കുവൈറ്റ് സിറ്റി> കുവൈറ്റ് മലങ്കര റൈറ്റ് മൂവ്മെന്റ് ഹോളി ഫാമിലി കോ- കത്തീഡ്രൽ ഹോളി ഫാമിലി ഹാളിൽ വച്ച് ഓശാനയുടെ പ്രത്യേക ശുശ്രൂഷയും കുരുത്തോല പ്രദക്ഷിണവും നടത്തി. നാഥാ ഞങ്ങളെ രക്ഷിക്കണമേ എന്ന് അർത്ഥമുള്ള ഓശാന ദാവീദിൻ സുതന് ഓശാന എന്ന പ്രാർത്ഥനയുമായി വിശ്വാസി സമൂഹം ഒന്നാകെ ഓശാനയുടെ ശുശ്രൂഷയിലും പ്രദക്ഷിണത്തിലും പങ്കുചേർന്നു.
പ്രദക്ഷിണത്തിന്റെ അവസാനഭാഗത്തിൽ വിശുദ്ധ വേദവായനയും തുടർന്ന് ദേവാലയത്തിൽ പ്രവേശിച്ചുകൊണ്ട് സ്ലീബാ ആഘോഷവും ബഹുമാനപ്പെട്ട ജോൺ തുണ്ടിയത്ത് അച്ചന്റെ മുഖ്യ കാർമികത്വത്തിൽ നടത്തി. വിശുദ്ധ കുർബാനയ്ക്കുശേഷം ഫ്രണ്ട്സ് ഓഫ് മേരി അംഗങ്ങളുടെ നേതൃത്വത്തിൽ നേർച്ചയും ക്രമീകരിച്ചു.
കെഎംആർഎം പ്രസിഡണ്ട് ജോജിമോൻ തോമസ്, ജനറൽ സെക്രട്ടറി ലിബു ജോൺ, ട്രഷറർ ടിങ്കൂ ജോയ്, ജനറൽ കൺവീനർ അൽഫ്രഡ്‌ ചാണ്ടി, മറ്റ് സെൻട്രൽ മാനേജിങ് കമ്മിറ്റി അംഗങ്ങൾ, ഏരിയ കമ്മിറ്റി അംഗങ്ങൾ എന്നിവർ ഓശാന പെരുന്നാളിന്റെ ക്രമീകരണങ്ങൾക്ക് നേതൃത്വം നൽകി. ഏകദേശം 600 ൽ അധികം വിശ്വാസികൾ പങ്കെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
