Also Read : 9 ഡോക്ട‍ർമാ‍ർ, 5 വക്കീലന്മാർ, 8 വനിതകൾ; കർണാടകത്തിൽ 189 സ്ഥാനാർഥികളെ പ്രഖ്യാപിച്ച് ബിജെപി
ആഭ്യന്തര പ്രശ്നങ്ങൾക്കിടയിലും 52 പുതുമുഖങ്ങൾക്കാണ് ബിജെപി ഇത്തവണ അവസരം നൽകിയിരിക്കുന്നത്. അതിന് പുറമെ, ഒബിസി വിഭാഗത്തിൽ നിന്നുള്ള 32 സ്ഥാനാർത്ഥികളും പട്ടിക ജാതി വിഭാഗത്തിൽ നിന്നും 30 പേരും പട്ടിക വർഗ വിഭാഗത്തിൽ നിന്നും 16 സ്ഥാനാർത്ഥികളുമാണ് ഇത്തവണ ബിജെപി പട്ടികയിൽ ഇടംപിടിച്ചിരിക്കുന്നത്.
നാഗ രാജകുമാരിയെ പ്രണയിച്ച രാജകുമാരൻ | Naka cave
വിദ്യാഭ്യാസ യോഗ്യതയുള്ളവർക്കും ബിജെപി ഇത്തവണ അവസരം നൽകിയിട്ടുണ്ട്. പ്രഖ്യാപിച്ച സ്ഥാനാർത്ഥി പട്ടികയിൽ 31 പേർ പിഎച്ച്ഡി ഹോൾഡേഴ്സും 31 പേർ ബിരുദാനന്തര ബിരുദം നേടിയവരുമാണ്.
ഇതുകൂടാതെ, എട്ട് ഡോക്ടർമാരും സാമൂഹിക പ്രവർത്തകരും സ്ത്രീകളും പട്ടികയിലുണ്ട്. വിരമിച്ച ഐഎഎസിനും ഐപിഎസുകാരനും പാർട്ടി ടിക്കറ്റ് നൽകിയിട്ടുണ്ട്. രണ്ടാം ഘട്ട പട്ടിക ഉടൻ തന്നെ പുറത്തിറക്കുമെന്നും മുഖ്യമന്ത്രി ബസവരാജ ബൊമ്മൈ പ്രഖ്യാപിക്കുകയും ചെയ്തിട്ടുണ്ട്.
മുൻ ഐപിഎസ് ഉദ്യോഗസ്ഥനും ബെംഗളൂരു കമ്മീഷണർ ഭാസ്കർ റാവു ചംരാജ്പേട്ട് മണ്ഡലത്തിൽ നിന്നും ജനവിധി തേടും. കനക്പുരയിൽ കർണാടക കോൺഗ്രസ് അധ്യക്ഷൻ ഡി കെ ശിവകുമാറിനെ ആർ അശോകും ചന്നപട്ടണയിൽ മുൻ മുഖ്യമന്ത്രി കുമാരസ്വാമിയുമായി സിപി യോഗേശ്വരുമാണ് മത്സരിക്കുക. സിറ്റിങ് സീറ്റായ പത്മനാഭ നഗറിന് പുറമെയാണ് അശോക് കനകപുരയിൽ മത്സരിക്കുന്നത്.
“സംസ്ഥാനത്തുടനീളം ഡബിൾ എൻജിൻ സർക്കാർ ഭരണത്തിന് അനുകൂലമായ അന്തരീക്ഷമാണ് നിലനിൽക്കുന്നത് ഇത്തവണ ഞങ്ങൾ കേവല ഭൂരിപക്ഷ സർക്കാർ രൂപീകരിക്കാൻ പോകുകയാണ്” ലിസ്റ്റ് പുറത്തുവന്നതിന് പിന്നാലെ കർണാടക മുഖ്യമന്ത്രി ബൊമ്മൈ ട്വിറ്ററിൽ കുറിച്ചു.
മുൻ ഉപമുഖ്യമന്ത്രി ലക്ഷ്മൺ സവാദിക്ക് അത്താനിയിൽ ടിക്കറ്റ് നഷ്ടമായപ്പോൾ മുഖ്യമന്ത്രി ബസവരാജ് ബൊമ്മൈ ഷിഗ്ഗാവ് മണ്ഡലത്തിൽ മത്സരിക്കും. മുൻ മുഖ്യമന്ത്രിയും മുതിർന്ന് ബിജെപി നേതാവുമായ ബി എസ് യെഡിയൂരപ്പയുടെ മകൻ ബി വൈ വിജയേന്ദ്രയ്ക്കാണ് ശിക്കാരിപുരയുടെ നറുക്ക് വീണിരിക്കുന്നത്. 1983 മുതൽ യെഡിയൂരപ്പയാണ് ഈ മണ്ഡലത്തിൽ നിന്നും ജനവിധി നേടുന്നത്.
ഇന്നലെ രാത്രി കേന്ദ്രമന്ത്രി ധർമേന്ദ്ര പ്രധാൻ, മൻസുഖ് മാണ്ഡവ്യ, മറ്റ് ബിജെപി നേതാക്കൾ എന്നിവർ നടത്തിയ വാർത്താസമ്മേളനത്തിലാണ് പട്ടിക പുറത്തുവിട്ടത്. മെയ് 10നാണ് 224 അംഗ നിയമസഭയിലേക്കുള്ള വോട്ടെടുപ്പ് നടക്കുന്നത് 13നാണ് ഫലം പ്രഖ്യാപനവും ഉണ്ടാകും.
Read Latest National News and Malayalam News
