പ്രാതല്‍ അഥവാ ബ്രേക്ഫാസ്റ്റ് വൈകിക്കഴിയ്ക്കുന്നത് പല തരത്തിലെ ആരോഗ്യ പ്രശ്‌നങ്ങള്‍ വരുത്താന്‍ ഇടയാക്കും. ഇതെക്കുറിച്ചറിയൂ.
തടി
തടി കൂടാനുള്ള പ്രധാനപ്പെട്ട കാരണമാണ് വൈകിക്കഴിയ്ക്കുന്ന പ്രാതലും പ്രാതല്‍ ഒഴിവാക്കുന്നതും. പ്രാതല്‍ വൈകുമ്പോഴും കഴിയ്ക്കാതിരിയ്ക്കുമ്പോഴും ശരീരത്തിലെ ഉപാപചയ പ്രക്രിയ തടസപ്പെടുന്നു. ഇത് കൊഴുപ്പ് ശരീരത്തില്‍ തന്നെ അടിഞ്ഞു കൂടാന്‍ ഇടയാക്കുന്നു. ഇത് തടി വര്‍ദ്ധിപ്പിയ്ക്കുന്ന പ്രധാനപ്പെട്ട ഘടകമാണ്. പ്രാതല്‍ ശരീരത്തിലെ കൊഴുപ്പ് നീക്കുന്ന ഉപാപചയ പ്രക്രിയ ശക്തിപ്പെടുത്തുന്ന പ്രക്രിയയാണ്. ഏറെ നേരം കഴിഞ്ഞ് ശരീരത്തിന് ലഭിയ്ക്കുന്ന ഭക്ഷണമാണ് പ്രാതല്‍. ഇതിന്റെ സമയ ദൈര്‍ഘ്യം കൂടുന്തോറും ശരീരം കൊഴുപ്പ് സംഭരിച്ചു വയ്ക്കുകയാണ് ചെയ്യുന്നത്.
രക്തത്തിലെ ഗ്ലൂക്കോസ് തോത്
രക്തത്തിലെ ഗ്ലൂക്കോസ് തോത് കുറയുന്നു. രാത്രി ഉറക്കത്തിനു ശേഷം പ്രാതല്‍ കഴിയ്ക്കുമ്പോള്‍ ഇത് ശരീരത്തിലെ ഗ്ലൈക്കോജന്‍ തോതും ഇന്‍സുലിന്‍ തോതുമെല്ലാം ക്രമപ്പെടുത്തുവാന്‍ സഹായിക്കുന്നു. എന്നാല്‍ പ്രാതല്‍ വൈകുന്തോറും ഇതെല്ലാം തന്നെ തടസപ്പെടുന്നു. ഗ്ലൂക്കോസ് തോത് കുറയുമ്പോള്‍ ഇത് ശരീരത്തിന് ക്ഷീണം വരുത്തുന്നു. ഊര്‍ജം ഇല്ലാതെയാകുന്നു. മാത്രമല്ല, മസിലുകളില്‍ ആവശ്യത്തിനായി സംഭരിച്ചു വച്ചിരിയ്ക്കുന്ന ഗ്ലൂക്കോസ് ശരീരം ഉപയോഗപ്പെടുത്തുന്നു. ഇതിലൂടെ മസിലുകള്‍ക്ക് ക്ഷീണമാകുന്നു.
സ്‌ട്രെസ് ഹോര്‍മോണ്‍
ശരീരത്തിലെ സ്‌ട്രെസ് ഹോര്‍മോണ്‍ വര്‍ദ്ധിയ്ക്കുന്നതാണ് പ്രാതല്‍ വൈകിപ്പിയ്ക്കുന്നതു കൊണ്ടുള്ള മറ്റൊരു ദോഷം. കോര്‍ട്ടിസോള്‍ ആണ് സ്‌ട്രെസ് ഹോര്‍മോണ്‍ എന്ന് അറിയപ്പെടുന്നത്. അഡ്രീനല്‍ ഗ്ലാന്റുകള്‍ ഉല്‍പാദിപ്പിയ്ക്കുന്ന ഈ ഹോര്‍മോണിനെ തടഞ്ഞു നിര്‍ത്താന്‍ കൃത്യ സമയത്ത് കഴിയ്ക്കുന്ന പ്രാതല്‍ ഏറെ പ്രധാനമാണ്. രാവിലെ 7 മണിയാണ് കോര്‍ട്ടിസോള്‍ തോത് ഏറ്റവും ഉയരുന്ന തോത്. ഈ സമയത്ത് എന്തെങ്കിലും കഴിയ്ക്കുന്നത് സ്‌ട്രെസ് ഹോര്‍മോണ്‍ കുറയ്ക്കാന്‍ സഹായിക്കുന്നു. അതായത് പ്രാതല്‍ കഴിയ്ക്കാനുള്ള മികച്ച സമയം രാവിലെ 7 മണിയോ അതിനു മുന്‍പോ ആണ്. കോര്‍ട്ടിസോള്‍ ഹോര്‍മോണ്‍ ഉല്‍പാദനം വര്‍ദ്ധിച്ചാല്‍ ഇത് സ്‌ട്രെസ്, ഉത്കണ്ഠ പോലുള്ള പ്രശ്‌നങ്ങളുണ്ടാക്കും.
ഹൃദയ പ്രശ്‌നം
പ്രാതല്‍ വൈകിക്കഴിയ്ക്കുന്നതും ഒഴിവാക്കുന്നതും തടി കൂടാനുള്ള പ്രധാന കാരണമാണ്. ഇത് ആര്‍ട്ടീരിയോക്ലീറോസിസ്, ഹൃദയ പ്രശ്‌നം, കൂടിയ ബിപി, പ്രമേഹം, കൊളസ്‌ട്രോള്‍ തുടങ്ങിയ പല പ്രശ്‌നങ്ങള്‍ക്കും ഇടയാക്കും. 16 വര്‍ഷം അടുപ്പിച്ച് പ്രാതല്‍ ഒഴിവാക്കിയ പുരുഷന്മാരില്‍ അല്ലാത്തവരേക്കാള്‍ ഹൃദയാഘാത സാധ്യത 27 ശതമാനം കൂടുതലാണെന്ന് പറയാം. ഇതു പോലെ തന്നെ ഹൃദയ സംബന്ധമായ രോഗങ്ങള്‍ക്കുള്ള സാധ്യതയും ഏറെയാണ്. ഇത്തരം പല കാരണങ്ങള്‍ കൊണ്ട് പ്രാതല്‍ രാവിലെ കഴിവതും വേഗം കഴിയ്ക്കുകയെന്നതാണ് പ്രധാനം. നാടന്‍ വഴികളിലൂടെ രോമ വളര്‍ച്ച തുടച്ചു നീക്കാം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : how late breakfast affects your health
Malayalam News from malayalam.samayam.com, TIL Network
