പാലക്കാട് യുവാവ് വെടിയേറ്റ് മരിച്ച നിലയിൽ; സുഹൃത്ത് ഒളിവിൽ

പാലക്കാട്: മണ്ണാർക്കാട് അമ്പലപ്പാറയിൽ യുവാവിനെ വെടിയേറ്റ് മരിച്ച നിലയിൽ കണ്ടെത്തി. തിരുവിഴാം കുന്ന് സ്വദേശി സജീറിനെയാണ് (24) മരിച്ച നിലയിൽ കണ്ടെത്തിയത്. ഇയാൾക്കൊപ്പം ഉണ്ടായിരുന്ന സുഹൃത്ത് മഹേഷ് ഒളിവിലാണ്. ഇയാൾക്കായി പോലീസ് തെരച്ചിൽ ആരംഭിച്ചു.



ഫോണിലൂടെ പരിചയം; യുവതിയെ പീഡിപ്പിച്ച കേസിൽ രണ്ടു പേർ അറസ്റ്റിൽ

ഞായറാഴ്ച രാത്രിയാണ് സജീർ വെടിയേറ്റ് മരിച്ചത്. പ്രദേശത്തെ ആളൊഴിഞ്ഞ തോട്ടത്തിൽ നിന്നാണ് മൃതദേഹം കണ്ടത്തിയത്. മഹേഷാണ് സജീറിനെ വെടിവച്ച് കൊലപ്പെടുത്തിയതെന്നാണ് റിപ്പോർട്ട്. വെടിയുതിർത്ത ശേഷം മഹേഷ് ഇവരുടെ മറ്റൊരു സുഹൃത്തിനെ ഫോണിൽ വിളിച്ച് വിവരമറിയിച്ചിരുന്നു. സജീറിനെ വെടിവച്ച് കൊലപ്പെടുത്തി എന്നാണ് ഫോണിലൂടെ അറിയിച്ചത്.

മഹേഷിൻ്റെ ഫോൺ കോൾ വന്നതിന് പിന്നാലെ സുഹൃത്ത് പോലീസിൽ വിളിച്ചറിയിച്ചു. പോലീസ് സ്ഥലത്തെത്തി തെരച്ചിൽ നടത്തുകയും മൃതദേഹം കണ്ടെത്തുകയും ചെയ്തു. സംഭവസ്ഥലത്ത് നിന്നും വെടിയുതിർത്ത നാടൻ തോക്ക് കണ്ടെത്തി. അന്വേഷണം ആരംഭിച്ചെങ്കിലും മഹേഷിനെ കണ്ടെത്താനായിട്ടില്ല.

28 വര്‍ഷം മുൻപ് ദളിത് സ്ത്രീയെ വിവാഹം ചെയ്തു; ബന്ധുക്കള്‍ വീട്ടിലെത്തി മൂത്രമൊഴിച്ചു, യുവതിയെ കോടാലികൊണ്ട് വെട്ടി, വസ്ത്രം ഉരിയാൻ ശ്രമം

വാഴത്തോട്ടത്തിൽ കാവലിരിക്കാൻ എത്തിയതാണ് മഹേഷും സജീറുമെന്ന് ബന്ധുക്കൾ വ്യക്തമാക്കുന്നുണ്ട്. കൊല നടത്താനുള്ള കാരണം എന്താണെന്ന് ഇതുവരെ വ്യക്തമായിട്ടില്ല. സംഭവത്തിൽ അന്വേഷണം ആരംഭിച്ചു.