​ഗ്രീന്‍ ടീയില്‍ ഈ രണ്ട് സാധനങ്ങള്‍ ചേര്‍ത്ത് കുടിച്ചാല്‍ തൂങ്ങിത്തുടങ്ങിയ അടിവയറെല്ലാം ആലിലവയറാക്കാം​

​വയര്‍ കുറയ്ക്കാന്‍ ഗ്രീന്‍ ടീ​

വയറും തടിയും കുറയ്ക്കാന്‍ ഏറ്റവും നല്ല മാര്‍ഗ്ഗമാണ് ദിവസേന ഗ്രീന്‍ ടീ കുടിക്കുക എന്നത്. എന്നും രാവിലെ ഗ്രീന്‍ ടീ കുടിക്കുന്നത് നമ്മളുടെ ശരീരത്തിലെ മെറ്റബോളിസം വര്‍ദ്ധിപ്പിക്കുന്നതിന് സഹായിക്കുന്നുണ്ട്. ശരീരത്തില്‍ മെറ്റബോളിസം വര്‍ദ്ധിക്കുമ്പോഴാണ് നനമ്മള്‍ കഴിച്ച ആഹാരം ഊര്‍ജമായി മാറ്റപ്പെടുകയും ഇത് കലോറി വേഗത്തില്‍ ദഹിപ്പിക്കുന്നതിന് സഹായിക്കുകയും ചെയ്യുന്നത്.

അതിനാല്‍, തന്നെ, ശരീരത്തില്‍ അമിതമായി കൊഴുപ്പ് അടിഞ്ഞ് കൂടാതിരിക്കാന്‍ ഇത് സഹായിക്കുന്നുണ്ട്. ഇത് തടിയും വയറും വേഗത്തില്‍ കുറയ്ക്കാന്‍ ഇത് സഹായിക്കുന്നുണ്ട്.

​വയര്‍ കുറയ്ക്കാന്‍ ഗ്രീന്‍ ടീ ഇങ്ങനെ തയ്യാറാക്കാം​

വയര്‍ കുറയ്ക്കാന്‍ ഗ്രീന്‍ ടീ മാത്രം കുടിച്ചാല്‍ പോര, ഇതിന്റെ കൂടെ തേന്‍, ചെറുനാരങ്ങ എന്നിവ ചേര്‍ത്താല്‍ കൂടുതല്‍ ഗുണമാണ് ലഭിക്കുക. നാരങ്ങയ്ക്ക് ശരീരത്തിലെ കൊഴുപ്പിനെ വേഗത്തില്‍ ദഹിപ്പിക്കാനുള്ള ശേഷിയുണ്ട്. അതുപോലെ, തേനിന് ആയാലും വയര്‍ കുറയ്ക്കാന്‍ ശേഷിയുണ്ട്.

ഇത് തയ്യാറാക്കുന്നതിനായി ആദ്യം തന്നെ ഒരു ഗ്ലാസ്സ് വെള്ളം അടുപ്പത്ത് വെക്കുക. ഇതിലേയ്ക്ക് ഗ്രീന്‍ ടീ ഇട്ട് തിളപ്പിച്ച് എടുക്കുക. നന്നായി തിളപ്പിക്കേണ്ട ആവശ്യമില്ല. ചായ അരിച്ചതിന് ശേഷം ഇതിലേയ്ക്ക് ഒരു ചെറുനാരങ്ങയുടെ പകുതി പിഴിഞ്ഞ് ഒഴിക്കുക. അതുപോലെ, ചൂട് ആറിക്കഴിയുമ്പോള്‍ ഇതിലേയ്ക്ക് കുറച്ച് തേനും ചേര്‍ത്ത് നിങ്ങള്‍ക്ക് കുടിക്കാവുന്നതാണ്.

​കഴിക്കേണ്ട വിധം​

എന്നും രാവിലെ വെറും വയറ്റില്‍ ഇത് കുടിക്കുന്നതാണ് നല്ലത്. അഥായത്, പ്രഭാതഭക്ഷണത്തിന് മുന്‍പ് തന്നെ. അതുപോലെ, ദിവസേന അടുപ്പിച്ച് കുടിച്ചാല്‍ മാത്രമാണ് നല്ല ഫലം ലഭിക്കൂ. ഈ വെള്ളം മാത്രം പോര, നല്ല ഡയറ്റും പിന്തുടര്‍ന്നാല്‍ വളരെ പെട്ടെന്ന് നിങ്ങള്‍ പ്രതീക്ഷിച്ചതിലും നല്ല ഫലം ലഭിക്കാന്‍ ഇത് സഹായിക്കുന്നുണ്ട്.

അതുപോലെ, ചെറിയ രീതിയില്‍ വ്യായാമം ചെയ്യുന്നവര്‍, പ്രത്യേകിച്ച് നടക്കുന്നത്, സൈക്കിള്‍ ചവിട്ടുന്നത്, നീന്തുന്നത്, എന്നിവയെല്ലാം തന്നെ ശരീരഭാരവും വയറും വേഗത്തില്‍ കുറയ്ക്കാന്‍ സഹായിക്കുന്നു.

​ചേര്‍ക്കാവുന്ന മറ്റ് ചേരുവകള്‍​

വയര്‍ കുറയ്ക്കാന്‍ ഗ്രീന്‍ ടീ കുടിക്കുന്നവര്‍ക്ക് ചെറുനാരങ്ങയും തേനും മാത്രമല്ല, കറുവാപ്പട്ട ചേര്‍ത്ത് കുടിക്കുന്നതും നല്ലതാണ്. കറുവാപ്പട്ട ശരീരത്തിലെ കലോറി കുറയ്ക്കാനും കൊഴുപ്പ് കുറയ്ക്കാനും സഹായിക്കുന്നുണ്ട്.

അതുപോലെ തന്നെ, കറുവാപ്പട്ട വെള്ളം സ്ഥിരമാക്കുന്നവരില്‍ കൊളസ്‌ട്രോള്‍ കുറവായിരിക്കും. അതുപോലെ, പ്രമേഹത്തെ നിയന്ത്രിക്കാനും ഇത് സഹായിക്കുന്നുണ്ട്.

ഇത് തയ്യാറാക്കുന്നതിനായി ഗ്രീന്‍ ടീ തയ്യാറാക്കാന്‍ വെക്കുന്ന വെള്ളത്തില്‍ ഒരു കഷ്ണം കറുവാപ്പട്ട ചേര്‍ത്താല്‍ മതിയാകും. കറുവാപ്പട്ടയുടെ നീര് നന്നായി വെള്ളത്തില്‍ ചേരണം. അതിന് ശേഷം നന്നായി തേയില ഇട്ട് ചെറുനാരങ്ങ നീര് ചേര്‍ത്ത് കുടിക്കാവുന്നതാണ്. ഇതില്‍ തേന്‍ ചേര്‍ക്കണം എന്ന് നിര്‍ബന്ധം ഇല്ല.

Also Read: ഇത് കുടിച്ചാല്‍ വയര്‍ ഒട്ടും, ഒരിക്കലും പഴയപോലെ ചാടുകയും ഇല്ല​

​ശ്രദ്ധിക്കേണ്ട കാര്യം​

പ്രമേഹം കുറവ് ഉള്ളവര്‍ ഗ്രീന്‍ ടീ അമിതമായി കുടിക്കുന്നത് ഷുഗര്‍ലെവല്‍ നല്ലപോലെ കുറയുന്നതിന് ഒരു കാരണമാകുന്നു. അതിനാല്‍ ശ്രദ്ധിച്ച് മാത്രം ഗ്രീന്‍ ടീ കുടിക്കാന്‍ ശ്രദ്ധിക്കുക. അതുപോലെ, ഗ്രീന്‍ അമിതമായി കുടിക്കുന്നവരില്‍ അമിതമായിട്ടുള്ള ആകാംഷ, ഉറക്കത്തിന്റെ പ്രശ്‌നങ്ങള്‍ എന്നിവയെല്ലാം തന്നെ കാണാന്‍ സാധിക്കുന്നതാണ്.

അതുപോലെ, ചെറുനാരങ്ങ കലോറി കുറയ്ക്കുമെങ്കിലും ഇത് അമിതമായി ശരീരത്തില്‍ എത്തുന്നത് ചര്‍മ്മം വരണ്ട് പോകുന്നതിന് കാരണമാണ്. അതുമാത്രമല്ല, അസിഡിറ്റി പ്രശ്‌നങ്ങള്‍ ഉണ്ടാക്കുന്നതിനും ഇത് ഒരു പ്രധാന കാരണമാകുന്നു. അതിനാല്‍, ഇത്തരം പ്രശ്‌നങ്ങള്‍ ഉള്ളവര്‍ ഡോക്ടറുടെ നിര്‍ദ്ദേശപ്രകാരം മാത്രം കഴിക്കാന്‍ ശ്രദ്ധിക്കുക.

English Summary: Green Tea For Reducing Abdomen Fat

​