2016ൽ പ്രധാനമന്ത്രി മോദിയുടെ ബിരുദം സംബന്ധിച്ച ചോദ്യങ്ങളുമായി എത്തിയ വിവരാവകാശ അപേക്ഷയിലാണ് സംഭവങ്ങളുടെ തുടക്കം. അപേക്ഷ ലഭിച്ച കേന്ദ്ര വിവരാവകാശ കമ്മീഷൻ പ്രധാനമന്ത്രിയുടെ ഓഫീസിനും ഗുജറാത്ത്, ഡൽഹി സർവകലാശാലകൾക്കും പ്രധാനമന്ത്രി മോദിയുടെ ബിരുദ, ബിരുദാന്തര കോഴ്സുകൾ സംബന്ധിച്ച വിവരങ്ങൾ പങ്കുവെക്കാൻ നിർദേശം നൽകുകയായിരുന്നു. എന്നാൽ ഇതിനെതിരെ ഗുജറാത്ത് സർവകലാശാല ഹൈക്കോടതിയെ സമീപിക്കുകയായിരുന്നു. ഈ ഹർജിയിലാണ് ഗുജറാത്ത് ഹൈക്കോടതിയുടെ നടപടി.
പട്ടിക വിഭാഗ ക്ഷേമത്തിന് ചെലവിടുന്ന കോടികള്‍ എവിടെ…? |Scheduled Caste Welfare
തങ്ങളുടെ പ്രധാനമന്ത്രിയ്ക്ക് എത്രത്തോളം വിദ്യാഭ്യാസമുണ്ടെന്ന് അറിയാൻ ഈ നാട്ടിലെ ജനങ്ങൾക്ക് അവകാശമില്ലേ എന്നായിരുന്നു വിധിയ്ക്കു പിന്നാലെ അരവിന്ദ് കെജ്രിവാളിൻ്റെ പ്രതികരണം. ബിരുദത്തിൻ്റെ വിവരങ്ങൾ പുറത്തുവിടുന്നതിനെ ശക്തമായി എതിർത്തുകൊണ്ട് അവർ കോടതിയെ സമീപിക്കുകയാണ്. അതെന്തിനാണ്? പ്രധാമന്ത്രിയുടെ ഡിഗ്രി സർട്ടിഫിക്കറ്റ് കാണണമെന്ന് ആവശ്യപ്പെട്ടയാൾക്ക് പിഴയിടാമോ? ഇവിടെ എന്താണ് സംഭവിക്കുന്നത്? വിദ്യാഭ്യാസമുള്ളതോ വിദ്യാഭ്യാസം കുറഞ്ഞതോ ആയ പ്രധാനമന്ത്രി രാജ്യത്തിനു ഭീഷണിയാണ്. അരവിന്ദ് കെജ്രിവാൾ പറഞ്ഞു.
പ്രധാനമന്ത്രിയുടെ വിദ്യാഭ്യാസ യോഗ്യത
പ്രധാനമന്ത്രി നരേന്ദ്ര മോദി 1978ൽ ഗുജറാത്ത് സർവകലാശാലയിൽ നിന്ന് ബിരുദം നേടിയെന്നും 1983ൽ ഡൽഹി സർവകലാശാലയിൽ നിന്ന് ബിരുദാനന്തര ബിരുദം നേടിയെന്നുമാണ് തെരഞ്ഞെടുപ്പ് രേഖകൾ വ്യക്മതാക്കുന്നത്. എന്നാൽ ഈ വിവരങ്ങൾ പുറത്തുവിടാൻ സർവകലാശാലയെ നിർബന്ധിക്കരുത് എന്നായിരുന്നു കഴിഞ്ഞ മാസം സോളിസിറ്റർ ജനറൽ തുഷാർ മേത്ത കഴിഞ്ഞ ദിവസം കോടതിയോട് ആവശ്യപ്പെട്ടത്. ഒരു ജനാധിപത്യരാജ്യത്ത് ഭരണത്തിലിരിക്കുന്ന ആൾ നിരക്ഷരമാണോ അതോ അയാൾക്ക് ഡോക്ടറേറ്റ് ഉണ്ടോ എന്നത് പ്രസക്തമല്ലെന്ന് കേന്ദ്രസർക്കാർ വാദിച്ചു. ഇക്കാര്യത്തിൽ പൊതുജന താത്പര്യമില്ലെന്നും ഇത് സ്വകാര്യതയ്ക്കു മേലുള്ള കടന്നുകയറ്റമാണെന്നും സർക്കാർ കോടതിയിൽ വാദിച്ചു. ആരുടെയെങ്കിലും നിരുത്തരവാദിത്തപരമായ ആകാംക്ഷയുടെ പേരിൽ വിവരങ്ങൾ പുറത്തുവിടാനാകില്ലെന്നും കേന്ദ്രം കോടതിയിൽ വാദിച്ചു.
‘ഡീൽ നടന്നുവെന്ന് തെളിഞ്ഞു, ലോകായുക്തയുടെ ശവമടക്ക് മുഖ്യമന്ത്രി നടത്തി’; കെ സുധാകരൻ
അതേസമയം, പ്രധാനമന്ത്രിയുടെ ഡിഗ്രി സർട്ടിഫിക്കറ്റ് മാത്രമാണ് ചോദിക്കുന്നതെന്നും മാർക്ക് ലിസ്റ്റല്ലെന്നുമായിരുന്നു കെജ്രിവാളിൻ്റെ അഭിഭാഷകൻ്റെ മറുപടി.
പ്രധാനമന്ത്രിയുടെ വിദ്യാഭ്യാസ യോഗ്യത സംബന്ധിച്ച് ആം ആദ്മി പാർട്ടി ഡൽഹിയിൽ വലിയ പ്രചാരണം നടത്തുന്നതിനിടയിലാണ് കോടതി നടപടികൾ എന്നത് ശ്രദ്ധേയമാണ്. വിഷത്തിൽ പാർട്ടി നഗരത്തിൽ പലയിടത്തും പോസ്റ്ററുകൾ പതിച്ചിരുന്നു.
‘ലോകായുക്തയെ ജലീൽ ഭീഷണിപ്പെടുത്തിയതിൻ്റെ ഫലം ഇപ്പോഴാണ് വന്നത്, വിധി വിചിത്രം’; വി ഡി സതീശൻ
