യെഡിയൂരപ്പയ്ക്കു ശേഷം ലിംഗായത്ത് വിഭാഗത്തിലെ ശക്തനായ നേതാവായാണ് ലക്ഷ്മൺ സാവദി അറിയപ്പെടുന്നത്. 2003 മുതൽ 2018 വരെ എംഎൽഎയായിരുന്നു. 2018 ലെ നിയമസഭാ തെരഞ്ഞെടുപ്പിൽ ബെളഗാവി ജില്ലയിലെ അത്തണിയിൽനിന്നു മത്സരിച്ച സാവദി കോൺഗ്രസിലെ മഹേഷ് കുംതഹള്ളിയോട് പരാജയപ്പെട്ടിരുന്നു. 2019 ൽ സംസ്ഥാനത്ത് ബിജെപി സർക്കാർ രൂപീകരിക്കാനായി യെഡിയൂരപ്പയെ പിന്തുണച്ചു കോൺഗ്രസ് വിട്ട 17 എംഎൽഎമാരിൽ മഹേഷ് കുംതഹള്ളിയും ഉൾപ്പെട്ടിരുന്നു.
തൃക്കരിപ്പൂരിന്റെ സ്വന്തം ഇസ്മയിൽ ഹാജി
വീണ്ടും മഹേഷ് കുംതഹള്ളിയെ തന്നെ അത്തണി മണ്ഡലത്തിൽ മത്സരിപ്പിക്കാൻ ബിജെപി ദേശീയ നേതൃത്വം തീരുമാനിച്ചതാണ് ലക്ഷ്മൺ സാവദിയെ പ്രകോപിപ്പിച്ചത്. ബിജെപിയുടെ പ്രാഥമിക അംഗത്വത്തിൽനിന്ന് രാജിവെക്കുന്നതായി ലക്ഷ്മൺ സാവദി വാർത്താസമ്മേളനത്തിൽ അറിയിച്ചു. വ്യാഴാഴ്ചത്തെ യോഗത്തിനു ശേഷം ശക്തമായ തീരുമാനം എടുക്കുമെന്നും അദ്ദേഹം വ്യക്തമാക്കി. സാവദി കോൺഗ്രസിൽ ചേർന്നേക്കുമെന്ന റിപ്പോർട്ടുകളും പുറത്തുവരുന്നുണ്ട്.
9 ഡോക്ട‍ർമാ‍ർ, 5 വക്കീലന്മാർ, 8 വനിതകൾ; കർണാടകത്തിൽ 189 സ്ഥാനാർഥികളെ പ്രഖ്യാപിച്ച് ബിജെപി
അതേസമയം മുതിർന്ന നേതാവ് ജഗദീഷ് ഷെട്ടറും ബിജെപിക്ക് തലവേദനയാകുന്നുണ്ട്. സീറ്റ് നിഷേധിച്ചതോടെ ദേശീയ നേതൃത്വത്തെ കാണാനായി ഷെട്ടർ ഡൽഹിയിലേക്ക് തിരിച്ചു. ദേശീയ നേതൃത്വത്തിൽനിന്നു അനുകൂല തീരുമാനം ഉണ്ടായില്ലെങ്കിൽ സുബ്ബള്ളിയിൽനിന്നു ഷെട്ടർ വിമതനായി മത്സരിച്ചേക്കും. സ്ഥാനാർഥിത്വം ലഭിക്കാതെ വന്നതോടെ മറ്റൊരു മുതിർന്ന നേതാവും മന്ത്രിയുമായിരുന്ന കെ എസ് ഈശ്വരപ്പ തെരഞ്ഞെടുപ്പ് രാഷ്ട്രീയത്തിൽനിന്നു വിരമിക്കുന്നതായി പ്രഖ്യാപിച്ചു. സിറ്റിങ് എംഎൽഎമാർക്ക് സീറ്റ് നിഷേധിച്ചതിനെ തുടർന്നു രാംദുർഗ്, ജയനഗർ, ബെളഗാവി നോർത്ത് എന്നിവടങ്ങളിൽ അനുയായികൾ തെരുവിലിറങ്ങി പ്രതിഷേധിച്ചു.
Karnataka Election 2023: പിഎച്ച്ഡിക്കാർ, വിരമിച്ച ഐഎഎസ് ഐപിഎസ് ഉദ്യോഗസ്ഥർ; കന്നഡ മണ്ണ് നിലനിർത്താൻ ബിജെപി തന്ത്രങ്ങൾ ഇങ്ങനെ
ക‍ർണാടകത്തിലെ 224 അംഗ നിയമസഭയിലേക്കുള്ള തെരഞ്ഞെടുപ്പിൻ്റെ ആദ്യ ഘട്ട സ്ഥാനാർഥി പട്ടികയാണ് ബിജെപി ദേശീയ നേതൃത്വം പ്രഖ്യാപിച്ചിരിക്കുന്നത്. 189 പേരാണ് പട്ടികയിൽ ഉൾപ്പെട്ടിരിക്കുന്നത്. ഇതിൽ 52 പേരും പുതുമുഖങ്ങളാണ്. 32 പേർ ഒബിസി വിഭാഗത്തിൽ നിന്നും 30 എസ്സി വിഭാഗത്തിൽ നിന്നും 16 പേർ എസ്ടി വിഭാഗത്തിൽ നിന്നും ഉള്ളവരാണ്. രണ്ടാം ഘട്ട സ്ഥാനാർഥി പട്ടിക ഉടൻ പ്രഖ്യാപിക്കുമെന്നു നേതൃത്വം അറിയിച്ചു.
Read Latest National News and Malayalam News
