ഓൺലൈൻ വഴി വാങ്ങിയ മത്സ്യം പാകം ചെയ്ത് ഉച്ചഭക്ഷണത്തിനൊപ്പം കഴിച്ച ലിമ്മിനാണ് ആദ്യം അസ്വസ്ഥത അനുഭവപ്പെട്ടത്. ശ്വസിക്കാൻ ബുദ്ധിമുട്ടു നേരിട്ടതിനു പിന്നാലെ ലിമ്മിനെ വിറക്കാനും തുടങ്ങി. ഒരു മണിക്കൂറിനു ശേഷം ഭക്ഷണം കഴിച്ച ചുവാനും സമാന ലക്ഷണങ്ങൾ പ്രകടമായി. ഇതോടെ ദമ്പതികളെ ഉടൻ ആശുപത്രിയിൽ പ്രവേശിപ്പിച്ചു. തീവ്രപരിചരണ വിഭാഗത്തിൽ ചികിത്സയിലിരിക്കെ, പ്രാദേശിക സമയം വൈകുന്നേരം ഏഴു മണിയോടെ ലിം മരണപ്പെട്ടു. എട്ടു ദിവസത്തോളം കോമ അവസ്ഥയിലായിരുന്ന ചുവാൻ ശനിയാഴ്ച രാവിലെയാണ് മരിച്ചത്.
ഐക്യദാർഢ്യം…. കൂറ്റൻ ചിത്രത്തിലൂടെ… | ivan vukomanovic
സംഭവത്തിൽ വാർത്താസമ്മേളനം വിളിച്ച ദമ്പതികളുടെ മകൾ ഏങ് ഐ ലീ മാതാപിതാക്കളുടെ മരണത്തിന് ഉത്തരവാദികളായവർക്കെതിരെ നടപടി സ്വീകരിക്കുമെന്നാണ് പ്രതീക്ഷയെന്നു പറഞ്ഞു. അന്വേഷണം വേഗത്തിലാക്കണമെന്നും ഇത്തരം സംഭവങ്ങൾ ആവർത്തിക്കാതിരിക്കാൻ മലേഷ്യൻ സർക്കാർ ജനങ്ങൾക്ക് ബോധവത്കരണം നൽകണമെന്നും ഏങ് ഐ ലീ ആവശ്യപ്പെട്ടു. മാതാപിതാക്കളുടെ സംസ്ക്കാരച്ചടങ്ങുകൾ പൂർത്തിയാക്കിയ ശേഷം ഞായറാഴ്ച ആണ് ഏങ് ഐ ലീ വാർത്താസമ്മേളനം വിളിച്ചത്.
ബലൂൺ പോലെ വീർക്കും, ഉഗ്രവിഷം; മീൻ കഴിച്ച 83കാരി മരിച്ചു; ഭർത്താവ് ഗുരുതരാവസ്ഥയിൽ
മലേഷ്യൻ നിയമപ്രകാരം, പഫർ മത്സ്യം അടക്കമുള്ള വിഷാംശമുള്ള ഭക്ഷ്യവസ്തുക്കൾ വിൽക്കുന്നതിന് നിരോധനമുണ്ട്. കുറ്റം ചെയ്യുന്നവർക്ക് 2300 ഡോളർ പിഴയോ, രണ്ടു വർഷം തടവോ ശിക്ഷ ലഭിക്കും. പക്ഷേ ഇപ്പോഴും മാർക്കറ്റുകളിൽ അപകടകാരിയായ മത്സ്യത്തെ കാണപ്പെടുന്നുവെന്ന് മറൈൻ ബയോളജിസ്റ്റും യൂണിവേഴ്സിറ്റി സെയ്ൻസ് മലേഷ്യ സെൻ്റർ ഫോർ മറൈൻ കോസ്റ്റൽ സ്റ്റഡീസ് ഡയറക്ടറുമായ ഐലീൻ ടാനിനെ ഉദ്ധരിച്ചു ദ സൺ റിപ്പോർട്ട് ചെയ്തു.
‘അയൽവാസിയുടെ 1,100 കോഴികളെ പേടിപ്പിച്ച് കൊന്നു’; യുവാവിന് ആറ് മാസം തടവ്
പഫർ മത്സ്യം വൃത്തിയാക്കി കഷ്ണങ്ങളാക്കിയാൽ ഏത് മത്സ്യമാണെന്ന് തിരിച്ചറിയാൻ പ്രയാസമാണ്. ഉപഭോക്താക്കളെ ആകർഷിക്കുകയും ചെയ്യും. പഫർ മത്സ്യത്തിൻ്റെ അപകടസാധ്യതകളെക്കുറിച്ച് കച്ചവടക്കാരിലും അവബോധം ആവശ്യമാണ്. വിൽപ്പനക്കാർക്കും വിതരണക്കാർക്കുമായി അധികാരികൾ പ്രത്യേക സർട്ടിഫിക്കേഷൻ നൽകേണ്ടതുണ്ട്. മത്സ്യത്തിൻ്റെ അവയവങ്ങളിലും തൊലിയിലും രക്തത്തിലും എല്ലുകളിലും ഉയർന്ന അളവിൽ ടെട്രോഡോടോക്സിൻ അടങ്ങിയിട്ടുണ്ട്. ഇത് അപകടമാകരമായ ആരോഗ്യപ്രശ്നങ്ങൾക്കു കാരണമാകുന്നതാണെന്നും അവർ വ്യക്തമാക്കി.
Read Latest World News and Malayalam News
