അധികം വൈകാതെ കേരളത്തില്‍ ബിജെപി സര്‍ക്കാര്‍ രൂപീകരിക്കുമെന്നും കെ സുരേന്ദ്രന്‍ അവകാശപ്പെട്ടു. ‘ഒരു വലിയ മാറ്റത്തിനാണ് അനിൽ ആന്‍റണി തുടക്കം കുറിച്ചിരിക്കുന്നത്. അനിൽ ആന്‍റണിയിലൂടെ പുറത്ത് വന്നിരിക്കുന്നത് കേരളത്തിലെ സാധാരണക്കാരായ ജനങ്ങളുടെ മനസാണ്. വരും ദിവസങ്ങളിൽ കൂടുതൽ കോൺഗ്രസ് സിപിഎം നേതാക്കൾ ബിജെപിയിൽ ചേരും. യുവാക്കൾക്ക് മാതൃകയാണ് നരേന്ദ്ര മോദി. മോദിയെ പിന്തുണച്ച് കൂടുതൽ നേതാക്കൾ രംഗത്ത് വരും. കേരളത്തിൽ മാറ്റമുണ്ടാകും, സംസ്ഥാനത്ത് ബിജെപി സർക്കാർ രൂപീകരിക്കും.’ സുരേന്ദ്രൻ പറഞ്ഞു.
Also Read : ‘യുവം’: അനില്‍ ആന്‍റണി മോദിക്കൊപ്പം കേരളത്തില്‍; 25 ന് കൊച്ചിയിലെ പരിപാടിയില്‍ പങ്കെടുക്കും
നിർത്തിയിട്ട കാർ സ്വയം ഓടി കടയിലേക്ക് ഇടിച്ചു കയറി
മോദിയുടെ വികസന അജണ്ടയെ കുറിച്ച് കേരളത്തിലെ ജനങ്ങൾക്ക് നന്നായി അറിയാം. സബ്കാ സാത് സബ്കാ വികാസ് എന്നത് വെറുമൊരു മുദ്രാവാക്യമല്ല. ജനങ്ങള്‍ ഇതില്‍ ഒരുപാട് വിശ്വാസമര്‍പ്പിക്കുന്നുണ്ട്. സാധാരണ ജനങ്ങള്‍ പ്രധാനമന്ത്രി മോദിയുടെ വികസന അജണ്ടയെ അംഗീകരിക്കുന്നുണ്ടെന്നും സുരേന്ദ്രൻ പറഞ്ഞു.
ഇന്നലെ കെ സുരേന്ദ്രന്‍റെ സാന്നിധ്യത്തിലായിരുന്നു അനിൽ ആന്‍റണി ബിജെപി അംഗത്വം സ്വീകരിച്ചത്. അനില്‍ ആന്‍റണിയുടെ നിലപാടുകളാണ് ബിജെപിയെ ആകര്‍ഷിച്ചതെന്ന് സുരേന്ദ്രന്‍ ഇന്നലെ തന്നെ പ്രതികരിച്ചിരുന്നു.
Also Read : ഷാരൂഖ് സെയ്ഫി കണ്ണൂര്‍ വിട്ടതിനു പിന്നില്‍ അടിമുടി ദുരൂഹത; ബാഹ്യസഹായം ലഭിച്ചോയെന്ന് അന്വേഷണം നടത്തും
ബിബിസിയുമായി ബന്ധപ്പെട്ട അനിലിന്‍റെ നിലപാടുകള്‍ ശ്രദ്ധിച്ചിരുന്നു. രാജ്യത്തിന്‍റെ പരമാധികാരത്തെ ചോദ്യം ചെയ്യുന്നു എന്ന് ചൂണ്ടിക്കാണിച്ചായിരുന്നു അദ്ദേഹത്തിന്റെ ട്വീറ്റ്. അനിലിന്‍റെ മനസ്സുള്ള നിരവധി ആളുകളുണ്ട്. രാജ്യത്തെ സ്‌നേഹിക്കുന്നവരാണ് ബിജെപിയിലേക്ക് വരുന്നത്. അവരുടെ മനസ്സ് മോദിയ്‌ക്കൊപ്പമാണെന്നും സുരേന്ദ്രന്‍ പറഞ്ഞിരുന്നു.
