പപ്പായ
നമ്മളുടെ നാട്ടില്‍ വളരെ സുലഭമായി ലഭിക്കുന്ന ഒരു പഴമാണ് പപ്പായ. കഴിക്കാന്‍ നല്ല സ്വാദേറിയ ഈ പഴം കഴിച്ചാല്‍ ചര്‍മ്മത്തിന് നിരവധി ഗുണങ്ങളാണ് ലഭിക്കുന്നത്. ചര്‍മ്മത്തിന് നല്ല തിളക്കം ലഭിക്കുന്നതിനും ചര്‍മ്മത്തിന്റെ വരള്‍ച്ച നീക്കം ചെയ്യുന്നതിനും ഇത് സഹായിക്കുന്നുണ്ട്.
പപ്പായയില്‍ വിറ്റമിന്‍ എ, വിറ്റമിന്‍ ബി, വിറ്റമിന്‍ സി അതുപോലെ, കോപ്പര്‍, പൊട്ടാസ്യം, മാഗ്നീസ് എന്നിവ അടങ്ങിയിരിക്കുന്നു. അതിനാല്‍ തന്നെ, ഇത് ചര്‍മ്മത്തില്‍ നിന്നിം കുരുക്കളും പാടുകളും നീക്കം ചയ്യാന്‍ വളരെയധികം സഹായിക്കുന്നുണ്ട്. ഇത് ചര്‍മ്മത്തിന് നല്ല നിറവും തുടിപ്പും നല്‍കുന്നു.
തണ്ണിമത്തന്
പപ്പായ പോലെ തന്നെ ഈ വേനല്‍ക്കാലത്ത് ചര്‍മ്മത്തിന് ഏറ്റവുമധികം ഗുണം നല്‍കുന്ന ഒരു പഴമാണ് തണ്ണിമത്തന്. ഈ വേനല്‍ക്കാലത്ത് ഏത് മുക്കിലും മൂലയിലും തണ്ണിമത്തന് ലഭിക്കും. അത്രയ്ക്കും സുലഭമായി നാട്ടില്‍ ലഭിക്കുന്ന ഒരു പഴം കൂടിയാണ് ഇത്.
പൊതുവില്‍ നമ്മള്‍ തണ്ണിമത്തന് കഴിക്കുന്നത് വേനല്‍ക്കാലത്ത് ചൂടിനെ ചെറുക്കാന്‍ വേണ്ടിയാണ്. നല്ലപോലെ വെള്ളംദാഹം മാറ്റി തരുന്ന തണ്ണിമത്തന് വയര്‍ നിറയ്ക്കാനും സഹായിക്കും. ഇതിന് മാത്രമല്ല, നമ്മളുടെ ചര്‍മ്മത്തെ പൊന്നുപോലെ പരിപാലിക്കാനും തണ്ണിമത്തന് ശേഷിയുണ്ട്.
ഇതില്‍ വിറ്റമിന്‍ ബി1, സി, ബി6 അതുപോലെ വിറ്റമിന്‍ എ എന്നിവ അടങ്ങിയിരികുന്നു. ഇതില്‍ അടങ്ങിയിരിക്കുന്ന കരോറ്റെനോയ്ഡ്, ഫ്‌ലോവനോയ്ഡ്, ലൈകപീന്‍ എന്നിവ ചര്‍മ്മത്തിന് നല്ലതാണ്. ഇത് ചര്‍മ്മത്തെ ഹൈഡ്രേറ്റ് ചെയ്ത് നിലനിര്‍ത്തുന്നു. ചുളിവുകള്‍ മാറ്റുന്നതിനും ചര്‍മ്മത്തിന് നല്ല നിറം നല്‍കുന്നതിനും ഇത് സഹായിക്കുന്നു.
കൈതച്ചക്ക
വിറ്റമിന്‍ സി നന്നായി അടങ്ങിയിരിക്കുന്ന കൈതച്ചക്ക നിരവധി ആരോഗ്യ ഗുണങ്ങള്‍ ഉള്ളത് പോലെ തന്നെ സൗന്ദര്യ ഗുണങ്ങളാലും സമ്പന്നമാണിത്. നമ്മളു
ടെ നാട്ടില്‍ സുലഭമായി കിട്ടുന്ന ഒരു പഴം കൂടിയാണ് കൈതച്ചക്ക. ചിലരുടെ വീട്ടില്‍ തന്നെ കൈതച്ചക്ക ലഭ്യമായിരിക്കും. അധികം പൈസയില്ലാതെ വാങ്ങാന്‍ ലഭിക്കുന്ന കൈതച്ചക്ക വേനല്‍ക്കാലത്ത് ജ്യൂസ് അടിച്ച് കുടിക്കാന്‍ പലര്‍ക്കും ഇഷ്ടമായിരിക്കും.
ദാഹത്തെ ശമിപ്പിക്കാന്‍ മാത്രമല്ല, ഇതിലെ വിറ്റമിന്‍ സി, വിറ്റമിന്‍ എ, വിറ്റമിന്‍ കെ എന്നിവ മുഖക്കുരു ഇല്ലാതാക്കാന്‍ സഹായിക്കുന്നു. അതുപോലെ, മുഖത്തെ പാടുകള്‍ മാറ്റി എടുക്കുന്നതിനും പാടുകള്‍ മാറ്റി എടുക്കുന്നതിനും ഇത് സഹായിക്കുന്നുണ്ട്.
മാങ്ങ
വേനല്‍ക്കാലം എന്നതുതന്നെ മാമ്പഴക്കാലം കൂടിയാണ്. നല്ല രുചിയേറുന്ന വ്യത്യസ്തങ്ങളായ മാമ്പഴങ്ങള്‍ നമുക്ക് ലഭിക്കും. ചിലര്‍ ജ്യൂസ് അടിച്ച് കുടിക്കും. ചിലരാകട്ടെ അത് ചെത്തി കഴിക്കും. എങ്ങിനെ കഴിച്ചാലും ദാഹവും വിശപ്പും ശമിപ്പിക്കുന്നതിനോടൊപ്പം തന്നെ നമ്മളുടെ ചര്‍മ്മത്തിനെ ആരോഗ്യമുള്ളതാക്കാനും ഇത് ശേഷിയുണ്ട്.
മാങ്ങയില്‍ വിറ്റമിന്‍ സി, വിഅററമിന്‍ എ, വിറ്റമിന്‍ കെ, പോളിഫെനോലിക്‌സ്, ഫ്‌ലേവനോയ്ഡ്, ബീറ്റ കരോറ്റീന്‍ എന്നിവ അടങ്ങിയിരിക്കുന്നു. കൂടാതെ, നാരുകളാല്‍ സമ്പന്നമാണ് മാങ്ങ. ഇത് ദഹനപ്രശ്‌നങ്ങള്‍ കുറയ്ക്കാന്‍ സഹായിക്കുന്നു.
നമ്മളുടെ ശരീരത്തിലെ ദഹപ്രശ്‌നങ്ങള്‍ കുറഞ്ഞാല്‍ തന്നെ ചര്‍മ്മത്തിന് നല്ല ആരോഗ്യം ലഭിക്കും.
ഇത് കൂടാതെ, മുഖത്ത് കുരുക്കള്‍ വരാതിരിക്കാനും മുഖത്തെ ചുളിവുകള്‍ മാറ്റി ചര്‍മ്മത്തിന് നല്ല തിളക്കവും ഫ്രഷ് ലുക്കും ലഭിക്കാന്‍ ഇത് സഹായിക്കുന്നുണ്ട്. കൂടാതെ, ചര്‍മ്മത്തെ മോയ്‌സ്ച്വര്‍ ചെയ്ത് നിലനിര്‍ത്താനും ഇത് സഹായിക്കുന്നു.
Also Read: മുഖത്തെ കുരുവും പാടുകളും മാറ്റാൻ വീട്ടിൽ തയാറാക്കാം ഈ ഈസി ഫേസ് പാക്കുകൾ
ചക്ക
മാങ്ങ പോലെ തന്നെ ഈ വേനല്‍ക്കാലത്ത് ചക്ക മിക്കവീടുകളിലും ഉണ്ടായിരിക്കും. നല്ല പഴുത്ത ചക്ക കഴിച്ചാല്‍ നമ്മളുടെ ചര്‍മ്മം നല്ല ആരോഗ്യമുള്ളതും പാടുകളും കുരുക്കളും ഇല്ലാതെ സംരക്ഷിക്കാന്‍ സാധിക്കും.
ചക്കയിലും ധാരാളം വിറ്റാമിനും മിനറല്‍സും അടങ്ങിയിരിക്കുന്നു. നമ്മള്‍ കഴിക്കുന്ന ആപ്പിള്‍, ആപ്രികോട്ട്, വാഴപ്പഴം എന്നിവയേക്കാള്‍ ഗുണമാണ് ചക്കയ്ക്ക് ഉള്ളത്.
അതിനാല്‍ തന്നെ, ചക്ക നമ്മള്‍ കഴിക്കുമ്പോള്‍ ഇത് ചര്‍മ്മത്തിന് പോഷകങ്ങള്‍ നല്‍കുന്നതിനോടൊപ്പം തന്നെ സൂര്യപ്രകാശത്തില്‍ നിന്നുമുള്ള ചര്‍മ്മ പ്രശ്‌നങ്ങള്‍ ഇല്ലാതിരിക്കാനും ഇത് സഹായിക്കുന്നുണ്ട്.
