ടാങ്കര്‍ ലോറി ഇടിച്ചു ഉണ്ടായ അപകടം, വലതു കാലിന്റെ മുട്ടിന് താഴെ നഷ്ടപ്പെട്ടു; പരിമിതികളെ അതിജീവിച്ച് ജബല്‍ നൂര്‍ മല കയറി ഇറങ്ങി ഷഫീഖ് പാണക്കാടന്‍

Sumayya P | Samayam Malayalam | Updated: 11 Apr 2023, 3:37 pm

ടാങ്കര്‍ ലോറി ഇടിച്ചു ഉണ്ടായ അപകടത്തിൽ ആണ് വലതു കാലിന്റെ മുട്ടിന് താഴെ നഷ്ടപ്പെടുന്നത്. പരിമിതികളെ അതിജീവിച്ച് ജബല്‍ നൂര്‍ മല കയറി ഇറങ്ങി ഏവരേയും ഷഫീഖ് പാണക്കാടന്‍

ഹൈലൈറ്റ്:

സോഷ്യൽ മീഡിയയിൽ കൂടിയാണ് അദ്ദേഹം വീഡിയോ പുറത്തുവിട്ടത്.
2004-ല്‍ ടാങ്കര്‍ ലോറി ഇടിച്ചായിരുന്നു അപകടം

മക്ക: പരിമിതികളെ അതിജീവിച്ച് സൗദിയിലെ ജബല്‍ നൂര്‍ മല കയറി ഇറങ്ങി മലപ്പുറം സ്വദേശി ഷഫീഖ് പാണക്കാടന്‍ സോഷ്യൽ മീഡിയയിൽ കെെയ്യടി നേടുന്നു. മക്കയിൽ ആണ് ജബല്‍ നൂര്‍ മല സ്ഥിതി ചെയ്യുന്നത്. ജബല്‍ നൂര്‍ മല നടന്നു കയറുക എന്നത് തന്റെ സ്വപ്നമായിരുന്നു. അത് സാക്ഷാത്കരിച്ചതിന്റെ സന്തോഷത്തിലാണിപ്പോള്‍ ഷഫീഖ് പാണക്കാടന്‍.

തന്റെ ശാരീരിക വൈകല്യത്തെ അതിജീവിച്ച് ആണ് അദ്ദേഹം മല കയറിയത്. രണ്ടായിരത്തിലേറെ അടി ഉയരമുള്ള മലയാണ് അദ്ദേഹം കയറിയത്. പ്രവാചകന്‍ മുഹമ്മദ് നബിക്ക് ദിവ്യ സന്ദേശം ലഭിച്ചത് ഈ മലയിൽ വെച്ചാണ് എന്നാണ് ചരിത്രം പറയുന്നത്. ഹിറാഗുഹ സ്ഥിതി ചെയ്യുന്നതും ഈ മലയിൽ ആണ്. ഉംറ നിര്‍വഹിക്കാന്‍ വേണ്ടിയാണ് ഷഫീഖ് പാണക്കാടന്‍ സൗദിയിൽ എത്തിയിരിക്കുന്നത്. നോമ്പുസമയത്താണ് പ്രയാസമേറിയ ഈ ലക്ഷ്യം അദ്ദേഹം പൂർത്തിയാക്കിയിരിക്കുന്നത്.

വീണാ ജോർജ് മൗനം വെടിയണം; പ്രതിഷേധവുമായി ‘യുവജനം’ പ്രവർത്തകർ |Veena George

Also Read: ശിഹാബ് ചോറ്റൂര്‍ ഹജ്ജിനായി സൗദിയിലെത്തി ; കാൽനടയായി കടന്നത് 4 രാജ്യങ്ങള്‍

ഒരുപാട് സമയം എടുത്താണ് പതിയെ അദ്ദേഹം ഈ മലകയറിയത്. ഒന്നേമുക്കാല്‍ മണിക്കൂർ ആണ് മല കയറാൻ സമയം എടുത്തത്. ഇറങ്ങാൻ മുക്കാല്‍ മണിക്കൂറും സമയം എടുത്തു. മുമ്പ് വയനാട് ചുരവും, റാസല്‍ഖൈമയിലെ ജബല്‍ ജൈസ് പര്‍വതവും ഇദ്ദേഹം കയറിയിരുന്നു. അന്നും വലിയ രീതിയിലുള്ള മാധ്യമ ശ്രദ്ധ അദ്ദേഹം പിടിച്ചു പറ്റിയിരുന്നു. ഇത്തരം സാഹസിക പ്രവർത്തനങ്ങളുടെ വീഡിയോ അദ്ദേഹം തന്നെയാണ് തന്റെ ഫേസ്ബുക്ക് പേജിലൂടെ പങ്കുവെക്കുന്നത്.

പൊതുരംഗത്ത് സജീവ സാന്നിധ്യമായ ഷഫീഖ് ഇറാനില്‍ നടന്ന ആംപ്യൂട്ടി ഫൂട്‌ബോള്‍ ചാമ്പ്യന്‍ഷിപ്പില്‍ ഇന്ത്യയെ പ്രതിനിധീകരിച്ച് പങ്കെടുത്തിരുന്നു. കൂടാതെ തന്റെ നേട്ടങ്ങൾ എല്ലാം പരിഗണിച്ച് സാമൂഹിക നീതി വകുപ്പ് ഏര്‍പ്പെടുത്തിയ കേരള സംസ്ഥാന അവാര്‍ഡ് 2021-ല്‍ ഷഫീഖ് പാണക്കാടന്‍ ആണ് കരസ്ഥമാക്കിയത്. ഭിന്നശേഷിക്കാര്‍ക്കായി ആണ് സാമൂഹിക നീതി വകുപ്പ് ആവാർഡ് സംഘടിപ്പിച്ചത്.

Also Read: ഈദുൽഫിത്ർ ജീവനക്കാർക്കുള്ള ശമ്പളം നൽകേണ്ട തിയതി പ്രഖ്യാപിച്ച് ഷെയ്ഖ് മുഹമ്മദ്

തൃശൂരില്‍ നടന്ന ഭിന്നശേഷിക്കാരുടെ സംസ്ഥാന നീന്തല്‍ മത്സരത്തിലും ഷഫീഖ് പാണക്കാടന്‍ വിജയിച്ചിരുന്നു. ലപ്പുറം ജില്ലയിലെ ചേളാരിക്കാടുത്ത് പടിക്കല്‍ സ്വദേശിയാണ് ഷഫീഖ്. 2004-ല്‍ ടാങ്കര്‍ ലോറി ഇടിച്ചു അപകടം സംഭവിക്കുന്നത്. അപകടത്തിൽ വലതു കാലിന്റെ മുട്ടിന് താഴെ നഷ്ടപ്പെട്ടു.