Also Read: കണ്ണൂരിൽ വൻ കഞ്ചാവ് വേട്ട; ഒഡീഷ സ്വദേശി പിടിയിൽ
ഡൽഹിയിലണ് പുതിയ കേസ് റിപ്പോർട്ട് ചെയ്തിരിക്കുന്നത്. പ്രായപൂർത്തിയാകാത്ത പെണ്‍കുട്ടിയുടെ പേരില്‍ ഇന്‍സ്റ്റാഗ്രാമില്‍ വ്യാജ അക്കൌണ്ട് ഉണ്ടാക്കി അശ്ലീല ചിത്രങ്ങൾ പ്രചരിപ്പിച്ചെന്നാണ് കേസ്. കാറ്ററിങ് തൊഴിലാളിയായ അരുൺ കുമാർ സംഭവവുമായി ബന്ധപ്പെട്ട് അറസ്റ്റിലായി. ഇൻസ്റ്റാഗ്രാമിലൂടെയാണ് അരുൺകുമാർ പതിനേഴ്കാരിയായ പെൺകുട്ടിയെ പരിചയപ്പെടുന്നത്.
Also Read: എലത്തൂർ ട്രെയിൻ തീവെപ്പ്; പ്രതി ഷഹറൂഖ് സെയ്ഫി മഹാരാഷ്ട്രയിൽ പിടിയിലായി
പെട്ടെന്ന് തന്നെ ഇരുവരും അടുപ്പത്തിലായി. പിന്നീട് ചാറ്റിങും തുടങ്ങി. മൊബൈൽ നമ്പറുകൾ ഇരുവരും പരസ്പരം പങ്കുവെക്കുകയും ചെയ്തിരുന്നു. നിരന്തരമായി ചാറ്റിങ് തുടരുന്നതിനിടയിൽ പെൺകുട്ടി അരുണുമായുള്ള അടുപ്പം കുറച്ചു. ഇൻസ്റ്റാഗ്രാമിൽ നിന്ന് അൺഫോളോ ചെയ്യുകയും ബ്ലോക്ക് ചെയ്യുകയും ചെയ്തു. ഫോണിലും യുവാവിന്റെ നമ്പർ ബ്ലോക്ക് ചെയ്തു. ഇതോടെ പെൺകുട്ടിയോട് അരുൺ കുമാറിന് വൈരാഗ്യം ഉടലെടുത്തു.
തുടർനാണ് കൈയ്യിലുണ്ടായിരുന്ന പെൺകുട്ടിയുടെ ചിത്രം ഉപയോഗിച്ച് ഇൻസ്റ്റാഗ്രാമിൽ വ്യാജ അക്കൗണ്ട് നിർമ്മിച്ചത്. പെൺകുട്ടിയുടെ ഫോൺ നമ്പർ അക്കൗണ്ടിൽ ലിങ്ക് ചെയ്തിരുന്നു. അശ്ലീല ചിത്രങ്ങളായിരുന്നു അക്കൗണ്ട് വഴി ഷെയർ ചെയ്തത്. അറിയാത്ത ഫോൺ നമ്പറിൽ നിന്ന് നിരന്തരം ഫോൺ കോളുകൾ വന്ന് തുടങ്ങിയതോടെയാണ് പെൺകുട്ടി ഫേക്ക് അക്കൗണ്ടിന്റെ കാര്യം ശ്രദ്ധിക്കുന്നത്. തുടർന്ന് പോലീസിൽ പരാതി നൽകുകയായിരുന്നു. അന്വേഷണത്തിൽ പെൺകുട്ടിയുടെ സുഹൃത്ത് അരുൺ കുമാറാണ് വ്യാജ അക്കൗണ്ട് ഉണ്ടാക്കിയതെന്ന് തെളിഞ്ഞതോടെ അറസ്റ്റ് ചെയ്യുകയായിരുന്നു. വ്യാജ ഐഡി ഉണ്ടാക്കാൻ ഉപയോഗിച്ച ഇയാളുടെ മൊബൈൽ ഫോൺ ഇയാളിൽ നിന്ന് കണ്ടെടുത്തതായി പോലീസ് അറിയിച്ചു.
