ചതുപ്പിൽ നിന്ന് എട്ടുപേരുടെ മൃതദേഹമാണ് കണ്ടെത്തിയതെന്ന് പ്രാദേശിക പോലീസ് മേധാവി വാർത്ത സമ്മേളനത്തിൽ പറഞ്ഞു. ബോട്ടില്‍ നിന്നും റൊമാനിയൻ കുടുംബത്തിലെ കുഞ്ഞിന്‍റെ പാസ്പോ‍ർട്ട് കിട്ടിയെന്നും കുഞ്ഞിനായി തെരച്ചിൽ നടക്കുന്നുവെന്നും പോലീസ് അറിയിച്ചു. വ്യാഴാഴ്ച വൈകീട്ടാണ് ചതുപ്പിൽ അകപ്പെട്ട നിലയിൽ ബോട്ട് കണ്ടെത്തിയതെന്ന് പോലീസ് വ്യക്തമാക്കി.
Also Read : ജയലക്ഷമി സിൽക്സിൻ്റെ കെട്ടിടത്തിൽ വൻ തീപിടിത്തം; കാറുകൾ കത്തിനശിച്ചു, തീ അണയ്ക്കാനുള്ള ശ്രമങ്ങൾ തുടരുന്നു
വേറിട്ട രീതിയിൽ യാത്രയയപ്പ് നൽകി ഒരു സ്കൂൾ
ആറുപേരുടെ മൃതദേഹങ്ങൾ തകർന്ന ബോട്ടിനടുത്തു ചതുപ്പിൽനിന്നു വ്യാഴാഴ്ച വൈകിട്ടു കണ്ടെടുത്തിരുന്നു. ഈ ബോട്ട് കാണാതായ കേസി ഓക്സിന്‍റെ പേരിലുള്ളതാണ്. മുപ്പതുകാരനായ ഓക്സിനുവേണ്ടി അന്വേഷണം തുടരുകയാണെന്ന് അക്വെസാസ്നെ മൊഹൗക് പോലീസ് മേധാവി ഷോൺ ഡുലൂഡ് പറഞ്ഞു.
മരിച്ചവരിൽ ആറ് പേര്‍ രണ്ട് കുടുംബങ്ങളില്‍ നിന്നുള്ളവരാണ്. മരണപ്പെട്ടവരില്‍ ഒരാള്‍ റൊമാനിയന്‍ വംശജനും മറ്റൊരാൾ ഇന്ത്യൻ പൗരനുമാണ്. മരിച്ച കുട്ടികളിൽ ഒരാൾക്ക് മൂന്ന് വയസിൽ താഴെയാണ് പ്രായം. പ്രദേശത്ത് വ്യോമസേന നടത്തിയ തെരച്ചിലിലാണ് അപകടത്തില്‍പെട്ട ബോട്ട് കണ്ടെത്തുന്നത്. തുടര്‍ന്ന് നടത്തിയ പരിശോധനയില്‍ ആറ് മൃതദേഹങ്ങളും കണ്ടെത്തി. പിന്നീട് വിശദമായ പരിശോധനയിലാണ് കൂടുതൽ മൃതദേഹങ്ങൾ കണ്ടെത്തിയത്.
Also Read : രാഹുല്‍ ഗാന്ധി ഏപ്രില്‍ 11ന് വയനാട്ടില്‍; രാഹുലിന്‍റെ കത്തുകള്‍ മണ്ഡലത്തിലെ മുഴുവന്‍ വീടുകളിലുമെത്തിക്കാൻ കോൺഗ്രസ്
മരിച്ചവരുടെ കൂടുതൽ വിവരങ്ങൾ അധികൃതര്‍ പുറത്തുവിട്ടിട്ടില്ല. കുടിയേറ്റക്കാരുടെ മരണം വേദനാജനകമാണെന്നും മരണപ്പെട്ടവരുടെ കുടുംബത്തിന്‍റെ ദുഖത്തോടൊപ്പം പങ്കു ചേരുന്നുവെന്നും പ്രധാനമന്ത്രി പ്രധാനമന്ത്രി ജസ്റ്റിൻ ട്രൂഡോ മാധ്യമപ്രവർത്തകരോട് പറഞ്ഞു.
