ചൂട് കുറയ്ക്കാന്‍ തണുത്ത ബിയര്‍ നല്ലതാണോ?

​വേനല്‍കാലത്ത് ബിയര്‍ തിരഞ്ഞെടുക്കുന്നത് ഇതുകൊണ്ട്​

പലരും വേനല്‍കാലത്ത് ബിയര്‍ കുടിക്കാന്‍ ഇഷ്ടപ്പെടുന്നുണ്ട്. ബിയര്‍ മാത്രമല്ല, ആല്‍ക്കഹോള്‍ കണ്ടന്റ് കുറഞ്ഞ ബ്രീസര്‍, കോക്ക്‌ടെയ്ല്‍സ് എന്നിവയെല്ലാം തന്നെ കുടിക്കാന്‍ പലര്‍ക്കും ഇഷ്ടമായിരിക്കും. പ്രത്യേകിച്ച്, നല്ല ചൂടത്തപുനിന്നും വന്ന് കയറിയ ഉടനെ നല്ല തണുത്ത ബിയര്‍, കോള, അല്ലെങ്കില്‍ ഐസ്‌ക്രീം എന്നിവ കിട്ടിയാല്‍ ശരീരം തണുക്കുന്നത് പോലേയും തലയ്ക്ക് നല്ല സുഖവും ചൂട് കുറഞ്ഞത് പോലേയും അനുഭവപ്പെടുന്നു.

പലരും ബിയര്‍, ബ്രിസര്‍ എന്നിവയില്‍ ആല്‍ക്കഹോളിക് കണ്ടന്റ് കുറവായതിനാല്‍ പലരും ഇത് കുടിച്ചാല്‍ നിര്‍ജലീകരണം സംഭവിക്കുന്നില്ല എന്ന് കരുതുന്നു. അതിനാല്‍, പലപ്പോഴും കൂട്ടുകാരൊത്ത് കൂടുമ്പോള്‍, അല്ലെങ്കില്‍ പുറത്ത് നിന്ന് വരുമ്പോള്‍ ബിയര്‍ കുടിക്കാന്‍ മിക്കവരും ഇഷ്ടപ്പെടുന്നത്.

​സത്യത്തില്‍ ബിയര്‍ കുടിച്ചാല്‍ സംഭവിക്കുന്നത് എന്താണ്?​

ഇന്ന് വിസ്‌ക്കി, റം എന്നിവയെ അപേക്ഷിച്ച് ബിയര്‍ കഴിച്ചാല്‍ ആരോഗ്യത്തിന് ഒറു പ്രശ്‌നവും ഇല്ല, ശരീരത്തില്‍ ഡീഹൈഡ്രേഷന്‍ സംഭവിക്കുകയില്ല എന്നെല്ലാം വാദിക്കുന്നവരും വിശ്വസിക്കുന്നവരും ചില്ലറയല്ല. പലപ്പോഴും ബിയര്‍ ഒരു ഹെല്‍ത്തി ആയിട്ടുള്ള ഡ്രിങ്ക് പോലെ കരുതുന്നവരും കുറവല്ല.

എന്നാല്‍, വേനല്‍കാലത്ത് ശരീരം തണുപ്പിക്കാന്‍ ബിയര്‍ കുടിക്കുന്നവരുടെ ശ്രദ്ധയ്ക്ക്, സത്യത്തില്‍ ബിയര്‍ ശരീരത്തെ ആ കുടിച്ച് തീര്‍ക്കുന്ന സമയം വരെ മാത്രമാണ് തണുപ്പിക്കുന്നത്. സത്യത്തില്‍ ബോഡി ഹീറ്റ് ക്രമാതീതമായി വര്‍ദ്ധിപ്പിക്കുകയും മുന്‍പ് ഉണ്ടായിരുന്നതിനേക്കാള്‍ കൂടുതല്‍ ചൂട് അനുഭവപ്പെടുകയുമാണ് ഉണ്ടാവുക.

​ഇത് ഉണ്ടാക്കുന്ന ശാരീരിക ബുദ്ധിമുട്ടുകള്‍​

നിങ്ങള്‍ ബിയര്‍ കുടിച്ച് എസിയില്‍ തന്നെ ഇരുന്നാല്‍ ഒരു പക്ഷേ, നിങ്ങള്‍ക്ക് ചൂട് അനുഭവപ്പെടുകയില്ല. എന്നാല്‍, നിങ്ങള്‍ വീണ്ടു പുറത്തേക്ക് ഇറങ്ങിയാല്‍ ശരീരം നല്ലപോലെ വിയര്‍ക്കുകയും, മുന്‍പ് ഉണ്ടായിരുന്നതിനേക്കാള്‍ അമിതമായി ചൂട് അനുഭവപ്പെടാനും ആരംഭിക്കും.

ചിലര്‍ക്ക് നല്ല കടുത്ത തലവേദനയും അമിതമായി ക്ഷീണവും ദാഹവും അനുഭവപ്പെടാറുണ്ട്. ഇത് ചിലപ്പോള്‍ ഒരു ദിവസം മുഴുവന്‍ നീണ്ട് നില്‍ക്കാനുള്ള സാധ്യതയും കുറവല്ല. എത്ര വെള്ളം കുടിച്ചാലും വീണ്ടും വീണ്ടും കുടിക്കാനുള്ള ത്വര നിങ്ങളില്‍ വര്‍ദ്ധിക്കും.

ശരീരത്തില്‍ നല്ലപോലെ നിര്‍ജലീകരണം ഉണ്ടാകും. അതിനാല്‍, വേനല്‍ക്കാലത്ത് പരമാവധി ബിയര്‍ കുടിക്കാതിരിക്കുന്നതാണ് നല്ലത്. ശരീരത്തെ മൊത്തത്തില്‍ ഡൗണ്‍ ആക്കാന്‍ ബിയര്‍ കാരണമാകുന്നു. കൂടാതെ, ഇടയ്ക്കിടയ്ക്ക് മൂത്രം ഒഴിക്കാനും തോന്നുകയും ചെയ്യും. ഇതും ശരീരത്തില്‍ നിന്നും വെള്ളത്തിന്റെ അംശം ഇല്ലാതാക്കുന്നതിന് ഒരു പ്രധാന കാരണമാണ്.

Also Read: ആർത്തവ സമയത്ത് വയർ വീർക്കൽ പ്രശ്നമുണ്ടോ? പരിഹാരം വീട്ടിൽ തന്നെയുണ്ട്​

​കുടിക്കാന്‍ പാടില്ലാത്ത മറ്റ് പാനീയങ്ങള്‍​

വേനല്‍കാലത്ത് ബിയര്‍ പോലെ തന്നെ മറ്റ് ആല്‍ക്കഹോളിക്ക് കണ്ടന്റ് ഉള്ള പാനീയങ്ങള്‍ കുടിക്കുന്നത് നല്ലതല്ല. അതുപോലെ, കാര്‍ബണേറ്റഡ് ആയിട്ടുള്ള പാനീയങ്ങള്‍ കുടിക്കാന്‍ തിരഞ്ഞെടുക്കുന്നതും ഒഴിവാക്കാവുന്നതാണ്. ചിലര്‍ നല്ല തണുപ്പുള്ള സമയത്ത് മധുരം ചേര്‍ത്ത ജ്യൂസ് കുടിക്കാറുണ്ട്. ഇതും ശരീരത്തിന് നല്ലതല്ല.

നമ്മളുടെ ശരീരത്തെ കൂടുതല്‍ ഡീഹൈഡ്രേറ്റ് ചെയ്യുക മാത്രമാണ് ഇവ ചെയ്യുന്നത്. അതിനാല്‍, വേനല്‍കാലത്ത് നല്ല ചൂടുള്ള പാനീയങ്ങള്‍, അതുപോലെ, സാധാ പച്ചവെള്ളം എന്നിവ കുടിക്കുന്നത് നല്ലതാണ്. ഒരിക്കലും തണുപ്പിച്ചെടുത്ത പാനീയങ്ങള്‍ കുടിക്കാതിരിക്കാം. അതുപോലെ, ആല്‍ക്കഹോളിക് കണ്ടന്റുള്ളതും കഫേയ്ന്‍ അടങ്ങിയതും മധുരം ഉള്ളതുമായ പാനീയങ്ങള്‍ ഒഴിവാക്കാവുന്നതാണ്.

Disclaimer: മേല്‍ പറഞ്ഞിരിക്കുന്നത് പൊതുവിവരാടിസ്ഥാനത്തില്‍ ഉള്ള വിവരങ്ങളാണ്. കൂടുതല്‍ സംശയങ്ങള്‍ക്ക് നിങ്ങള്‍ക്ക് നിങ്ങളുടെ ഡോക്ടറുടെ അഭിപ്രായം തേടാവുന്നതാണ്.

English Summary: Does Beer Reduce Body Heat