സ്വദേശികളും വിദേശികളും ഉള്‍പ്പെട്ട വിദഗ്ധ എന്‍ജിനീയര്‍മാരുടെയും തൊഴിലാളികളുടെയും നേതൃത്വത്തില്‍ ഇരുപത്തിനാലു മണിക്കൂറും ആയിരക്കണക്കിന് മണിക്കൂറുകള്‍ ജോലി ചെയ്താണ് ഈ സൗകര്യങ്ങളൊരുക്കിയത്. പ്രത്യേക ഗെയ്റ്റുകള്‍ വഴി ഈ ഭാഗത്തേക്കു വരുന്നവര്‍ക്ക് വിവിധ നിലകളിലേക്കുള്ള സുഖകരമായ നീക്കം സാധ്യമാക്കാനുതകുന്ന തരത്തിലാണ് ഗെയ്റ്റുകളും നമസ്‌കാര സ്ഥലങ്ങളും ക്രമീകരിച്ചിരിക്കുന്നതെന്ന് വടക്കന്‍ വികസന ഏരിയയെന്നു വിളിക്കപ്പെടുന്ന പ്രദേശത്തിന്റെ ഭരണപരമായ ചുമതലയുള്ള എന്‍ജിനീയര്‍ വലീദ് അല്‍ മസ്ഊദി പറഞ്ഞു.
ഈ ഭാഗത്തുള്ള മുറ്റങ്ങളിലും അനുബന്ധ ഏരിയകളിലൂം നമസ്‌കരിക്കുന്നവരുടെ എണ്ണം കൂടി ചേര്‍ത്താല്‍ 6.24 ലക്ഷം പേര്‍ക്കു നോര്‍ത്തേണ്‍ വികസന ഏരിയയില്‍ നമസ്‌കാരം നിര്‍വഹിക്കാന്‍ കഴിയുമെന്നും അദ്ദേഹം അറിയിച്ചു. റമദാന്‍ മാസമായതോടെ ഒഴുകിയെത്തുന്ന പതിനായിരങ്ങളെ ഹറമിന്റെ മുറ്റങ്ങളിലെത്തിയതു മുതല്‍ ഗെയ്റ്റുകളിലൂടെ പുതിയ വികസന മേഖലയിലേക്ക് നയിക്കുന്നതിന് തയ്യാറാക്കിയ പ്ലാന്‍ അനുസരിച്ചാണ് തിരക്ക് നിയന്ത്രിക്കുന്നത്.
മസ്ജിദുല്‍ ഹറമിനോടനുബന്ധിച്ച് ഭിന്നശേഷിക്കാര്‍ക്കായുള്ള 72 ടോയ്ലറ്റുകള്‍ ഉള്‍പ്പെടെ 4800 ടോയ്ലറ്റുകളും ഹറമിന്റെ വിവിധ നിലകളിലേക്കും മുറ്റങ്ങളിലേക്കും പ്രവേശിക്കാനായി 72 ഇലക്ട്രിക് എലിവേറ്ററുകളുള്‍പ്പെടെ 362 എസ്‌കലേറ്ററുകളും 675 സംസം പാന സ്ഥലങ്ങളും വിവിധ മുസല്ലകളിലായി 22,000 കാര്‍പറ്റുകളും ഹറമില്‍ ഉപയോഗപ്പെടുത്തുന്നുണ്ട്. ഇരുപതു ലക്ഷത്തിലേറെ പേര്‍ക്കു നമസ്‌കരിക്കാനാവശ്യമായ സ്ഥലങ്ങളില്‍ മുന്തിയ തരം ശബ്ദ സംവിധാനം, എയര്‍കണ്ടീഷനിംഗ് സിസ്റ്റം എന്നിവയും വിവിധ ഡിപ്പാര്‍ട്ടുമെന്റുകള്‍ക്കു കീഴിലായി പ്രവര്‍ത്തിക്കുന്നുണ്ട്.
Read Latest Gulf News and Malayalam News
വടകര അഴിയൂരിൽ ഡോക്ടറുടെ വീട്ടിൽ മോഷണം
