ഹിമാചലിൽ മേഘവിസ്ഫോടനം, കനത്തമഴ; മിന്നൽ പ്രളയത്തിൽ വാഹനങ്ങൾ ഒലിച്ചുപോയി: വീഡിയോ

സിംല: മേഘവിസ്‌ഫോടനത്തെത്തുടര്‍ന്ന് ഹിമാചല്‍പ്രദേശിലെ ധര്‍മശാലയില്‍ കനത്ത മഴയും വെള്ളപ്പൊക്കവും. മിന്നൽപ്രളയത്തിൽ വാഹനങ്ങൾ ഒഴുകുന്ന ദൃശ്യങ്ങൾ പുറത്തുവന്നു. ഭഗ്‌സു നാഗ് പ്രദേശത്താണ് വ്യാപകമായ നാശമുണ്ടായത്. സ്ഥലത്ത് നിന്ന് നാട്ടുകാരും അധികൃതരും നിരവധി വീഡിയോകൾ പങ്കുവെച്ചിട്ടുണ്ട്.



വാർത്താ ഏജൻസിയായ എഎൻഐ പുറത്തുവിട്ട 37 സെക്കൻഡ് ദൈർഘ്യമുള്ള വിഡിയോയിൽ വാഹനങ്ങൾ പാർക്ക് ചെയ്ത ഭാഗത്തുകൂടെ വെള്ളം കുതിച്ചൊഴുകുന്നതിന്‍റെ ദൃശ്യങ്ങളാണ് ഉള്ളത്. ഒരു എസ്‌യുവി വെള്ളത്തിലൂടെ ഒഴുകിവരുന്നതും ഈ വീഡിയോയിലുണ്ട്. താഴെ ഭാഗത്ത് പാർക്ക് ചെയ്ത വാഹനങ്ങളിൽ തടഞ്ഞുനിൽക്കുന്നതിനാൽ എസ്‌യുവി ദൂരേയ്ക്ക് പോയില്ലെന്നാണ് ഇംഗ്ലീഷ് വാർത്താ ചാനലായ എൻഡിടിവി റിപ്പോർട്ട് ചെയ്യുന്നത്.

രജനി മക്കൾ മൻട്രം പിരിച്ചുവിട്ടു; രാഷ്ട്രീയത്തിലേക്കില്ലെന്ന് പ്രഖ്യാപിച്ച് രജനികാന്ത്

കനത്ത മഴയെത്തുടർന്ന് കാൻഗ്ര ജില്ലയിലും ജനജീവിതം താറുമാറായി. ധർമാലയിൽ നിന്ന് 58 കിലോമീറ്റർ അകലെയുള്ള ജില്ലയാണ് കാൻഗ്ര. ടൂറിസ്റ്റ് കേന്ദ്രമായ ഭഗ്‌സു നാഗിലും കനത്ത നാശനഷ്ടങ്ങൾ ഉണ്ടായെന്നാണ് റിപ്പോർട്ട്. പലയിടങ്ങളിലും പാലത്തിലും റോഡിലും വെള്ളം ഉയർന്ന സാഹചര്യമാണ് നിലവിലുള്ളത്. ഭഗ്‌സു നാഗിലെ ചില ഹോട്ടലുകളിലും കനത്ത നാശനഷ്ടങ്ങൾ റിപ്പോർട്ട് ചെയ്തിട്ടുണ്ട്.

ഹിന്ദു യുവാവ് ഹിന്ദു യുവതിയെ വശീകരിച്ചാലും ലൗ ജിഹാദ് തന്നെ: വ്യാഖ്യാനവുമായി അസം മുഖ്യമന്ത്രി

കാന്‍ഗ്രയ്ക്ക് പുറമെ മറ്റ് നിരവധി ജില്ലകളിലും കനത്ത മഴയാണ് പെയ്തത്. മഴയ്ക്ക് താല്‍ക്കാലിക ശമനമുണ്ടായെങ്കിലും വളരെയധികം നാശനഷ്ടങ്ങള്‍ സംഭവിച്ചെന്നാണ് പ്രാഥമിക റിപ്പോർട്ടുകൾ. അമിത് സാഹു എന്നയാൾ ട്വിറ്ററിൽ പങ്കുവെച്ച വീഡിയോ വെള്ളപ്പൊക്കത്തിന്‍റെ വ്യാപ്തി വ്യക്തമാക്കുന്നതാണ്. കുതിച്ചൊഴുകുന്ന നദിയ്ക്കരികിലുള്ള വീടുകളുടെ ദൃശ്യങ്ങൾ ഉകൾപ്പെടുന്നതാണ് ഈ വീഡിയോ. പല പ്രദേശങ്ങളിലും ഗതാഗതം തടസപ്പെട്ടതായും റിപ്പോർട്ടുകളുണ്ട്.