കഴിഞ്ഞ ദിവസമാണ് ഛത്തീസ്ഗഡിലെ കബീർധാമിൽ ഞെട്ടിക്കുന്ന സംഭവം നടന്നത്. സമ്മാനമായി കിട്ടിയ ഹോം തീയേറ്റർ പെട്ടി തുറന്ന് പുറത്തെടുത്ത ശേഷം വൈദ്യുതിയുമായി ബന്ധിപ്പിച്ച് സ്വിച്ച് ഓൺ ചെയ്തതോടെ ഉഗ്രശബ്ദത്തോടെ പൊട്ടിത്തെറിക്കുകയായിരുന്നു. നവവരനും ഇയാളുടെ സഹോദരനുമാണ് മരിച്ചത്. വീടിന് സാരമായ കേടുപാടുകളുണ്ടായതിനു പിന്നാലെ നാലു പേർക്ക് പരിക്കേൽക്കുകയും ചെയ്തു. സംഭവത്തിൽ കേസെടുത്ത പോലീസ് വിശദമായ അന്വേഷണം നടത്തുകയായിരുന്നു.
മത്സ്യ-മാംസ മാര്‍ക്കറ്റിന്‍റെ അവസ്ഥ അതിദയനീയം | Batheri Fish and Meat Market|
ഹോം തീയേറ്ററിനുള്ളിൽ സ്ഫോടകവസ്തുക്കൾ നിറച്ചിരുന്നുവെന്നും ഇത് സമ്മാനമായി നൽകിയത് വധുവിൻ്റെ പഴയ കാമുകനാണെന്നും പോലീസ് അന്വേഷണത്തിൽ കണ്ടെത്തി. വൈദ്യുതിയുമായി ബന്ദിപ്പിക്കുന്നതോടെ പൊട്ടിത്തെറിക്കുന്ന തരത്തിലായിരുന്നു ബോംബ് തയ്യാറാക്കിയത്. ആക്രമണത്തിൽ 22കാരനായ ഹേമേന്ദ്ര മേറാവി തത്ക്ഷണം കൊല്ലപ്പെട്ടു. ഇയാളുടെ സഹോദരൻ ചികിത്സയ്ക്കിടെ ആശുപത്രിയിൽ വെച്ചാണ് മരിച്ചത്. സ്ഫോടനത്തിൽ വീടിൻ്റെ മേൽക്കൂരയും ഭിത്തികളും തകരുകയും ചെയ്തിരുന്നു.
ഹോം തീയേറ്ററിനുള്ളിൽ മനഃപൂർവം സ്ഫോടകവസ്തുക്കൾ ഘടിപ്പിച്ചിരുന്നു എന്നു കണ്ടെത്തിയ പോലീസ് വിവാഹത്തിനു ലഭിച്ച സമ്മാനങ്ങളുടെ പട്ടിക തയ്യാറാക്കി. ഇതിൽ നിന്നാണ് ഹോം തീയേറ്റർ സമ്മാനിച്ചത് വധുവിൻ്റെ പഴയ കാമുകനാണെന്ന് കണ്ടെത്തിയത്. സർജു എന്നയാളെയാണ് കേസിൽ അറസ്റ്റ് ചെയ്തിട്ടുള്ളതെന്നും ഇയാൾ കുറ്റം സമ്മതിച്ചെന്നും കബീർധാം അഡീഷണൽ സൂപ്രണ്ട് മനീഷ ഠാക്കൂർ ്യക്തമാക്കി. മുൻകാമുകി വിവാഹിതയാകുന്നതിൽ ഇയാൾക്ക് ദേഷ്യമുണ്ടായിരുന്നുവെന്നും ഇതിൽ പ്രതികാരമെന്ന നിലയ്ക്കാണ് ആക്രമണത്തിന് പദ്ധതിയിട്ടതെന്നും ഇയാൾ സമ്മതിച്ചതായി പോലീസ് പറയുന്നു.
മധു വധക്കേസ്: 13 പ്രതികള്‍ക്ക് ഏഴ് വര്‍ഷം കഠിന തടവ്
ഏപ്രിൽ ഒന്നിനായിരുന്നു ഹേമേന്ദ്ര മേറാവിയുടെയും യുവതിയുടെയും വിവാഹം കഴിഞ്ഞത്. ഇയാളുടെ സഹോദരൻ രാജ്കുമാറിനും ഒന്നര വയസുള്ള കുഞ്ഞടക്കം മറ്റു മൂന്ന് ബന്ധുക്കൾക്കും സ്ഫോടനത്തിൽ പരിക്കേറ്റു. ഗുരുതരമായി പരിക്കേറ്റ രാജ്കുമാർ ആശുപത്രിയിൽ വെച്ച് മരിച്ചു. മറ്റുള്ളവർ ചികിത്സയിലാണ്.
രഞ്ജനെ നിലത്ത് വീഴ്ത്തി, ബിനല്‍ തുടര്‍ച്ചയായി നെഞ്ചില്‍ ചിവിട്ടി, തകർന്നത് 6 വാരിയെല്ലുകൾ, ഇടുക്കിയിൽ തൊഴിലാളിയെ ചവിട്ടി കൊന്നു, മൂത്ത സഹോദരൻ അറസ്റ്റിൽ
