Also Read: ഗാനമേളയ്ക്കിടെ സ്റ്റേജിൽ കയറി ഡാൻസ് കളിച്ചു, തടയാൻ ശ്രമിച്ച വളണ്ടിയറുടെ കൈ അടിച്ചൊടിച്ചു; യുവാവ് പിടിയിൽ
കോറമംഗലയിൽ നിന്നാണ് പെൺകുട്ടിയെ കാറിൽ തട്ടിക്കൊണ്ടുപോയത്. പുരുഷ സുഹൃത്തിനൊപ്പം പാർക്കിൽ ഇരിക്കുകയായിരുന്നു പെൺകുട്ടി. ഈ സമയം സിഗരറ്റ് വലിക്കുകയും ചെയ്തു. പ്രതികളിൽ ഒരാൾ വന്ന് സിഗരറ്റ് വലിക്കുന്നത് ചോദ്യം ചെയ്തു. പിന്നാലെ വാക് തർക്കം ഉണ്ടായി. പിന്നാലെ സ്ഥലത്ത് നിന്ന് ഇയാൾ പോയി. കുറച്ച് കഴിഞ്ഞ് കൂടെ ഉണ്ടായിരുന്ന ആൺ സുഹൃത്തും സംഭവ സ്ഥലത്ത് നിന്ന് പോയി.
പെൺകുട്ടി തിരിച്ച് പോകാനൊരുങ്ങുമ്പോൾ സിരഗറ്റ് വലിക്കുന്നത് ചോദ്യം ചെയ്ത വ്യക്തി മറ്റ് പ്രതികളുമായി വന്ന് പെൺകുട്ടിയെ ആക്രമിക്കുകയായിരുന്നു. കാറിൽ പിടിച്ച് വലിച്ച് കയറ്റി. നാല് മണിക്കൂറോളം ഹൊസൂർ റോഡിലേക്കും നൈസ് റോഡിലേക്കും കൊണ്ടുപോയി കാറിൽ വെച്ച് ബലാത്സംഗം ചെയ്യുകയായിരുന്നു.
ഏകദേശം പതിനൊന്ന് മണിയോടെയായിരുന്നു പെൺകുട്ടിയെ കാറിൽ തട്ടിക്കൊണ്ടുപോയത്. പുലർച്ചെ 3.30 ഓടെയാണ് അക്രമികൾ പെൺകുട്ടികൾ ഇജിപുരയിലേക്കുള്ള വഴിയിൽ ഇറക്കിവിട്ടത്. തുടർന്ന് അമ്മയോടും സുഹൃത്തുക്കൾക്കുമൊപ്പം പെൺകുട്ടി പോലീസിൽ പരാതി നൽകുകയായിരുന്നു. പിന്നാലെ അടുത്തുള്ള ആശുപത്രിയിൽ എത്തി ചികിത്സ തേടുകയും ചെയ്തു.
മാർച്ച് 25നാണ് പെൺകുട്ടിയെ കൂട്ടബലാത്സംഗത്തിന് ഇരയാക്കിയത്. പ്രതികളെല്ലാം ഒരേ സ്ഥലത്ത് താമസിക്കുന്നവരാണ്. പെൺകുട്ടിയുടെ പിരുഷ സുഹൃത്തിന് ഇവരെയെല്ലാം അറിയാമെന്നും പോലീസ് വ്യക്തമാക്കി. സംഭവം നടന്ന് ഒമ്പത് മണിക്കൂറിനുള്ളിൽ പ്രതികളെയെല്ലാം അറസ്റ്റ് ചെയ്തിരുന്നെന്നും പോലീസ് വ്യക്തമാക്കി.
Read Latest National News and Malayalam News
