ബെംഗളൂരു: കർണാടകയിൽ നിയമസഭാ തെരഞ്ഞെടുപ്പ് അടുത്തിരിക്കെ വ്യത്യസ്തമായൊരു തെരഞ്ഞെടുപ്പ് വാഗ്ദാനവുമായി മുൻ മുഖ്യമന്ത്രിയും ജനതാദൾ നേതാവുമായി എച്ച്ഡി കുമാരസ്വാമി. കർഷക കുടുംബത്തിൽ നിന്നും വിവാഹം ചെയ്യുന്ന പെൺകുട്ടികൾക്ക് രണ്ട് ലക്ഷ്യം രൂപ നൽകുമെന്നാണ് കുമാരസ്വാമിയുടെ വാഗ്ദാനം. കോലാറിൽ പഞ്ചരത്‌ന റാലിയിൽ സംസാരിക്കവെയാണ് കുമാരസ്വാമി പ്രഖ്യാപനം നടത്തിയത്.
കർഷകരുടെ മക്കളായതുകൊണ്ട് തങ്ങളെ വിവാഹം ചെയ്യാൻ പെൺകുട്ടികൾ വിസമ്മതിക്കുന്നുവെന്ന് ചൂണ്ടിക്കാട്ടി തനിക്ക് നിരവധി പരാതികൾ ലഭിച്ചു. ഇത് പരിഹരിക്കുന്നതിനായി തന്റെ സർക്കാർ അധികാരത്തിലെത്തിയാൽ കർഷകരുടെ മക്കളെ വിവാഹം ചെയ്യുന്ന പെൺകുട്ടികൾക്ക് 2 ലക്ഷം രൂപ വീതം നൽകും. നമ്മുടെ ആൺകുട്ടികളുടെ ആത്മാഭിമാനം സംരക്ഷിക്കുന്നതിനായാണ് ഇത്തരമൊരു നീക്കമെന്നും കോലാറിലെ റാലിക്കിടെ കുമാരസ്വാമി വ്യക്തമാക്കി.
കാമുകനെതിരെ ക്വട്ടേഷൻ നൽകിയ യുവതി അറസ്റ്റിൽ
മെയ് പത്താം തിയതിയാണ് കർണാടകയിൽ നിയമസഭാ തെരഞ്ഞെടുപ്പ് നടക്കുന്നത്. ഒറ്റ ഘട്ടമായാണ് വോട്ടെടുപ്പ്, മെയ് 13-ാം തീയതി തെരഞ്ഞെടുപ്പ് ഫലം പ്രഖ്യാപിക്കും. 224 അംഗ നിയമസഭയിലേക്കാണ് തെരഞ്ഞെടുപ്പ് നടക്കുന്നത്. 93 പേരടങ്ങുന്ന ആദ്യഘട്ട സ്ഥാനാർത്ഥി പട്ടിക കഴിഞ്ഞ ദിവസം ജെഡിഎസ് പുറത്ത് വിട്ടിരുന്നു.
അതിനിടെ സ്ഥാനാർത്ഥി പട്ടിക വൈകുന്നതിന്റെ പേരിൽ ബിജെപിയിൽ അതൃപ്തി പുകയുകയാണ്. മുതിർന്ന ബിജെപി നേതാവും മുൻ ഉപമുഖ്യമന്ത്രിയുമായ കെഎസ് ഈശ്വരപ്പ തെരഞ്ഞെടുപ്പിൽ മത്സരിക്കാനില്ലെന്ന് വ്യക്തമാക്കി. തെരഞ്ഞെടുപ്പ് രാഷ്ട്രീയത്തിൽ നിന്നും പിൻവാങ്ങുകയാണെന്ന് ബിജെപി ദേശീയ അധ്യക്ഷൻ ജെപി നദ്ദയ്‌ക്കെഴുതിയ കത്തിൽ വ്യക്തമാക്കി. നിയമസഭാ തെരഞ്ഞെടുപ്പിൽ ഇത്തവണ ഈശ്വരപ്പയ്ക്ക് സീറ്റ് നൽകിയേക്കില്ലയെന്ന അഭ്യൂഹങ്ങൾക്കിടെയാണ് പിൻമാറ്റം. സംസ്ഥാന നേതൃത്വം നൽകിയ പട്ടികയിൽ നിന്നും 20 എംഎൽഎമാരെയെങ്കിലും മാറ്റണമെന്നാണ് കേന്ദ്ര നേതൃത്വത്തിൻരെ നിലപാട്. അതേസമയം നിയമസഭാ തെരഞ്ഞെടുപ്പിുള്ള 168 സ്ഥാനാർത്ഥികളുടെ പട്ടിക കോൺഗ്രസ് പുറത്തുവിട്ടു.
തിരുവനന്തപുരം ഔട്ടർ റിങ്ങ് റോഡ്; ഭൂമിയുടെ തുക നിശ്ചയിച്ച് ഉടൻ വിജ്ഞാപനമിറങ്ങും
Read Latest National News and Malayalam News
