പെൺസുഹൃത്തിൻ്റെ ബർത്ത്ഡേ പാർട്ടിക്കെത്തിയ യുവാവ് യുവതിയുടെ ഷാളിൽ തൂങ്ങി മരിച്ചു; മൃതദേഹം കണ്ടെത്തിയത് ഹോട്ടൽ മുറിയിൽ

Jibin George | Samayam Malayalam | Updated: 27 Mar 2023, 5:24 pm

യുവാവിനെ ഹോട്ടൽ മുറിയിൽ മരിച്ച നിലയിൽ കണ്ടെത്തിയ സംഭവത്തിൽ പോലീസ് അന്വേഷണം ആരംഭിച്ചു. ഭുവനേശ്വറിലെ ഒരു ഹോട്ടൽ മുറിയിലാണ് 28കാരനായ യുവാവിനെ മരിച്ച നിലയിൽ കണ്ടെത്തിയത്

young man found dead at hotel room — ദുര്‍ഗ പ്രസാദ് മിശ്ര. Photo: Special Arrangements

ഹൈലൈറ്റ്:

പെൺസുഹൃത്തിൻ്റെ ബർത്ത്ഡേ പാർട്ടിക്ക് എത്തിയ യുവാവിനെ മരിച്ച നിലയിൽ കണ്ടെത്തി.
ഹോട്ടലിലെ മുറിയിലാണ് യുവാവിനെ മരിച്ച നിലയിൽ കണ്ടെത്തിയത്.
സുഹൃത്തുക്കൾക്കൊപ്പം ജന്മദിന പാർട്ടി ആഘോഷിക്കാൻ ഹോട്ടലിൽ എത്തിയതായിരുന്നു യുവാവ്.

ഭുവനേശ്വർ: പെൺസുഹൃത്തിൻ്റെ ബർത്ത്ഡേ പാർട്ടിക്ക് എത്തിയ യുവാവിനെ ഹോട്ടൽ മുറിയിൽ മരിച്ച നിലയിൽ കണ്ടെത്തി. ഭുവനേശ്വറിലെ ജഗമാര – ഖണ്ഡഗിരിയിലെ ഒരു ഹോട്ടലിലെ മുറിയിലാണ് ഞായറാഴ്ച ഒഡീഷയിലെ നിയാലി സ്വദേശിയും കോണ്‍ട്രാക്ടറുമായ ദുര്‍ഗ പ്രസാദ് മിശ്രയെ (28) തൂങ്ങിമരിച്ച നിലയിൽ കണ്ടെത്തിയത്.

സോഷ്യൽ മീഡിയയിൽ താരം; ആഢംബര ജീവിതം; രാത്രിയിൽ മോഷണം; ‘ഇൻഫ്‌ളുവൻസർ’ അറസ്റ്റിൽ

സുഹൃത്തുക്കൾക്കൊപ്പം ജന്മദിന പാർട്ടി ആഘോഷിക്കാൻ ദുർഗ ഹോട്ടലിൽ എത്തിയതായിരുന്നുവെന്നാണ് റിപ്പോർട്ട്. പുലർച്ചെ സുഹൃത്തുക്കളാണ് യുവാവിനെ ഹോട്ടൽ മുറിയിൽ തൂങ്ങിമരിച്ച നിലയിൽ കണ്ടെത്തിയത്. സുഹൃത്തുക്കൾ ഉടൻ പോലീസിൽ വിവരമറിയിച്ചു. ഖണ്ഡഗിരി പോലീസ് സ്ഥലത്തെത്തി പരിശോധന നടത്തി അന്വേഷണം ആരംഭിച്ചു. സുഹൃത്തുക്കൾ ഉൾപ്പെടെയുള്ളവരെ പോലീസ് ചോദ്യം ചെയ്തു.

കഴിഞ്ഞ ദിവസം രാത്രിയാണ് ദുർഗപ്രസാദും പെൺസുഹൃത്തും കമിതാക്കളായ മറ്റ് രണ്ട് സുഹൃത്തുക്കളും ഹോട്ടലിൽ രണ്ട് മുറിയെടുത്തത്. ബർത്ത്ഡേ പാർട്ടി ആരംഭിക്കുന്നതിന് മുൻപ് ദുർഗയും യുവതിയും തമ്മിൽ വഴക്കുണ്ടായതായി. പെൺസുഹൃത്തിൻ്റെ വസ്ത്രം ഉപയോഗിച്ചാണ് ദുര്‍ഗ പ്രസാദ് മുറിയിൽ തൂങ്ങി മരിച്ചത്. ഈ സമയം യുവതി ശുചിമുറിയിലായിരുന്നുവെന്നാണ് റിപ്പോർട്ട്. പുലർച്ചെ 1.30ഓടെയാണ് യുവാവിനെ തൂങ്ങിമരിച്ച നിലയിൽ കണ്ടെത്തിയത്. തുടർന്ന് അടുത്ത മുറിയിലുണ്ടായിരുന്ന സുഹൃത്തുക്കളെ യുവതി വിവരമറിയിച്ചു. ആംബുലൻസിൽ പുലർച്ചെ മൂന്ന് മണിയോടെ യുവാവിനെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.

രാഹുലിനെതിരായ വിജ്ഞാപനം കീറിയെറിഞ്ഞ് ഹൈബിയും പ്രതാപനും; നടപടിക്ക് സാധ്യത

യുവതി ശുചിമുറിയിൽ പ്രവേശിച്ച സമയത്താണ് യുവാവ് മുറിയിൽ തൂങ്ങിമരിച്ചതെന്ന് പോലീസ് പറഞ്ഞു. ആത്മഹത്യയാണെന്നാണ് പോലീസ് നൽകുന്ന പ്രാഥമിക വിവരം. എന്നാൽ, യുവതിക്കെതിരെ യുവാവിൻ്റെ കുടുംബം രംഗത്തുവന്നു. മുൻകൂട്ടി ആസൂത്രണം ചെയ്തതനുസരിച്ച് ദുർഗയെ വിളിച്ചുവരുത്തി കൊലപ്പെടുത്തുകയായിരുന്നുവെന്ന് കുടുംബം ആരോപിച്ചു. ഇതോടെ പോലീസ് വിശദമായ അന്വേഷണം ആരംഭിച്ചു. യുവതിയുടെയും സുഹൃത്തുക്കളുടെയും മൊഴി രേഖപ്പെടുത്തുകയും മൊബൈൽ ഫോൺ പരിശോധനയ്ക്ക് വിധേയമാക്കുകയും ചെയ്തു. ഹോട്ടൽ മുറിയിലെ സിസിടിവി ദൃശ്യങ്ങൾ പരിശോധിച്ചു. യുവാവ് മുറിയിൽ നിന്ന് പുറത്തേക്ക് ഇറങ്ങുന്നതും ഉള്ളിലേക്ക് കയറി പോകുന്നതും ദൃശ്യങ്ങളിലുണ്ട്.