​ചുമ്മാ ഇക്കാര്യങ്ങള്‍ രാവിലെ ശീലിച്ചാല്‍ തടി കൂടുമെന്ന ഭയം ഇനി വേണ്ട

​നന്നായി വെള്ളം കുടിക്കുക​

ശരീരത്തിലെ കൊഴുപ്പ് ഉരുക്കി കളയാന്‍ വെള്ളം കുടിക്കുന്നതിലും നല്ല മാര്‍ഗ്ഗം വേറെ ഇല്ല. ചില പഠനങ്ങള്‍ പ്രകാരം നമ്മള്‍ ഒരു ദിവസം 500ml ഔണ്‍സ് വെള്ളം കുടിച്ചാല്‍ തന്നെ നമ്മളുടെ ശരീരത്തില്‍ 30 ശതമാനം മെറ്റബോളിക് റേയ്റ്റ് വര്‍ദ്ധിക്കുന്നതായാണ് പറയുന്നത്. കൂടാതെ, ഇത് ശരീരഭാരം കുറയ്ക്കാനും സഹായിക്കുന്നുണ്ട്. മെറ്റബോളിസം കൂടുന്നത് ശരീരത്തിലെ കൊഴുപ്പ് വേഗത്തില്‍ കുറയ്ക്കാന്‍ സഹായിക്കുന്നു.

അതിനാല്‍, രാവിലെ തന്നെ എഴുന്നേല്‍ക്കുമ്പോള്‍ രണ്ട് ഗ്ലാസ്സ് വെള്ളം കുടിക്കാന്‍ ശ്രദ്ധിക്കുക. നമ്മള്‍ ഓരോദിവസവും അത്രത്തോളം വെള്ളം കുടിക്കുന്നുവോ അത്രത്തോളം ശരീരത്തിലെ കലോറി വേഗത്തില്‍ എരിഞ്ഞ് ഇല്ലാതാകുന്നു. അതും 60 മിനിറ്റില്‍ തന്നെ. ചിലര്‍ വെള്ളം കുടിച്ചല്‍ വയര്‍ ചാടും എന്ന് കരുതി വെള്ളം കുടിക്കാതിരിക്കുന്നവരുമുണ്ട്. എന്നാല്‍, ഇത് ഒറു തെറ്റിധാരണ മാത്രമാണ്.

ശരീരം കൃത്യമായി പ്രവര്‍ത്തിക്കുന്നതിനും ചര്‍മ്മത്തിന്റെ ആരോഗ്യം നിലനില്‍ക്കുന്നതിനും ദഹനം കൃത്യമായി നടക്കുന്നതിനും കൊഴുപ്പ് കുറയ്ക്കുന്നതിനും വെള്ളം കുടിക്കുന്നത് സഹായിക്കുന്നു.

​വെയില്‍ കൊള്ളുന്നത്​

രാവിലെതന്നെ കുറച്ച് നേരം വെയില്‍ കൊള്ളുന്നത് സത്യത്തില്‍ ശരീരഭാരം കുറയ്ക്കാന്‍ സഹായിക്കുന്നുണ്ട്. ചില പഠനങ്ങള്‍ പ്രാകാരം, നമ്മള്‍ രാവിലെ വെയില്‍ കൊള്ളുമ്പോള്‍ ശരീരത്തില്‍ പതിക്കുന്ന അള്‍ട്രാവയ്‌ലറ്റ് റേഡിയേഷന്‍ തടി വെക്കാതിരിക്കാന്‍ സഹായിക്കുകയും ഇത് തടി കുറയുന്നതിന് സഹായിക്കുന്നതായും പറയുന്നു.

കൂടാതെ, രാവിലെ നമ്മള്‍ വെയില്‍ കൊള്ളുമ്പോള്‍ ശരീരത്തിലേയ്ക്ക് വിറ്റമിന്‍ ഡി ലഭിക്കുന്നു. ഇത് ശരീരത്തില്‍ കൃത്യമായി ലഭിക്കുന്നതും തടി കുറയ്ക്കാന്‍ സഹായിക്കുന്നതായി പഠനങ്ങള്‍ പറയുന്നു. തടി കുറയ്ക്കാന്‍ മാത്രമല്ല, വണ്ണം വെക്കാതിരിക്കാനും ഇത് സഹായിക്കുന്നുണ്ട്.

ഒരു പഠനം പ്രകാരം, അമിതവണ്ണം ഉണ്ടായിരുന്ന ഒരു സ്ത്രീ സ്ഥിരമായി വിറ്റമിന്‍ ഡി സപ്ലിമെന്റ്‌സ് എടുത്ത് ഒരു വര്‍ഷം കൊണ്ട് തടി 7 പൗണ്ട് തടി കുറഞ്ഞതായി പറയുന്നു. അതിനാല്‍ എന്നും രാവിലെ 10 മുതല്‍ 15 മിനിറ്റ് വരെ സൂര്യപ്രകാശം കൊള്ളുന്നത് നല്ലതാണ്.

​പ്രോട്ടീന്‍ റിച്ചായിട്ടുള്ള ആഹാരം​

നല്ല പ്രോട്ടീന്‍ റിച്ചായിട്ടുള്ള ആഹാരങ്ങള്‍ രാവിലത്തെ പ്രഭാത ഭക്ഷണത്തില്‍ ഉള്‍പ്പെടുത്തിയാല്‍ ഇത് വണ്ണം വെക്കാതിരിക്കാനും അതുപോലെ, അമിതവണ്ണം കുറയ്ക്കാനും വളരെയധികം സഹായിക്കുന്നുണ്ട്.

നമ്മള്‍ രാവിലെ തന്നെ നല്ല പ്രോട്ടീന്‍ അടങ്ങിയ ആഹാരങ്ങള്‍ കഴിക്കുമ്പോള്‍ ഇത് വയര്‍ നിറയ്ക്കുന്നതിനും അതുപോലെ ഉച്ച ആകുന്നത് വരെ വിശക്കാതിരിക്കാനും ഇത് സഹായിക്കുന്നുണ്ട്.

20 പെണ്‍കുട്ടികളില്‍ നടത്തിയ ഒരു പഠനപ്രകാരം, രാവിലെ നല്ല പ്രോട്ടീന്‍ റിച്ചായിട്ടുള്ള ആഹാരം കഴിച്ചിരുന്ന ഇവരില്‍ ഉച്ചയ്ക്ക് ഭക്ഷണത്തിന് മുന്‍പ് വിശപ്പ് അനുഭവപ്പെടാതിരിക്കുന്നതായും ഇത് ശരീരഭാരം കുറയ്ക്കാന്‍ സഹായിക്കുന്നതായും കണ്ടെത്തിയിരുന്നു.

പ്രോട്ടീന്‍ നമ്മളുടെ ശരീരത്തിലെ വിശപ്പ് ഉണ്ടാക്കുന്ന ഹോര്‍മോണിനെ കുറയ്ക്കാന്‍ സഹായിക്കുന്നു. അതിനാല്‍ തന്നെ ഇടയ്ക്കിടയ്ക്ക് കഴിക്കാനുള്ള ത്വരയും ഇവരില്‍ കുറവായിരിക്കും. ഇത് തടി കുറയ്ക്കാനും തടി കൂടാതിരിക്കാനും സഹായിക്കുന്നു.

Also Read: പ്രതീക്ഷിച്ചതിലും വേഗത്തില്‍ തടി കുറയ്ക്കാന്‍ രാത്രിയില്‍ ഈ ആഹാരങ്ങള്‍ അരുത്​

​മനസ്സമാധാനം​

നല്ല ആരോഗ്യത്തിന് മാത്രമല്ല, തടി കുറയ്ക്കാനും തടി കൂടാതിരിക്കാനും മനസ്സമാധാനം സഹായിക്കുന്നുണ്ട്. ടെന്‍ഷന്‍ അടിക്കാതിരിക്കുന്നതും ആയിരിക്കുന്ന അവസ്ഥയില്‍ സമാധാനം കണ്ടെത്താനുള്ള മാര്‍ഗ്ഗങ്ങള്‍ സ്വീകരിക്കുന്നത് നല്ലതാണ്. നല്ല ഉറക്കം, വ്യായാമം, യോഗ എന്നിവയെല്ലാം തന്നെ മനസ്സിന് സമാധാനവും ടെന്‍ഷന്‍ കുറയ്ക്കാന്‍ സഹായിക്കുന്നവയുമാണ്.

ഇത് അമിതവണ്ണം വെക്കാതിരിക്കാനും നല്ല ആരോഗ്യം നിലനിര്‍ത്താനും ഈ ശീലം നിങ്ങളെ സഹായിക്കുന്നു. അതിനാല്‍, മനസ്സിനെ അലട്ടുന്ന പ്രശ്‌നങ്ങളില്‍ നിന്നും ഒരു കയ്യകലം പാലിച്ച് നില്‍ക്കുന്നത് നല്ലതാണ്.