12വയസുകാരി എട്ടുമാസം ഗർഭിണി; രക്ഷിതാക്കളുടെ പരാതിയിൽ 43കാരനായ അമ്മാവൻ അറസ്റ്റിൽ

കോയമ്പത്തൂര്‍: കോയമ്പത്തൂരിനു സമീപം പ്രായപൂ‍ര്‍ത്തിയാകാത്ത പെൺകുട്ടിയെ പീഡിപ്പിച്ചു ഗ‍ര്‍ഭിണിയാക്കിയ കേസിൽ അമ്മാവൻ അറസ്റ്റിൽ. പെൺകുട്ടിയുടെ രക്ഷിതാക്കളുടെ പരാതിയിലാണ് പ്രതിയെ തമിഴ്നാട് പോലീസ് അറസ്റ്റ് ചെയ്തത്. ശനിയാഴ്ചയാണ് സംഭവമുണ്ടായത്.



മാസങ്ങള്‍ക്ക് മുൻപാണ് കേസിന് ആസ്പദമായ സംഭവമുണ്ടായതെന്നാണ് പോലീസ് പറയുന്നത്. എന്നാൽ അടുത്തിടെ കുട്ടി വയറുവേദനയുണ്ടെന്ന് രക്ഷിതാക്കളെ അറിയിച്ചപ്പോള്‍ മാത്രമാണ് സംഭവം പുറത്തറിഞ്ഞത്. തുടര്‍ന്ന് കുട്ടിയെ ആശുപത്രിയിൽ എത്തിച്ചു പരിശോധിച്ചപ്പോള്‍ കുട്ടി എട്ടുമാസത്തോളം ഗര്‍ഭിണിയാണെന്നു കണ്ടെത്തുകയായിരുന്നു. തുടര്‍ന്നാണ് കുട്ടി അമ്മാവൻ പീഡിപ്പിച്ച വിവരം അറിയിക്കുന്നത്. 43 വയസ് പ്രായമുള്ള അച്ഛൻ്റെ മൂത്ത സഹോദരനാണ് കേസിലെ പ്രതി.

Also Read: ബിജെപി നേതാക്കൾ ട്രോളിയത് സുരേന്ദ്രനെ? നെയ്മറിൻ്റെ കീറിയ നിക്കർ ചൂണ്ടിക്കാട്ടി വചസ്പതിയും ശിവശങ്കറും

സെൻട്രൽ ഓള്‍ വിമൻ പോലീസ് സ്റ്റേഷനിലെത്തിയ മാതാപിതാക്കള്‍ പ്രതിയ്ക്കെതിരെ പരാതി നല്‍കുകായിയരുന്നു. മാതാപിതാക്കളോടൊപ്പം പെൺകുട്ടി ഒരു വാടകവീട്ടിലാണ് കഴിഞ്ഞിരുന്നതെന്നാണ് പോലീസ് പറയുന്നത്. വിവാഹിതനായ പ്രതിയ്ക്ക് 19 വയസുള്ള മകനുമുണ്ട്. ഇവര്‍ കെട്ടിടത്തിൻ്റെ താഴത്തെ നിലയിലാണ് താമസിക്കുന്നത്. ഒൻപതു മാസം മുൻപാണ് പീഡനം നടന്നതെന്നും വിവരം പുറത്തു പറയരുതെന്ന് പ്രതി കുട്ടിയെ ഭീഷണിപ്പെടുത്തിയിരുന്നുവെന്നും പോലീസ് പറഞ്ഞു.

പരാതിയുടെ അടിസ്ഥാനത്തിൽ വിവിധ വകുപ്പുകള്‍ പ്രകാരവും പോക്സോ വകുപ്പുകള്‍ പ്രകാരവുമാണ് പ്രതിയ്ക്കെതിരെ കേസെടുത്തത്. ശനിയാഴ്ച പോലീസ് പ്രതിയെ പോലീസ് അറസ്റ്റ് ചെയ്തത്.

Also Read: അതിർത്തിയിൽ നിറതോക്കുമായി ആതിര; അസം റൈഫിള്‍സിലെ ഏക മലയാളി വനിത; അഭിമാന നിമിഷം, വീഡിയോ കാണാം

സമാനമായ മറ്റൊരു സംഭവത്തിൽ തെലങ്കാനയിൽ ഒരു 40കാരനും അറസ്റ്റിലായി. അയൽക്കാരൻ്റെ മൂന്നര വയസ്സുള്ള കുഞ്ഞിനെ പീഡിപ്പിച്ച കേസിലാണ് ഇയാളെ അറസ്റ്റ് ചെയ്തത്. ജൂലൈ നാലിന് കുട്ടിയെ തട്ടികകൊണ്ടു പോയ ഇയാള്‍ സമീപത്തെ ഒരു കടയിൽ വെച്ച് പീഡിപ്പിക്കുകയായിരുന്നു. തുടര്‍ന്ന് ബോധരഹിതയായി കണ്ടെത്തിയ കുട്ടിയെ വൈദ്യപരിശോധന നടത്തിയപ്പോഴാണ് പീഡനം നടന്ന വിവരം വ്യക്തമായത്.