മുടി കൊഴിച്ചില്‍, അകാലനരയ്ക്ക് കോള്‍ഡ് പ്രസ്ഡ് കോക്കനട്ട് ഓയില്‍ തയ്യാറാക്കി പുരട്ടാം

​വെളിച്ചെണ്ണ ​

മുടി കൊഴിച്ചില്‍ തടയാനും മുടി വളരാനുമെല്ലാം തന്നെ പണ്ടു കാലം മുതല്‍ തന്നെ ഉപയോഗിച്ച് വരുന്ന ഒന്നാണ വെളിച്ചെണ്ണ. നല്ല ശുദ്ധമായ വെളിച്ചെണ്ണ മുടിയ്ക്ക് പല ഗുണങ്ങളും നല്‍കുന്ന ഒന്നാണ്. മുടി വളരാനും കൊഴിച്ചില്‍ നിര്‍ത്താനും അകാലനര അകറ്റാനും ഉള്‍പ്പെടെ തികച്ചും സ്വാഭാവിക ഗുണങ്ങള്‍ നല്‍കുന്ന ഒന്നാണിത്. വീട്ടില്‍ തന്നെ തയ്യാറാക്കി ഉപയോഗിയ്ക്കുന്ന വെളിച്ചെണ്ണയാണ്, അതായത് ശുദ്ധമായ വെളിച്ചെണ്ണയാണ് പൂര്‍ണ ഗുണം നല്‍കുക.

​കോള്‍ഡ് പ്രസ്ഡ് വെളിച്ചെണ്ണ ​

വെളിച്ചെണ്ണ തന്നെ പലതരമുണ്ട്. ഇതില്‍ കോള്‍ഡ് പ്രസ്ഡ് വെളിച്ചെണ്ണ മുടി കൊഴിച്ചില്‍ അകറ്റാനും മുടി വളരാനുമെല്ലാം ഏറെ നല്ലതാണ്. ഇത് മുടിയ്ക്ക് നല്‍കുന്ന ഗുണങ്ങള്‍ പലതാണ്. ഇതിലെ പോഷകങ്ങളാണ് മുടി വളരാന്‍ സഹായിക്കുന്നത്. ഇവ ശിരോചര്‍മത്തിന് ആവശ്യമായ പോഷകങ്ങള്‍ നല്‍കുന്നു.

മുടി വളരാന്‍ സഹായിക്കുന്നു. ഇതു പോലെ മുടി കൊഴിച്ചില്‍ തടയുകയും ചെയ്യുന്നു. ആരോഗ്യകരമായ മുടി വളര്‍ച്ചയ്ക്ക് ഏറെ ഗുണകരമാണ് കോള്‍ഡ് പ്രസ്ഡ് കോക്കനട്ട് ഓയില്‍.

​താരന്‍

താരന്‍ പലരുടേയും മുടി പ്രശ്‌നങ്ങളില്‍ പ്രധാനപ്പെട്ട ഒന്നാണ്. മുടിയില്‍ ഇത്തരം വെളിച്ചെണ്ണ ഉപയോഗിയ്ക്കുന്നത് താരന്‍ പോലുള്ള പ്രശ്‌നങ്ങള്‍ക്ക് നല്ലൊരു പരിഹാരമാണ്. ഇതിന് ആന്റി ഫംഗല്‍ ഗുണങ്ങള്‍ ഏറെയുണ്ട്. ഇതാണ് താരന്‍ തടയാനും മറ്റ് ഇന്‍ഫെക്ഷനുകള്‍ക്കും പരിഹാരമായി പ്രവര്‍ത്തിയ്ക്കുന്നത്. ഇതിന് പുറമേ ഇത് മുടിയ്ക്ക് നല്ലൊരു കണ്ടീഷണര്‍ ഗുണം നല്‍കുന്ന ഒന്ന് കൂടിയാണ്. ഇത് മുടിയ്ക്ക് സ്വാഭാവികമായി ഈര്‍പ്പം നല്‍കുന്നു.

മുടിത്തുമ്പ് പിളരുന്നത് ഒഴിവാക്കുന്നു. മുടിയ്ക്ക് തിളക്കവും മൃദുത്വവും നല്‍കുന്നു. മുടിയ്ക്ക് മാത്രമല്ല, ചര്‍മത്തിനും കോള്‍ഡ് പ്രസ്ഡ് കോക്കനട്ട് ഓയില്‍ ഏറെ നല്ലതാണ്.

​ഇത് തയ്യാറാക്കാന്‍​

ഇത് നമുക്ക് വീട്ടില്‍ തന്നെ തയ്യാറാക്കാവുന്നതേയുള്ളൂ. ഇത് തയ്യാറാക്കാന്‍ രണ്ട് മൂന്ന് മൂത്ത തേങ്ങയെടുക്കുക. ഇതിനുള്ളില്‍ നിന്നും കഷ്ണങ്ങളായി തേങ്ങ കൊത്തിയെടുക്കുക. പിന്നീട് ഇത് നല്ലതുപോലെ കഴുകി വെള്ളം പൂര്‍ണമായും നീക്കാം. ഇത് മിക്‌സിയില്‍ അടിയ്ക്കാം. ആവശ്യത്തിന് വെള്ളം ചേര്‍ക്കാം. നല്ലതുപോലെ അരച്ചെടുക്കുക. ഇത് പിന്നീട് നല്ലതുപോലെ അരിച്ചെടുക്കുക.

ഇതിന് മസ്ലിന്‍ ക്ലോത്ത് ഉപയോഗിയ്ക്കുന്നതാണ് നല്ലത്.

​മുടിയിലും ചര്‍മത്തിലുമെല്ലാം ഉപയോഗിയ്ക്കാം​

​ഇത് ഒരു ഗ്ലാസ് ജാറില്‍ രണ്ട് ദിവസത്തോളം അടച്ച് സൂക്ഷിയ്ക്കുക. അധികം വെളിച്ചമില്ലാത്തിടത്ത് സൂക്ഷിയ്ക്കുക. രണ്ട് ദിവസം കഴിയുമ്പോള്‍ ജാറിന് മുകളില്‍ എണ്ണ തെളിയും, അടിയില്‍ വെള്ളവും. വെളിച്ചെണ്ണ മാത്രം മറ്റൊരു ജാറിലേയ്ക്ക് മാറ്റായം. വെള്ളത്തിന്റെ അംശം ഇല്ലെന്ന് ഉറപ്പു വരുത്തുക.