​മുഖത്തെ കറുത്തപാടും കുരുക്കളും മാറ്റി മുഖം ക്രിസ്റ്റല്‍ ക്ലിയറാക്കാന്‍ സ്ഥിരമാക്കാം ഈ ഉരുളക്കിഴങ്ങ് വിദ്യ​

​ഉരുളക്കിഴങ്ങ് നീര്​

ചര്‍മ്മത്തിലെ കരുവാളിപ്പും പാടുകളും മാറ്റിയെടുക്കാന്‍ ഏറ്റവും നല്ല മാര്‍ഗ്ഗമാണ് ഉരുളക്കിഴങ്ങിന്റെ നീര് ഉപയോഗിക്കുന്നത്. മുഖത്തെ മാത്രമല്ല, കണ്ണിന് ചുറ്റുമുള്ള കറുപ്പ് കുറയ്ക്കുന്നതിനും ഉരുളക്കിഴങ്ങ് നീര് നിങ്ങള്‍ക്ക് ഉപയോഗിക്കാവുന്നതാണ്. ഇത് സ്‌ട്രെസ്സ് ലെവല്‍ കുറയ്ക്കുന്നതിനും ഇത് സഹായിക്കുന്നുണ്ട്.

ഇത് തയ്യാറാക്കുന്നതിനായി ആദ്യം തന്നെ രണ്ട് ഉരുളക്കിഴങ്ങ് എടുക്കുക. ഇത് നന്നായി ഗ്രേറ്റ് ചെയ്ത് എടുത്ത് മാറ്റി വെക്കണം. അതിന് ശേഷം ഇത് ഒന്ന് മിക്‌സിയുടെ ജാറില്‍ ഇട്ട് അടിച്ച് നീര് മാത്രം അരിച്ച് മാറ്റി എടുക്കുക. ഈ അരിച്ച് മാറ്റിയ നീര് മുഖത്ത് കൈ കൊണ്ട് നന്നായി തേച്ച് പിടിപ്പിക്കാവുന്നതാണ്.

മുഖത്ത് നന്നായി പുരട്ടി മസാജ് ചെയ്ത് കൊടുക്കണം. കുറഞ്ഞത് അഞ്ച് മിനിറ്റ് മസാജ് ചെയ്ത് കൊടുക്കുന്നത് നല്ലതാണ്. ഇത് ചര്‍മ്മത്തിലേയ്ക്ക് ഉരുളക്കിഴങ്ങിന്റെ നീര് ആഴ്ന്നിറങ്ങുന്നതിന് സഹായിക്കുന്നു. ഇത്തരത്തില്‍ ഒറു ദിവസം രണ്ട് നേരം ചെയ്യുക. രാവിലെ എഴുന്നേറ്റ ഉടനേയും അതുപോലെ, രാത്രി കിടക്കുന്നതിന് മുന്‍പും ഇത് ചെയ്യാവുന്നതാണ്. നല്ല ക്ലിയര്‍ ഫേയ്‌സ് ലഭിക്കാന്‍ ഇത് സഹായിക്കും.

​അരിപ്പൊടിയും ഉരുളക്കിഴങ്ങും​

നമ്മള്‍ ചര്‍മ്മ സംരക്ഷണത്തിനായി നമ്മള്‍ അരിപ്പൊടി ഉപയോഗിക്കാറുണ്ട്. ചര്‍മ്മത്തെ വൃത്തിയാക്കി എടുക്കുന്നതിനും അതുപോലെ, മൃതകോശങ്ങളെ നീക്കം ചെയ്യുന്നതിനും അരിപ്പടി ഉപയോഗിക്കാറുണ്ട്. അതിനാല്‍ തന്നെ, അരിപ്പൊടിയുടെ കൂടെ ഉരുളക്കിഴങ്ങ് നീര് ചേര്‍ത്ത് മുഖത്ത് പുരട്ടുന്നത് മുഖത്തിന് ചര്‍മ്മത്തിന് കൂടുതല്‍ ഗുണം ചെയ്യുന്നു.

പ്രത്യേകിച്ച് നല്ല തിളക്കമുള്ള ചര്‍മ്മകാന്തിക്കും, പുതിയ ചര്‍മ്മ കോശങ്ങള്‍ ഉണ്ടാകുന്നതിനും ചര്‍മ്മത്തിലെ കറുത്തപാടുകളും കുരുക്കളും കരുവാളിപ്പും മാറ്റി എടുക്കുന്നതിനും ഇത് സഹായിക്കുന്നുണ്ട്.

ഇത് തയ്യാറാക്കുന്നതിനായി ഒരു ടീസ്പൂണ്‍ അരിപ്പൊടിഎടുക്കുക. അരിപ്പൊടി എടുക്കുമ്പോള്‍ ഒരിക്കലും പുട്ട് പൊടി എടുക്കരുത്. പത്തിരിപ്പൊടി എടുക്കാവുന്നതാണ്. അരിപ്പൊടി ഇല്ലെങ്കില്‍ കുറച്ച് അരി എടുത്ത് പൊടിച്ച് എടുക്കാവുന്നതാണ്. ഇതിലേയ്ക്ക് ഉരുളക്കിഴങ്ങിന്റെ നീര്, അല്ലെങ്കില്‍ കുറച്ച് ഉരുളക്കിഴങ്ങും അരച്ച് ചേര്‍ത്ത് നന്നായി മിക്‌സ് ചെയ്ത് എടുക്കണം.

ഇത് മുഖത്ത് പുരട്ടിയതിന് ശേഷം ഒന്ന് മസാജ് ചെയ്ത് കൊടുക്കാവുന്നതാണ്. അതിന് ശേഷം നല്ല തണുത്ത വെള്ളത്തില്‍ മുഖം കഴുകുകയോ, അല്ലെങ്കില്‍ ഐസ് ഉപയോഗിച്ച് മുഖം മസാജ് ചെയ്ത് മുഖം ക്ലീന്‍ ആക്കി എടുക്കുകയോ ചെയ്യാം. ഇത് ആഴ്ച്ചയില്‍ രണ്ട് വട്ടം ചെയ്യുന്നത് മുഖത്തിന് നല്ല ക്രിസ്റ്റല്‍ ക്ലിയര്‍ ലുക്ക് നല്‍കും.

​കറ്റാര്‍വാഴയും ഉരുളക്കിഴങ്ങും​

ചര്‍മ്മത്തെ മോയ്‌സ്ച്വര്‍ ചെയ്ത് നിലനിര്‍ത്തുന്നതിനും ചര്‍മ്മത്തിലെ കരുവാളിപ്പും മാറ്റി ചര്‍മ്മത്തിന് നല്ല തിളക്കം ലഭിക്കുന്നതിനും കറ്റാര്‍വാഴ നല്ലതാണ്. കറ്റാര്‍വാഴ ഉരുളക്കിഴങ്ങിന്റെ കൂടെ ചേര്‍ത്താല്‍ നിങ്ങള്‍ക്ക് നല്ല ആരോഗ്യമുള്ള ചര്‍മ്മം നേടാവുന്നതാണ്.

ഇത് തയ്യാറാക്കുന്നതിനായി ആദ്യം ഒരു ടീസ്പൂണ്‍ കറ്റാര്‍വാഴ ജെല്‍എടുക്കുക. ഇതിലേയ്ക്ക് ഒരു ടീസ്പൂണ്‍ ഉരുളക്കിഴങ്ങ് നീര് ചേര്‍ക്കണം. ഇവ നന്നായി മിക്‌സ് ചെയ്തതിന് ശേഷം മുഖത്ത് പുരട്ടുക. മുഖത്ത് പുരട്ടി നന്നായി മസാജ് ചെയ്യുന്നത് നല്ലതാണ്. ഇത് എന്നും രാത്രിയില്‍ കിടക്കുന്ന സമയത്ത് പുരട്ടി കിടക്കുക. പിറ്റേ ദിവസം രാവിലെ മുഖം കഴുകാവുന്നതാണ്.

ഇത് അടുപ്പിച്ച് കുറച്ച് ദിവസം ചെയ്താല്‍ ചര്‍മ്മത്തില്‍ നല്ലപോലെ മാറ്റം കാണാന്‍ സാധിക്കും. ചര്‍മ്മത്തിന് നല്ല നിറവും ലഭിക്കും.

Also Read: തുളസിയും ചെത്തിയും ഇട്ട് കാച്ചുന്ന ഈ എണ്ണ മുടിയെ കറുപ്പിക്കുന്നത് ഇങ്ങനെ​

​തൈരും ഉരുളക്കിഴങ്ങും​

ചര്‍മ്മത്തിന് വിറ്റമിന്‍ സി, വിറ്റമിന്‍ ബി, പൊട്ടാസ്യം എന്നിവയെല്ലാം ലഭിക്കാന്‍ തൈരും ഉരുളക്കിഴങ്ങ് ഫേയ്‌സ്മാസ്‌ക്ക് നല്ലതാണ്. ഇത് തയ്യാറാക്കി എടുക്കാവും വളരെ എളുപ്പമാണ്. ഇത് തയ്യാറാക്കുന്നതിനായി രണ്ട് ടീസ്പൂണ്‍ തൈര് എടുക്കുക. ഇതിലേയ്ക്ക് അരച്ചെടുത്ത ഉരുളക്കിഴങ്ങ് ഒരു ടീസ്പൂണ്‍ ചേര്‍ക്കണം.

ഇവ നന്നായി മിക്‌സ് ചെയ്തതിന് ശേഷം മുഖത്ത് നന്നായി പുരട്ടാവുന്നതാണ്. ഇത് ഒരു 15 മിനിറ്റ് മുഖത്ത് ഇട്ടതിന് ശേഷം കഴുകി കളയാവുന്നതാണ്. ഇത് ആഴ്ച്ചയില്‍ ഒരു ദിവസം വീതം ചെയ്യുക. മുഖം ക്ലിയറായി കിട്ടും.

English Summary: Potato Face Mask For Clear Skin