രജനി മക്കൾ മൻട്രം പിരിച്ചുവിട്ടു; രാഷ്ട്രീയത്തിലേക്കില്ലെന്ന് പ്രഖ്യാപിച്ച് രജനികാന്ത്

ചെന്നൈ: രാഷ്ട്രീയ പ്രവേശനം സംബന്ധിച്ച നീണ്ട നാളെത്തെ ആഭ്യൂഹങ്ങൾക്ക് വിരാമമിട്ട് സൂപ്പർ താരം രജനികാന്ത്. രാഷ്ട്രീയത്തിലേക്കില്ലെന്ന് വ്യക്തമാക്കിയ താരം കൂട്ടായമയായ മക്കൾ മൻട്രം പിരിച്ചുവിട്ടു. തൻ്റെ പേരിലുള്ള കൂട്ടായ്മ ഇനി രജനി രസികർ നർപണി മൻട്രം എന്ന പേരിൽ സാമൂഹിക പ്രവർത്തനങ്ങൾ ഏറ്റെടുത്ത് നടത്തുമെന്ന് രജനികന്ത് വ്യക്തമാക്കി.



ഉത്തരേന്ത്യയിൽ മിന്നലേറ്റ് 68 മരണം; 11 പേർ മരിച്ചത് സെൽഫിയെടുക്കുന്നതിനിടെ

ചെന്നൈയിൽ വിളിച്ചു ചേർത്ത യോഗത്തിലാണ് മക്കൾ മൻട്രം പിരിച്ചുവിടുന്നതായും താൻ രാഷ്ട്രീയത്തിലേക്ക് ഇറങ്ങില്ലെന്നും രജനി വ്യക്തമാക്കിയത്. ഒരു രാഷ്ട്രീയ പാർട്ടി ആരംഭിക്കാനും രാഷ്ട്രീയത്തിൽ സജീവമായി നിലനിൽക്കാനും ഞാൻ ആഗ്രഹിച്ചിരുന്നു. എന്നാൽ സമയവും സാഹചര്യവും അത് സാധ്യമാക്കിയില്ല. ഇനിയുള്ള കാലങ്ങളിൽ രാഷ്ട്രീയത്തിൽ എത്താനുള്ള താൽപ്പര്യവും എനിക്കില്ല. അതിനാനാലാണ് ഈ തീരുമാനമെന്നും രജനികാന്ത് പറഞ്ഞു.

നിയമസഭാ തെരഞ്ഞെടുപ്പിന് മുൻപ് രാഷ്ട്രീയത്തിൽ എത്തുമെന്നും പാർട്ടി പ്രഖ്യാപിക്കുമെന്നും വ്യക്തമാക്കിയെങ്കിലും പിന്നീട് നിലപാട് മാറ്റിയിരുന്നു. ആരോഗ്യ പ്രശ്നങ്ങളെ തുടർന്ന് ചികിത്സ ആവശ്യമായി വന്നതിനെ തുടർന്നായിരുന്നു ഈ തീരുമാനം. രാഷ്ട്രീയത്തിൽ പ്രവേശിക്കുമെന്ന നിലപാടിൽ മാറ്റം വരുത്തിയതിൽ ആരാധകരുടെ പ്രതിഷേധം ചെന്നൈയിലടക്കം ഉണ്ടായെങ്കിലും തീരുമാനത്തിൽ നിന്നും പിന്നോട്ടില്ലെന്ന് രജനി വ്യക്തമാക്കിയിരുന്നു.

തമിഴ്നാട് വിഭജനം: എങ്ങനെ കലാപത്തീയാളിക്കാമെന്ന് ചിന്തിക്കുന്ന രാജ്യദ്രോഹികളുടെ ഭരണം; കാശ്മീരിൽ നടപ്പാക്കിയത് മറ്റിടങ്ങളിൽ നടപ്പാക്കാൻ ശ്രമിക്കുന്നു: തോമസ് ഐസക്

രാഷ്ട്രീയത്തിലേക്ക് ഇല്ലെന്ന പ്രഖ്യാപനത്തിന് പിന്നാലെ മക്കൾ മൻട്രം കൂട്ടായ്മയിൽ നിന്നുള്ളവർ മറ്റ് പാർട്ടികളിലേക്ക് പോയ സാഹചര്യമുണ്ടായിരുന്നു. പൊതുസമൂഹത്തിൽ നിന്ന് മുൻപ് ലഭ്യമായിരുന്ന പിന്തുണ ഇല്ലാതാകുകയും ചെയ്തു. ഈ സാഹചര്യങ്ങൾ കൂടിയാണ് രജനിയുടെ പുതിയ തീരുമാനം ഉണ്ടായത്. അതേസമയം, മക്കൾ മന്‍ട്രത്തിലെ സെക്രട്ടറിമാര്‍, അസോസിയേറ്റുകള്‍, ഡെപ്യൂട്ടി സെക്രട്ടറിമാര്‍, എക്സിക്യൂട്ടീവ് കമ്മിറ്റി അംഗങ്ങള്‍ ചുമതലകളിൽ തുടരുമെന്ന് അദ്ദേഹം അറിയിച്ചു. വൃക്കമാറ്റ ശസ്ത്രക്രിയ്ക്ക് വിധേയനായ രജനി കൃത്യമായ ഇടവേളകളിൽ ചികിത്സ തേടുന്നുണ്ട്.