Also Read : 4 മാസത്തിനിടെ 7 വന്ദേ ഭാരത് എക്സ്പ്രസുകൾ; കേരളത്തിലേക്ക് ഇനി എന്ന്?
കർണാടകത്തിൽ സ്വാധീനമുള്ള രണ്ട് സമുദായങ്ങളാണ് ലിംഗായത്തുകളും വൊക്കലിഗകളും. ആറ് ജില്ലകളിലാണ് വൊക്കലിഗ വിഭാഗമുള്ളത്. അതേസമയം, സംസ്ഥാനത്തിന്റെ മധ്യ-വടക്കൻ ഭാഗങ്ങളിലായി പടർന്നു കിടക്കുകയാണ് ലിംഗായത്തുകൾ.
പണികിട്ടുന്ന ബാങ്ക് അക്കൗണ്ടുകൾ | bank account
ഹിന്ദു വിഭാഗത്തിലെ ശൈവമതത്തിൽ നിന്നും പന്ത്രണ്ടാം നൂറ്റാണ്ടിലുണ്ടായ ഒരു ശാഖയാണ് വീരശൈവമതം. ഒരു ചെറിയ ശിവലിംഗത്തെ പേടകത്തിലാക്കി കഴുത്തിലണിഞ്ഞ് നടന്നിരുന്ന ഈ വിഭാഗത്തെ ലിംഗവാഹകർ എന്നാണ് വിളിച്ചിരുന്നത്. ഈ വിഭാഗമാണ് പിന്നീട്, ലിംഗായത്തുകളായി മാറിയത്. പന്ത്രണ്ടാം നൂറ്റാണ്ടിൽ ജീവിച്ചിരുന്ന ബസവേശ്വരനാണ് വീരശൈവരുടെ പ്രധാന ആചാര്യൻ.
ഇന്ന് കർണാടകത്തിലെ തന്നെ ഏറ്റവും വലിയ ജാതി വിഭാഗമായി മാറിയിരിക്കുകയാണ് ലിംഗായത്തുകൾ. ഹിന്ദു മതത്തിൽ നിന്നും പുറത്തുവന്ന് മറ്റൊരു സ്വതന്ത്ര മതമായി അംഗീകരിക്കണമെന്ന ആവശ്യവും ഒരിക്കൽ ലിംഗായത്തുകൾ ഉയർത്തിയിരുന്നു.
ഏറ്റവും ഒടുവിലത്തെ കണക്ക് പ്രകാരം ഇന്ത്യയിൽ മൊത്തം മൂന്ന് കോടിയോളം ലിംഗായത്തുകൾ ഉണ്ടെന്നാണ് കണക്കുകൾ. ഇതിൽ 1.5 കോടിയും കർണാടകത്തിലാണുള്ളത്. 1.09 കോടി ആളുകൾ മഹാരാഷ്ട്രയിലും 50 ലക്ഷത്തോളം ആളുകൾ തെലങ്കാനയിലും. അവശേഷിക്കുന്നവർ തമിഴ്നാട്, കേരളം, ഗുജറാത്ത്, മധ്യപ്രദേശ് എന്നീ സംസ്ഥാനങ്ങളിലായി പരന്ന് കിടക്കുകയാണ്. രാഷ്ട്രീയത്തിലും
ഇവർക്ക് നിർണായക സ്വാധീനമുണ്ട്.
സ്വാതന്ത്ര്യ സമരക്കാലം മുതൽ കോൺഗ്രസിനോട് കൃത്യമായ അനുഭാവം കാണിച്ചിരുന്നവർ പിന്നീട്, ജനതാ പാർട്ടിയുമായും അതിന് ശേഷം ബിജെപിയുമായി അടുക്കുകയായിരുന്നു. 1956 മുതൽ 1969 വരെയുള്ള നാല് കോൺഗ്രസ് മുഖ്യമന്ത്രിമാരും ലിംഗായത്ത് വിഭാഗത്തിൽ നിന്നുള്ളവരായിരുന്നു. 1983 മുതൽ 1989 വരെയുള്ള സമയത്താണ് അന്നത്തെ പ്രമുഖ പാർട്ടിയായിരുന്ന ജനതാ പാർട്ടിയുമായി അടുത്തു. ഇക്കാലത്ത് രണ്ട് ലിംഗായത്ത് മുഖ്യമന്ത്രിമാർ കർണാടകം ഭരിച്ചിരുന്നു. എസ് ആർ ബൊമ്മൈയും ജെ എച്ച് പട്ടേലുമാണ് അന്നത്തെ ലിംഗായത്ത് മുഖ്യമന്ത്രിമാർ.
1990-കളുടെ അവസാനം മുതൽ ലിംഗായത്തുകൾ ബിജെപിയെയാണ് പിന്തുണയ്ക്കുന്നത്. ബി എസ് യെദ്യയൂരപ്പ, ജഗദീഷ് ഷട്ടാർ, ബി എസ് ബൊമ്മൈ വരെയുള്ള മുന്ന് മുഖ്യമന്ത്രിമാരും ലിംഗായത്ത് വിഭാഗത്തിൽ നിന്നുള്ളവരാണ്. ദക്ഷിണേന്ത്യയിൽ ബിജെപിക്ക് ലഭിച്ച ആദ്യ മുഖ്യമന്ത്രി ബി എസ് യെദ്യൂരപ്പ ലിംഗായത്തിന്റെ പ്രിയപ്പെട്ട നേതാവാണ്. അതേസമയം, കോൺഗ്രസിന്റെ പല പ്രമുഖ നേതാക്കളും ലിംഗായത്ത് വിഭാഗത്തിൽ നിന്നുള്ളവരാണ്.
Read Latest National News and Malayalam News
