നല്ല മുടിയ്ക്ക് സഹായിക്കുന്ന ഘടകങ്ങള്‍ പലതാണ്. ഇതില്‍ പാരമ്പര്യം മുതല്‍ നമ്മുടെ മുടി സംരക്ഷണം വരെ പ്രധാനവുമാണ്. മുടി വളരാന്‍ സഹായിക്കുന്ന പല ഘടകങ്ങളുമുണ്ട്. ഇതില്‍ ചില വൈറ്റമിനുകളും ധാതുക്കളുമെല്ലാം അടങ്ങുന്നു. ഇത്തരത്തില്‍ ഒന്നാണ് ബയോട്ടിന്‍. ഇത് മുടിയുടെ ആരോഗ്യത്തിന് ഏറെ പ്രധാനമാണ്. മുടി പൊട്ടിപ്പോകാതിരിയ്ക്കുന്നതിനും വളരുന്നതിനും മുടി കൊഴിച്ചില്‍ തടയുന്നതിനും മുടിയ്ക്ക് തിളക്കവും മൃദുത്വവും നല്‍കുന്നതിനും എല്ലാം തന്നെ ഏറെ ഗുണകരമാണ് ബയോട്ടിന്‍ എന്നത്.

ബയോട്ടിന്‍

ബി കോംപ്ലക്‌സ് ഗണത്തിലുള്‍പ്പെടുന്നൊരു വൈറ്റമിന്‍ ആണ് ബയോട്ടിന്‍ എന്നത് . ഭക്ഷണത്തിലുള്ള അവശ്യപോഷകങ്ങളെ ഊര്‍ജ്ജമാക്കി മാറ്റുക എന്നതാണ് ബയോട്ടിന്റെ ഒരു ധര്‍മ്മം. .ഇതിന് പുറമെ മുടി, ചര്‍മ്മം, നഖങ്ങള്‍ എന്നിവയുടെയെല്ലാം ആരോഗ്യം മെച്ചപ്പെടുത്താനും ബയോട്ടിന്‍ സഹായകമാണ്. മനുഷ്യശരീരത്തിന് സ്വന്തമായി ഇതുത്പാദിപ്പിക്കുക സാധ്യമല്ല. മിക്കവാറും ഭക്ഷണത്തിലൂടെ തന്നെയാണ് ഇവ ലഭിക്കുക. ഇതിനാല്‍ തന്നെയും മുടിയുടെ ചില പ്രത്യേക പ്രശ്‌നങ്ങള്‍ക്ക്, മുടിയുടെ പൊതുവേയുള്ള ആരോഗ്യത്തിന് നല്ലതാണ് ബയോട്ടിന്‍.

ബയോട്ടിന്‍

മുപ്പത് മുതല്‍ 100 മൈക്രോഗ്രാം വരെയാണ് ദിവസത്തില്‍ മുതിര്‍ന്ന ഒരാള്‍ക്ക് ബയോട്ടിന്‍ ഒരു ദിവസം ആവശ്യമായി വരുന്നത്. സാധാരണഗതിയില്‍ കഴിക്കുന്ന ഭക്ഷണങ്ങളില്‍ നിന്ന് തന്നെയാണ് ബയോട്ടിന്‍ ലഭ്യമാകുന്നത്. കൂണ്‍, നട്ട്‌സ്, സീഡ്‌സ്, കപ്പലണ്ടി, പരിപ്പ്-പയറുവര്‍ഗങ്ങള്‍, മീന്‍, മുട്ടയുടെ മഞ്ഞക്കരു, ചീസ്, സോയാബീന്‍, കോളി ഫ്‌ളവര്‍, പച്ച നിറത്തിലുള്ള ഇലക്കറികള്‍ തുടങ്ങിയവയെല്ലാം ബയോട്ടിന്റെ പ്രകൃതിദത്തമായ ഉറവിടങ്ങളാണ്.

സപ്ലിമെന്റുകള്‍

എന്നാല്‍ ഭക്ഷണത്തിലൂടെ ചിലപ്പോള്‍ ബയോട്ടിന്‍ ആവശ്യത്തിന് ലഭ്യമല്ലാത്ത അവസ്ഥ വരുന്നു.ഇതില്‍ കുറവ് നേരിടുന്നുവെന്ന് മനസിലാകുന്ന പക്ഷം ബയോട്ടിന്‍ സപ്ലിമെന്റുകള്‍ കഴിക്കാവുന്നതാണ്. ഡോക്ടറുടെ നിര്‍ദേശപ്രകാരം ബയോട്ടിന്‍ എടുക്കുകയാണെങ്കില്‍ മുടിയുടെ കട്ടി കുറയുക, മടി പൊട്ടിപ്പോവുക, മുടി കൊഴിച്ചില്‍ തുടങ്ങി പല പ്രശ്‌നങ്ങള്‍ക്കും പരിഹാരം കാണാന്‍ ആകും. മുടിയുമായി ബന്ധപ്പെട്ട പ്രശ്‌നങ്ങളുടെ പേരില്‍ ബയോട്ടിന്‍ സപ്ലിമെന്റുകള്‍ ഉപയോഗിക്കുന്നവരുടെ എണ്ണം വര്‍ധിച്ചുവരുന്നതായാണ് ആരോഗ്യവിദഗ്ധര്‍ ചൂണ്ടിക്കാട്ടുന്നത്.

ബയോട്ടിന്‍ ഭക്ഷണത്തിലൂടെ

ബയോട്ടിന്‍ ഭക്ഷണത്തിലൂടെ ലഭിക്കാതിരിക്കുന്ന സാഹചര്യവും വന്നേക്കാം. അത്തരം ഘട്ടങ്ങളില്‍ ക്രമേണ മുടിയുടെ ആരോഗ്യം ക്ഷയിക്കുക, മൂക്കിനും കണ്ണിനും വായ്ക്കും ചുറ്റിലുമായി ഇളം ചുവപ്പ് നിറത്തില്‍ ചര്‍മ്മത്തില്‍ വ്യത്യാസം കാണുക തുടങ്ങിയവയെല്ലാം സംഭവിക്കാം. ആദ്യമേ സൂചിപ്പിച്ചത് പോലെ നഖങ്ങളുടെ ആരോഗ്യവും ഇതിനൊപ്പം ദുര്‍ബമായി വരാം. പലപ്പോഴും മുടി കൊഴിയല്‍ പോലുള്ള പ്രശ്‌നങ്ങള്‍ അധികമായി മെഡിക്കല്‍ വിദഗ്ധരെ സമീപിച്ചാല്‍ ഡോക്ടര്‍മാര്‍ ഇത് നിര്‍ദേശിയ്ക്കാറുണ്ട്. ഇത് ഡോക്ടറുടെ നിര്‍ദേശം അനുസരിച്ച് കഴിയ്ക്കുകയെന്നത് പ്രധാനമാണ്. കാരണം ബയോട്ടിന്‍ അധികമാകുന്നതു ദോഷങ്ങള്‍ വരുത്തുന്നു. മുതിര കൊണ്ട് കൊളസ്‌ട്രോളിന് ഒരു പ്രത്യേക പൊടിമുതിര കൊണ്ട് കൊളസ്‌ട്രോളിന് ഒരു പ്രത്യേക പൊടി