Curated by Karthik KK | Lipi | Updated: 2 Apr 2023, 1:12 pm
ഗോസംരക്ഷകർ യുവാവിനെ തല്ലിക്കൊന്നു. കർണാടകയിലാണ് സംഭവം. പശുക്കടത്തിൻ്റെ പേരിലാണ് കൊലപാതകം. ഇന്ദ്രീസ് പാഷയാണ് കൊല്ലപ്പെട്ടത്. ഗോരക്ഷക പുനീത് കെരെഹള്ളിയെ പോലീസ് അറസ്റ്റ് ചെയ്തു.
ഹൈലൈറ്റ്:
- കർണാടകയിൽ പശുക്കടത്തിൻ്റെ പേരിൽ യുവാവിനെ തല്ലിക്കൊന്നു.
- ഇദ്രീസ് പാഷയാണ് കൊല്ലപ്പെട്ടത്.
- ഗോസംരക്ഷകനായ ഒരാളെ പോലീസ് അറസ്റ്റ് ചെയ്തു.
തുടർന്ന് പുനീത് കെരെഹള്ളി അടക്കമുള്ള ഗോരക്ഷകർക്കെതിരെ നടപടി എടുക്കണണെന്ന് ആവശ്യപ്പെട്ട് മൃതദേഹവുമായി ഇന്ദ്രീസ് പാഷയുടെ ബന്ധുക്കൾ പ്രതിഷേധം നടത്തുകയായിരുന്നു. ഇദ്രീസ് പാഷ മോചിപ്പിക്കാൻ പുനീത് രണ്ട് ലക്ഷം രൂപ ആവശ്യപ്പെട്ടിരുന്നുവെന്നും അല്ലാത്തപക്ഷം കൊലപ്പെടുത്തുമെന്നു പറഞ്ഞതായപും പാഷയുടെ കുടുംബം ആരോപിച്ചു.
കന്നുകാലികളുമായി ഇന്ദ്രീസ് പാഷയുടെ വാഹനം ഗോസംരക്ഷകർ തടയുകയായിരുന്നുവെന്നാണ് പോലീസിന്റെ എഫ്ഐആറിൽ പറയുന്നത്. . പ്രാദേശിക ചന്തയിൽ നിന്നാണ് കന്നുകാലികളെ വാങ്ങിയതെന്നും രേഖകൾ കൈവശമുണ്ടെന്നും ഇദ്രീസ് പാഷ പറഞ്ഞെങ്കിലും, പാഷയെ പുനീത് അധിക്ഷേപിക്കുകയും പാകിസ്താനിലേക്ക് പോകാൻ ആവശ്യപ്പെടുകയും പിന്നീട് പാഷയെ ഓടിച്ചിട്ട് മർദ്ദിച്ചെന്നും എഫ്ഐആറിൽ പറയുന്നു.
പ്രതിഷേധവുമായി ഇദ്രീസ് പാഷയുടെ കുടുംബാംഗങ്ങളും നാട്ടുകാരും സ്ഥലത്ത് തടിച്ചുകൂടിയതോടെ പ്രദേശത്ത് സംഘർഷാവസ്ഥ നിലനിന്നിരുന്നു. പോലീസ് സ്ഥലത്തെത്തി മൃതദേഹം പോസ്റ്റ്മോർട്ടത്തിനായ വിട്ടു നൽകുന്നതിനായി അനുനയിപ്പിക്കുകയായിരുന്നു. പരാതിയുടെ അടിസ്ഥാനത്തിൽ കൊലക്കുറ്റത്തിന് കേസ് രജിസ്റ്റർ ചെയ്തെന്ന് പോലീസ് വ്യക്തമാക്കി.
Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
