഹനമോടിക്കുന്നവര്‍ക്കും യാത്രക്കാര്‍ക്കും പ്രയോജനപ്പെടുന്ന രീതിയില്‍ ലഘുഭക്ഷണം, ഈത്തപ്പഴം, വെള്ളം എന്നിവ അടങ്ങിയ ഇഫ്താര്‍ കിറ്റുകളും ഖത്തര്‍ ചാരിറ്റി നല്‍കുന്നുണ്ട്. നിരവധി ഖത്തരി പൗരന്‍മാരും വ്യവസായികളും സ്വന്തം നിലയ്ക്കും വിവിധ സ്ഥലങ്ങളില്‍ കൂട്ട ഇഫ്താറുകള്‍ സംഘടിപ്പിക്കുന്നുണ്ട്.
Read Latest Gulf News and Malayalam News
വീട്ടിൽ വിൽപ്പനക്കായി സൂക്ഷിച്ച 104 ലിറ്റർ മദ്യം പിടികൂടി
