പക്ഷെ വ്യത്യസ്തമായൊരു കുളിയാണ് ഇപ്പോൾ സോഷ്യൽ മീഡിയയിൽ വൈറലായി കൊണ്ടിരിക്കുന്നത്. വൈറലാകാൻ വേണ്ടി എന്തും ചെയ്യുമെന്ന് പറയുന്നത് പോലെയാണ് ഈ സംഭവം. നിരവധി വിമർശനങ്ങളാണ് ഈ വീഡിയോയ്ക്ക് താഴെ വരുന്നത്. ഓടി കൊണ്ടിരിക്കുന്ന മെട്രോയ്ക്കുള്ളിൽ പരസ്യമായി ഒരു യുവാവ് നടത്തിയ കുളിയാണ് ഇപ്പോൾ വൈറലാകുന്നത്. ന്യൂയോർക്കിലെ മെട്രോയിലാണ് ഈ വിചിത്രം സംഭവം അരങ്ങേറിയത്. യാത്രയ്ക്കിടയിൽ പെട്ടെന്ന് ഒരു യുവാവ് ചാടി എഴുന്നേൽക്കുന്നത് കാണാം.
ഇതിന് ശേഷം പാൻ്റും ഷർട്ടും ഷൂസുമൊക്കെ ഊരിയ ശേഷം കുളി പാസാക്കുകയാണ് ഈ യുവാവ്. തൻ്റെ മുന്നിൽ വച്ചിരുന്ന പെട്ടിയിൽ നിന്ന് വെള്ളവും സോപ്പും കലക്കിയാണ് ഇയാളുടെ കുളി. ദേഹത്ത് സോപ്പ് തേയ്ക്കാൻ സ്പോഞ്ചാണ് ഉപയോഗിക്കുന്നത്. എതിർ ദിശയിലിരുന്ന ഒരാൾ എടുത്ത വീഡിയോയാണ് സോഷ്യൽ മീഡിയയിൽ വൈറലായി കൊണ്ടിരിക്കുന്നത്. യുവാവിൻ്റെ ഈ പ്രവൃത്തി കണ്ട് മറ്റ് യാത്രക്കാർ എഴുന്നേറ്റ് മാറി ഇരിക്കുന്നതും വീഡിയോയിൽ കാണാം.
Also Read: പൊട്ടിത്തെറിച്ച് വാഷിംഗ് മെഷീൻ; മധ്യവയസ്കൻ രക്ഷപ്പെട്ടത് തലനാഴിരയ്ക്ക്
കുറച്ച് മാസങ്ങൾക്ക് മുൻപ് പുറത്ത് വന്ന വീഡിയോയാണ് ഇപ്പോൾ ശ്രദ്ധ ആക‍ർഷിക്കുന്നത്. കുളി കഴിഞ്ഞ് യുവാവ് പെട്ടി അടയ്ക്കുന്നതും വസ്ത്രം വീണ്ടും ധരിക്കുന്നതും വീഡിയോയിൽ കാണാം. മറ്റുള്ള യാത്രക്കാർക്ക് കൂടി ബുദ്ധിമുട്ടുണ്ടാക്കുന്ന ഇത്തരം പ്രവൃത്തികൾ നടത്തുന്നവർക്ക് എതിരെ നടപടി എടുക്കണമെന്ന് പലരും കമൻ്റിൽ പറയുന്നുണ്ട്.
ഇതിന് മുൻപും ഇയാൾ ഇത്തരത്തിലുള്ള വീഡിയോകൾ ചെയ്തിട്ടുണ്ടെന്ന് സോഷ്യൽ മീഡിയ പ്ലാറ്റ് ഫോമിൽ നിന്ന് വ്യക്തമാണ്. മറ്റ് യാത്രക്കാർക്കിടയിൽ ബുദ്ധിമുട്ട് ഉണ്ടാക്കുന്ന ഈ രീതി പലപ്പോഴും ഏറെ അരോചകം നിറയുന്നതാണ് എന്നതാണ് സത്യം. മറ്റുള്ളർക്ക് അധികമായി ശല്യമുണ്ടാക്കാത്തത് കൊണ്ടാവാം ആരും അധികം പ്രതകരിക്കാതിരുന്നത് എന്ന് തന്നെ പറയാം.
English Summary: Bathing at metro train
കൂടുതൽ വൈറൽ വാർത്തകൾ വായിക്കാൻ ഇവിടെ ക്ലിക്ക് ചെയ്യുക.
