കുവൈറ്റ് സിറ്റി> സാധാരണക്കാരായ തൊഴിലാളികൾ അധിവസിക്കുന്ന കുവൈത്തിലെ കബദിൽ ഇഫ്താർ കിറ്റ് വിതരണം ചെയ്തു ഐഎംസിസി കുവൈറ്റ് കമ്മിറ്റി. ബറുകളിലും മറ്റു ഒറ്റപ്പെട്ടു കിടക്കുന്ന സ്ഥലങ്ങളിലും ആളുകൾക്കായി സംഘടിപ്പിച്ച ഇഫ്താർ കിറ്റ് വിതരണം കുവൈത്തിലെ അറിയപ്പെടുന്ന സാമൂഹ്യ പ്രവർത്തകൻ മുനവ്വർ മുഹമ്മദ് ഉദ്ഘാടനം ചെയ്തു.
തന്റെ ചുറ്റുമുള്ള മനുഷ്യന്റെ പ്രയാസങ്ങൾ മനസ്സിലാക്കി അവരെ സഹായിക്കലാണ് ഏറ്റവും പുണ്യമായ കർമമെന്നു അദ്ദേഹം പറഞ്ഞു. സത്താർ കുന്നിൽ അധ്യക്ഷത വഹിച്ച ചടങ്ങിൽ ഹമീദ് മധൂർ സ്വാഗതവും ഇല്യാസ് ചിത്താരി നന്ദിയും പറഞ്ഞു. മതേതര ഇന്ത്യയെ വീണ്ടെടുക്കുക മതനിരപേക്ഷ കേരളത്തെ ഉയർത്തിപ്പിടിക്കുക എന്ന പ്രമേയത്തിൽ ഐഎൽഎൽ സംസ്ഥാന കമ്മിറ്റി മെയ് 12നു കോഴിക്കോട് കടപ്പുറത്തു നടത്തുന്ന സെക്കുലർ ഇന്ത്യ റാലിയുടെ പ്രചരണാർത്ഥം തൊഴിലാളികൾക്കുള്ള പുതു വസ്ത്രവും ചടങ്ങിൽ വിതരണം ചെയ്തു. നൂറ്റമ്പതോളം ആളുകൾക്കാണ് സഹായ വിതരണം നടത്തിയത്. അൻസാർ ഓർച്ച, ഹനീഫ് എന്നിവർ ആശംസകൾ നേർന്നു സംസാരിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
