നല്ല പട്ടിന്റെ വസ്ത്രങ്ങള്‍ പ്രത്യേകിച്ച് സാരി, അതുപോലെ, ചുരിദാര്‍ എന്നിവയൊന്നും തന്നെ ഒരിക്കലും വാഷിംഗ് മെഷീനില്‍ ഇട്ട് അലക്കരുത്. വാഷിംഗ് മെഷീനില്‍ ഇട്ട് അലക്കിയാല്‍ ഇത്തരം വസ്ത്രങ്ങള്‍ വേഗത്തില്‍ നശിച്ച് പോകുന്നു. അതിനാല്‍, ഇത്തരം വസ്ത്രങ്ങള്‍ ഡ്രൈ ക്ലീനിംഗ് ചെയ്ത് എടുക്കുന്നതാണ് എല്ലായ്‌പ്പോഴും നല്ലത്.
അതുമല്ലെങ്കില്‍ പ്രത്യേകം തണുത്തവെള്ളത്തില്‍ ഷാംപൂ വാഷ് ചെയ്ത് എചുക്കുന്നതും നല്ലതാണ്. ഒരിക്കലും സോപ്പും പൊടി ഉപയോഗിച്ച് ഇത് അലക്കരുത്. അതുപോലെ, നല്ല ചൂടില്‍ ഇട്ട് നശിപ്പിക്കുകയും ചെയ്യരുത്.
ഡിസൈനര്‍ വസ്ത്രങ്ങള്‍
നല്ല വര്‍ക്കുള്ളതും സ്റ്റോണ്‍ വര്‍ക്ക് വരുന്നതും ഡിസൈന്‍ ചെയ്യിപ്പിച്ചതുമായ വസ്ത്രങ്ങള്‍ ഒരിക്കലും വാഷിംഗ് മെഷീനില്‍ ഇടരുത്. ഇതിലെ വര്‍ക്കുകള്‍ വേഗത്തില്‍ നശിക്കുന്നതിനും പൊട്ടിപോകുന്നതിനും വസ്ത്രം തന്നെ ഉപയോഗിക്കാന്‍ സാധിക്കാത്ത വിധത്തില്‍ അയിപ്പോകുന്നതിനും ഇത് കാരണമാണ്.
അതിനാല്‍, ഇത്തരം വസ്ത്രങ്ങള്‍ ഡ്രൈ ക്ലീനിംഗ് ചെയ്ത് എടുക്കുന്നതായിരിക്കും നല്ലത്. അതുപോലെ, തണലത്ത് ഇട്ട് ഉക്കി എടുക്കുന്നതോ അല്ലെങ്കില്‍ വിയര്‍പ്പ് മാറ്റി മടക്കി വെക്കുന്നതും നല്ലതായിരിക്കും. അലക്കണമെങ്കില്‍ തന്നെ ഹാന്റ് വാഷ് ചെയ്യുന്നതാണ് നല്ലത്.
കമ്പിളി വസ്ത്രങ്ങള്‍
നല്ല കമ്പിളി വസ്ത്രങ്ങള്‍ അതുപോലെ, പുതപ്പ് എന്നിവ ഒരിക്കലും വാഷിംഗ് മെഷീനില്‍ ഇടരുത്. ഇത്തരത്തില്‍ ഇടുന്നത് കമ്പിളിവസ്ത്രങ്ങളിലെ ഇഴകള്‍ വേഗത്തില്‍ നശിക്കുന്നതിന് ഇത് കാരണമാകുന്നുണ്ട്. അതുമാത്രമല്ല, ഇതിന്റെ ക്വാളിറ്റി കുറയുന്നതിനും ഇത് കാരണമാകുന്നു.
അതിനാല്‍, ഇത്തരം വസ്ത്രങ്ങള്‍ വെയിലത്ത് മാത്രം ഇട്ട് ഉണക്കി എടുക്കുന്നതാണ് നല്ലത്. അല്ലെങ്കില്‍ കൈ കൊണ്ട് കഴുകി എടുക്കാന്‍ ശ്രമിക്കുക. ഇത് ദീര്‍ഘകാലം ഈ വസ്ത്രങ്ങള്‍ നിലനില്‍ക്കുന്നതിന് സഹായിക്കുന്നുണ്ട്.
അടിവസ്ത്രങ്ങള്‍
ഒരിക്കലും വാഷിംഗ് മെഷീനില്‍ അലക്കാന്‍ പാടില്ലാത്ത വസ്ത്രങ്ങളാണ് നമ്മളുടെ അടിവസ്ത്രങ്ങള്‍. ആരോഗ്യകരമായ പല കാരണങ്ങളും ഇതിന് ചൂണ്ടികാണിക്കാം. വാഷിംഗ് മെഷീനില്‍ അണുക്കള്‍ പെരുകാനുള്ള സാധ്യത വളരെ കൂടുതലാണ്. അതിനാല്‍ തന്നെ, നമ്മള്‍ വസ്ത്രങ്ങള്‍ കുന്നുകൂട്ടി വാഷിംഗ് മെഷീനില്‍ ഇട്ട് അലക്കുമ്പോള്‍ ഇത് അടിവസ്ത്രങ്ങളിലേയ്ക്ക് വേഗത്തില്‍ അണുക്കള്‍ കയറുന്നതിന് കാരണമാകുന്നു. ഇത് പല രോഗങ്ങളിലേയ്ക്കും നയിക്കാം.
അതുപോലെ, ബ്രാ പോലെയുള്ള വസ്ത്രങ്ങള്‍ വാഷിംഗ് മെഷീനില്‍ ഇട്ടാല്‍ പെട്ടെന്ന് തന്നെ നശിക്കും. പ്രത്യേകിച്ച് പാഡഡ് ബ്രാ ആണെങ്കില്‍ ഇതിന്റെ പാഡ് നശിക്കാന്‍ സാധ്യത വളരെ കൂടുതലാണ്. അതിനാല്‍ കൈകള്‍ കൊണ്ട് മാത്രം ഇവ കഴുകി എടുക്കാം.
ലെതര്‍ വസ്ത്രങ്ങള്‍
ലെതല്‍ വസ്ത്രങ്ങള്‍, പ്രത്യേകിച്ച് കോട്ട് എന്നിവ ഒരിക്കലും വാഷിംഗ് മെഷീനില്‍ ഇട്ട് അലക്കരുത്. ഇത്തരത്തില്‍ അലക്കുന്നത് ഇത്തരം വസ്ത്രങ്ങള്‍ വേഗത്തില്‍ നശിക്കുന്നതിന് പ്രധാന കാരണമാണ്. അതിനാല്‍, ലെതര്‍ വസ്ത്രങ്ങള്‍ വാഷിംഗ് മെഷീനില്‍ ഇട്ട് അലക്കാതിരിക്കാന്‍ ശ്രദ്ധിക്കുക.
English Summary: Clothes That Is Not Suitable for Machine wash
