റമദാൻ; ജിദ്ദ സുലൈമാനിയ്യ റെയില്‍വേ സ്റ്റേഷനിലെ പാര്‍ക്കിംഗ് ഫീസ് കുറച്ചു

Also Read: എമിറേറ്റ്‌സ് എയര്‍ലൈന്‍ കപ്പല്‍ സര്‍വീസ് തുടങ്ങിയോ; എന്താണ് യാഥാര്‍ഥ്യം?

ജിദ്ദ നിവാസികള്‍ക്കും തീര്‍ത്ഥാടകര്‍ക്കും ചുരുങ്ങിയ സമയത്തിനുള്ളില്‍ മക്കയിലേക്കുള്ള യാത്ര പൂര്‍ത്തിയാക്കാന്‍ സുലൈമാനിയ സ്റ്റേഷനില്‍ നിന്നുള്ള ട്രെയിന്‍ സര്‍വീസ് ഉപയോഗപ്പെടുത്താനും പദ്ധതി ലക്ഷ്യമിടുന്നു. മക്കയിലെ റുസൈഫിയ സ്റ്റേഷനില്‍ നിന്ന് തീര്‍ത്ഥാടനകേന്ദ്രങ്ങളിലേക്ക് യാത്ര ചെയ്യാന്‍ റോയല്‍ കമ്മീഷന്‍ ക്രമീകരിച്ച പൊതുഗതാഗത സംവിധാനവും യാത്രക്കാര്‍ക്ക് പ്രയോജനപ്പെടുത്താം.

മക്കയ്ക്കും ജിദ്ദയ്ക്കുമിടയില്‍ പ്രതിദിനം 84 ട്രിപ്പുകള്‍ സര്‍വീസ് നടത്തുമെന്നും ഇക്കോണമി വിഭാഗത്തിലെ ടിക്കറ്റ് നിരക്ക് 23 റിയാലാക്കി കുറച്ചിട്ടുണ്ടെന്നും ഹറമൈന്‍ ഹൈ സ്പീഡ് ട്രെയിന്‍ പദ്ധതിയുടെ ഓപ്പറേഷന്‍സ് മാനേജര്‍ റയാന്‍ അല്‍- ഹര്‍ബി അറിയിച്ചു. പുണ്യ റമദാന്‍ മാസത്തിലെ അവസാന പത്ത് ദിവസങ്ങളില്‍ ജിദ്ദയ്ക്കും മക്കയ്ക്കും ഇടയിലുള്ള ട്രെയിന്‍ സര്‍വീസുകള്‍ പ്രതിദിനം 100 ആയി ഉയര്‍ത്തുമെന്നും അധികൃതര്‍ പ്രഖ്യാപിച്ചു.

Also Read: പെരുന്നാൾ നമസ്കാരം; മാർഗനിർദേശങ്ങൾ പുറത്തിറക്കി സൗദി

അതിനിടെ, വിശുദ്ധ റമദാനിലെ ആദ്യ ആഴ്ചയില്‍ 1.9 ദശലക്ഷത്തിലധികം ആളുകള്‍ മക്ക ബസുകള്‍ ഉപയോഗിച്ചതായി റോയല്‍ കമ്മീഷന്‍ ഫോര്‍ മക്ക സിറ്റി ആന്‍ഡ് ഹോളി സൈറ്റുകള്‍ വെളിപ്പെടുത്തി. മക്ക ബസുകളുടെ ശരാശരി പ്രതിദിന ഉപയോക്താക്കളുടെ എണ്ണം 271,000 ആണെന്നും കമ്മീഷന്‍ ചൂണ്ടിക്കാട്ടി. പ്രതിദിന യാത്രകളുടെ ശരാശരി എണ്ണം ഏകദേശം 4,400 ട്രിപ്പുകള്‍ ആണ്. ആദ്യ ആഴ്ചയ്ക്കുള്ളില്‍ 12 പാതകളിലൂടെ 31,000-ലധികം ട്രിപ്പുകളാണ് മക്ക ബസ് സര്‍വീസ് നടത്തിയത്. ഗസ്റ്റ് ഓഫ് ഗോഡ് എന്ന പേരില്‍ അറിയപ്പെടുന്ന തീര്‍ഥാടകരുടെ സേവനത്തിനായുള്ള സംരംഭങ്ങളിലൊന്നാണ് മക്ക ബസ്സ് പദ്ധതി. മക്കയുടെ സെന്‍ട്രല്‍ ഏരിയ, ഗ്രാന്‍ഡ് മസ്ജിദ് എന്നിവയെ ബന്ധിപ്പിക്കുന്ന സര്‍വീസാണിത്. 400 ബസുകളും 438 ബസ് സ്റ്റോപ്പുകളും ഉള്‍പ്പെട്ടതാണ് പദ്ധതി.

Read Latest Gulf News and Malayalam News