Edited by Karthik KK | Samayam Malayalam | Updated: 27 Mar 2023, 11:14 am
സോണിയ ഗാന്ധിയെയും രാജീവ് ഗാന്ധിയെയും കള്ളന്മാരെന്നു വിശേഷിപ്പിച്ച പ്രധാനമന്ത്രി നരേന്ദ്ര മോദിയ്ക്കെതിരെ സമാനമായ നടപടി എന്തുകൊണ്ടാണ് ഉണ്ടാകാത്തതെന്ന് കോൺഗ്രസ് നേതാവ് ചോദിച്ചു.
ഹൈലൈറ്റ്:
- രാഹുലിനെതിരായ നടപടി ജനങ്ങൾക്കു വേണ്ടി ശബ്ദിച്ചതിന്
- വൻ പ്രതിഷേധത്തിന് കോൺഗ്രസ്
- പ്രധാനമന്ത്രിയ്ക്കെതിരെ വിമർശനം
രാഹുൽ ഗാന്ധിയുടെ അംഗത്വം റദ്ദാക്കിയത് ജനാധിപത്യ മൂല്യങ്ങൾക്ക് എതിരാണെന്ന് അദ്ദേഹം വിമ‍ശിച്ചു. രാഹുൽ ഗാന്ധിയ്ക്ക് ഐക്യദാർഢ്യം പ്രഖ്യാപിച്ച് നാഗ്പുരിൽ കോൺഗ്രസ് നടത്തിയ പ്രതിഷേധ പരിപാടിയിലായിരുന്നു അദ്ദേഹത്തിൻ്റെ പരാമ‍ർശം. നരേന്ദ്ര മോദിയുടെ ഏകാധിപത്യ ഭരണം മൂലം രാജ്യത്തെ ജനാധിപത്യം വലിയ ഭീഷണി നേരിടുകയാണെന്ന് അദ്ദേഹം പറഞ്ഞു. രാജ്യം വിട്ട സാമ്പത്തിക കുറ്റവാളികളായ നീരവ് മോദിയെക്കുറച്ചും ലളിത് മോദിയെക്കുറിച്ചും രാഹുൽ തുടർച്ചയായി സംസാരിക്കാറുണ്ട്. ഇതാണ് പ്രതിപക്ഷം ചെയ്യുന്നത്. ഇതിനു മറുപടി നൽകുക എന്നത് സർക്കാരിൻ്റെ ഉത്തരവാദിത്തമാണെന്നും നാനാ പട്ടോലെ പറഞ്ഞു. ഇതിനു പിന്നാലെയായിരുന്നു അദ്ദേഹം പ്രധാനമന്ത്രിയെ ചോദ്യം ചെയ്തത്.
മരണത്തേ കൺമുന്നിൽ കാണുമ്പോഴും ചിരി മായാത്ത മുഖം | Innocent |
“രാജ്യത്തിൻ്റെ പ്രധാനമന്ത്രി ഗാന്ധികുടുംബത്തെ തുടർച്ചയായി ആക്രമിക്കുകയാണ്. ബിജെപി മന്ത്രിമാർ കോൺഗ്രസ് മുൻ അധ്യക്ഷ സോണിയ ഗാന്ധിയെ ലോക്സഭയിൽ അധിക്ഷേപിക്കുന്നു. രക്തസാക്ഷിയായ മുൻ പ്രധാനമന്ത്രിയുടെ മകൻ എന്നത് മറന്നുകൊണ്ട് അവർ രാഹുൽ ഗാന്ധിയെ രാജ്യദ്രോഹിയെന്നു വിളിക്കുന്നു. അവർ ഉന്നമിടുന്നത് രാജ്യത്തിനു വേണ്ടി ജീവൻ ബലി നൽകിയ ഒരു കുടുംബത്തെയാണ്. ഒരു ദേശീയവാദിയെ രാജ്യദ്രോഹിയെന്നു വിളിക്കുന്ന മാനസികനിലയ്ക്കെതിരെയാണ് ഈ പോരാട്ടം.” നാനാ പട്ടോലെ പറഞ്ഞു. നീരവ് മോദിയെയും ലളിത് മോദിയെയും കള്ളന്മാരെന്നു വിളിച്ചതിനാണ് രാഹുൽ ഗാന്ധിയ്ക്ക് രണ്ട് വർഷത്തെ ജയിൽ ശിക്ഷ വിധിച്ചതെന്നും അദ്ദേഹം ആരോപിച്ചു.
സോണിയ ഗാന്ധിയെയും രാജീവ് ഗാന്ധിയെയും കള്ളന്മാരെന്നു വിളിച്ച് ആക്രമിക്കുന്ന പ്രധാനമന്ത്ര നരേന്ദ്ര മോദിയ്ക്കെതിരെ എന്തുകൊണ്ടാണ് നടപടിയില്ലാത്തത് എന്നും എന്തുകൊണ്ടാണ് അദ്ദേഹത്തിന് ശിക്ഷയില്ലാത്തതെന്നും അദ്ദേഹം ചോദിച്ചു. ഈ മാസം 29ന് രാജ്യത്തെ വിവിധ കേന്ദ്രങ്ങളിൽ ബിജെപിയ്ക്കെതിരെ കോൺഗ്രസ് വൻ പ്രതിഷേധ റാലി സംഘടിപ്പിക്കുമെന്ന് അദ്ദേഹം വ്യക്തമാക്കി.
രാഹുല്‍ ഗാന്ധിയെ അയോഗ്യക്കാനാക്കിയര്‍ നെല്ലും പതിരും വേര്‍തിരിക്കുന്ന ഒരുകാലംവരുമെന്ന് ഓര്‍ക്കണം: ടി പത്മനാഭന്‍
2019ലെ ലോക്സഭാ തെരഞ്ഞെടുപ്പ് പ്രചാരണത്തിനിടെ പ്രധാനമന്ത്രി നരേന്ദ്ര മോദിയെ ഉന്നമിട്ട് നടത്തിയ പരാമർശത്തിലാണ് രാഹുൽ ഗാന്ധിയ്ക്കെതിരെ ഗുജറാത്ത് കോടതിയുടെ നടപടിയുണ്ടായത്. എല്ലാ കള്ളന്മാർക്കും എന്തുകൊണ്ടാണ് മോദി എന്ന പേര് എന്ന രാഹുലിൻ്റെ ചോദ്യം മോദി സമുദായത്തെ അപമാനിക്കുന്നതാണെന്നായിരുന്നു ഗുജറാത്തിലെ ബിജെപി നേതാവ് സമർപ്പിച്ച ഹർജിയിലെ ആരോപണം. ഇതു ശരിവെച്ച കോടതി രാഹുൽ ഗാന്ധി കുറ്റക്കാരനാണെന്നു കണ്ടെത്തുകയും രണ്ട് വർഷം ശിക്ഷ വിധിക്കുകയുമായിരുന്നു. ഇതിനു പിന്നാലെയാണ് രാഹുൽ ഗാന്ധിയുടെ ലോക്സഭാംഗത്വം റദ്ദാക്കിയത്. കേസിൽ മേൽക്കോടതിയിൽ ഹർജി നൽകാനായി വയനാട് എംപിയായിരുന്ന രാഹുലിന് 30 ദിവസത്തെ ജാമ്യം അനുവദിച്ചിട്ടുണ്ട്.
നേര്‍ക്കുനേര്‍ രണ്ട് വിമാനങ്ങള്‍; കൂട്ടിയിടി ഒഴിവായത് തലനാരിഴയ്ക്ക്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
