ചിരി മാഞ്ഞു, ഇന്നസെൻ്റ് ഇനി ഓർമ്മ; അന്ത്യം കൊച്ചിയിലെ ആശുപത്രിയിൽ

1972 ൽ പുറത്തിറങ്ങിയ നൃത്തശാലയാണ് ആദ്യ ചിത്രം. തുടർന്നു അഞ്ചൂറിലധികം ചിതങ്ങളുടെ ഭാഗമായി. ഡേവിഡ് കാച്ചപ്പിള്ളിയുമായി ചേർന്ന് ശത്രു കംബൈൻസ് എന്ന സിനിമാ നിർമ്മാണ കമ്പനിക്കും രൂപം നൽകിയിരുന്നു. 2014 ലെ ലോകസഭാ തെരഞ്ഞെടുപ്പിൽ ചാലക്കുടി മണ്ഡലത്തിൽ എൽഡിഎഫ് പിന്തുണയോടെ മത്സരിച്ച അദ്ദേഹം വിജയം കണ്ടു. എന്നാൽ 2019 ൽ വീണ്ടും മത്സരത്തിനിറങ്ങിയെങ്കിലും കോൺഗ്രസിൻ്റെ ബെന്നി ബെഹ്നാനോട് പരാജയപ്പെട്ടു. തുടർന്നും അദ്ദേഹം രാഷ്ട്രീയ, സംസ്കാരിക വേദികളിൽ സജീവ സാന്നിധ്യമായി. ചലച്ചിത്ര താരങ്ങളുടെ സംഘടനയായ അമ്മയുടെ പ്രസിഡൻ്റ് പദവിയും വഹിച്ചിട്ടുണ്ട്.

അർബുദ രോഗത്തെ തൻ്റെ ഇച്ഛാശക്തികൊണ്ടു അതിജീവിച്ചു ശക്തമായ തിരിച്ചുവരവ് നടത്തിയ വ്യക്തി കൂടിയാണ് ഇന്നസെൻ്റ്. 2013 ലാണ് തൊണ്ടയ്ക്ക് രോഗം ബാധിച്ചത്. ചികിത്സകൾക്കൊടുവിൽ സുഖം പ്രാപിച്ച അദ്ദേഹം കാൻസർ വാർഡിലെ ചിരി എന്ന പുസ്തകവും രചിച്ചു ശ്രദ്ധ നേടിയിരുന്നു. എംപിയായപ്പോൾ പാർട്ടിക്ക് നാലു വോട്ട് പിടിക്കാനല്ല താൻ ശ്രമിച്ചതെന്നും അഞ്ചിടത്ത് കാൻസർ പരിശോധനാ സംവിധാനങ്ങൾ സ്ഥാപിച്ചുവെന്നും ഇന്നസെന്റ് വ്യക്തമാക്കിയിരുന്നു. ആലീസ് ആണ് ഭാര്യ. സോണറ്റ് മകനും.