10 വയസുകാരിയെ കൂട്ടുകാർ പീഡിപ്പിച്ചു: സംഭവം കോഴിക്കോട്, രണ്ടുപേർ പിടിയിൽ

കോഴിക്കോട്: കോഴിക്കോട് പത്തു വയസുകാരിയെ കൂട്ടുകാർ പീഡിപ്പിച്ച സംഭവത്തിൽ രണ്ടുപേർ പിടിയിൽ. വെള്ളയിൽ പോലീസ് സ്റ്റേഷൻ പരിധിയിലാണ് ഞെട്ടിക്കുന്ന സംഭവം. പ്രദേശത്തെ ഒരു കോളനിയിൽ രണ്ട് മാസം മുന്നേയാണ് പീഡനം നടന്നതെന്നാണ് മലയാള മനോരമ റിപ്പോർട്ട് ചെയ്യുന്നത്. പെൺകുട്ടിയുടെ രക്ഷിതാക്കൾ സ്ഥലത്ത് ഇല്ലാത്ത സമയത്താണ് കുട്ടി അക്രമിക്കപ്പെട്ടത്.



വിവരം പെൺകുട്ടി രക്ഷിതാക്കളോട് പറഞ്ഞിരുന്നെങ്കിലും ഇവർ പോലീസിൽ പരാതി നൽകിയില്ല. കഴിഞ്ഞദിവസം വീട്ടുകാർ തമ്മിലുണ്ടായ തർക്കത്തിനിടെയാണ് കുട്ടിയെ ഉപദ്രവിച്ച വിഷയം വീണ്ടും ചർച്ചയാകുന്നത്. ഇതോടെ നാട്ടുകാരാണ് പോലീസിനെ വിവരമറിയിക്കുന്നത്.

Also Read : അഭിമാനമായി സിരിഷ; കാഴ്ചകൾ കണ്ട് അവർ മടങ്ങിയെത്തി, വെർജിൻ ഗലാക്റ്റിക്കിന്റെ ബഹിരാകാശ യാത്ര വിജയം



തുടർന്ന് പോലീസ് നടത്തിയ അന്വേഷണത്തിൽ പീഡനം നടന്നതായി വ്യക്തമായതായി ഏഷ്യാനെറ്റ് ന്യൂസ് റിപ്പോർട്ട് ചെയ്തു. പെൺകുട്ടിയുടെ വീട്ടുകാരിൽ നിന്നും പരാതി എഴുതി വാങ്ങി അന്വേഷണം നടത്തുകയും ചെയ്തു. പരാതിയിൽ പറഞ്ഞ മൂന്ന് കുട്ടികളെ ചോദ്യം ചെയ്തപ്പോഴാണ് മറ്റ് രണ്ട് പേർ കൂടി ഉൾപ്പെട്ടതായി വ്യക്തമാകുന്നത്.

Also Read : 12വയസുകാരി എട്ടുമാസം ഗർഭിണി; രക്ഷിതാക്കളുടെ പരാതിയിൽ 43കാരനായ അമ്മാവൻ അറസ്റ്റിൽ



കേസുമായി ബന്ധപ്പെട്ട് 11, 12 വയസുള്ളവരാണ് പിടിയിലായിരിക്കുന്നത്. ഇവരെ അറസ്റ്റ് ചെയ്ത് ജുവൈനൽ കോടതിയിൽ ഹാജരാക്കി. കോഴിക്കോട് സിറ്റി അസിസ്റ്റന്‍റ് കമ്മീഷണർ പി. ബിജുരാജിനാണ് അന്വേഷണച്ചുമതല.