മുറിയിൽ കത്തിച്ചുവച്ച കൊതുകുതിരി വില്ലനായി; കുട്ടിയടക്കം ഒരു കുടുംബത്തിലെ ആറ് പേർ വിഷവാതകം ശ്വസിച്ച് മരിച്ചു

മച്ചി മാർക്കറ്റിലെ മസർ വാല റോഡിലെ ഒരു വീട്ടിൽ തീപിടുത്തമുണ്ടായതായി രാവിലെ ഒമ്പത് മണിയോടെ വിവരം ലഭിക്കുകയായിരുന്നു. ഇതിന് പിന്നാലെ മൂന്ന് ഫയർ എഞ്ചിൻ പ്രദേശത്തേക്ക് പാഞ്ഞെത്തുകയും തീ കെടുത്താനുള്ള ശ്രമങ്ങൾ നടത്തുകയുമായിരുന്നു. സംഭവസ്ഥലത്ത് നിന്നും പോലീസ് ഒമ്പത് പേരെയാണ് ആശുപത്രിയിലേക്ക് പ്രവേശിപ്പിച്ചത്.

നാല് പുരുഷന്മാരും ഒരു സ്ത്രീയും ഒന്നര വയസുള്ള കുട്ടിയുമാണ് മരിച്ചിരിക്കുന്നത്. മറ്റ് രണ്ട് പേർ ഗുരുതരാവസ്ഥയിൽ ആശുപത്രിയിൽ കഴിയുകയാണ്. പരിക്കേറ്റവരിൽ 15 വയസുള്ള പെൺകുട്ടിയും 45 വയസുള്ള ഒരാളും ഉൾപ്പെടുന്നു.

Also Read : ട്രംപിന്റെ കുരുക്ക് മുറുകുന്നു: പോൺ താരവുമായുള്ള ബന്ധം വെളിപ്പെടാതിരിക്കൻ പണം നൽകി; അറസ്റ്റിന് സാധ്യത

സംഭവത്തേക്കുറിച്ച് പോലീസ് പറയുന്നത് ഇങ്ങനെ, അടുത്തിടെയുണ്ടായ ശക്തമായ മഴയുടെ ഭാഗമായി പ്രദേശത്ത് കൊതുക് ശല്യം വർദ്ധിച്ചിരുന്നു. രാത്രിയിൽ കൊതുകുതിരി കത്തിച്ചുവച്ച് ഉറങ്ങുകയായിരുന്നു. ഈ സമയത്ത് മുറിക്കുള്ളിഷ മോണോക്സൈഡ് പടരുകയും വിഷപ്പുക നിറഞ്ഞതോടെ ശ്വാസംമുട്ടുകയുമായിരുന്നു, ഇതിന് പിന്നാലെ കൊതുകുതിരി മറിഞ്ഞു വീണ് മെത്തയ്ക്ക് തീ പിടിക്കുകയും ചെയ്തിരുന്നുവെന്നാണ് പോലീസ് പറയുന്നത്. സംഭവത്തിൽ വിശദമായ അന്വേഷണം നടക്കുകയാണ്.

Read Latest National News and Malayalam News