ഇത്തരത്തില്‍ ചിലത് നമ്മുടെ അടുക്കളയില്‍ നിന്നും തൊടിയില്‍ നിന്നുമെല്ലാം ലഭ്യമാണ്. ഇത്തരത്തില്‍ ഒന്നാണ് മുരിങ്ങ. വൈറ്റമിന്‍ സി, ഫോളിക് ആസിഡ് തുടങ്ങിയ ഒരു പിടി പോഷക ഗുണങ്ങള്‍ ഒത്തിണങ്ങിയ ഒന്നുമാണ്.
മുരിങ്ങ
പൊതുവേ ആരോഗ്യപരമായ ഗുണങ്ങള്‍ ഏറെയുള്ള ഒന്നാണ് മുരിങ്ങ. ഇതിന്റെ ഇലയും പൂവും കായും തടിയുമെല്ലാം തന്നെ ആരോഗ്യകരമാണ്. ആയുര്‍വേദത്തില്‍ ഇതിന്റെ തടി പല ആരോഗ്യ പ്രശ്‌നങ്ങള്‍ക്കും മരുന്നായി ഉപയോഗിയ്ക്കാറുമുണ്. മുരിങ്ങയുടെ ഇലയും പൂവും മുരിങ്ങാക്കായുമെല്ലാം തന്നെ ഏറെ ആരോഗ്യ ഗുണങ്ങള്‍ നല്‍കുന്ന ഒന്നാണ്.
തടി കുറയ്ക്കാന്‍
തടി കുറയ്ക്കാന്‍ സഹായിക്കുന്ന മികച്ചൊരു മരുന്നാണ് മുരിങ്ങാ. തിലെ ആന്റി ഓക്‌സിഡന്റുകളും പോളിഫിനോളുകളുമാണ് ഈ ഗുണം നല്‍കുന്നത്. വയറ്റിലെ കൊഴുപ്പ്, അതായത് വിസറല്‍ ഫാറ്റ് കുറയ്ക്കാന്‍ ഏറെ നല്ലതാണിത്. ചര്‍മത്തിനും മുടിയ്ക്കുമെല്ലാം ഒരു പോലെ നല്ലതാണിത്.
ദഹനം മെച്ചപ്പെടുത്തി ഗ്യാസ്, അസിഡിറ്റി പ്രശ്‌നങ്ങള്‍ പരിഹരിയ്ക്കാനുള്ള ഒരു വഴി കൂടിയാണിത്. കുടല്‍ പ്രവര്‍ത്തനങ്ങള്‍ക്ക് ഏറെ ഗുണകരം.ഇത് ഫൈബര്‍ സമ്പുഷ്ടമാണ്. ഇതും തടിയും വയറും കുറയ്്ക്കാന്‍ സഹായിക്കുന്ന ഒന്നാണ്. ഇതിലെ നാരുകള്‍ നല്ല ശോധനയ്ക്കു സഹായിക്കുന്ന ഒന്നു കൂടിയാണ്.
ഉപയോഗിയ്ക്കാന്‍
തടി കുറയ്ക്കാന്‍ ഇത് ഉപയോഗിയ്ക്കാന്‍ ഏറെ എളുപ്പമാണ്. മുരിങ്ങായില നല്ലതു പോലെ കഴുകുക. ഇതും മുരിങ്ങാക്കാ പിളര്‍ന്നതും ചേര്‍ത്ത് വെള്ളം തിളപ്പിയ്ക്കാം. കുറഞ്ഞ തീയില്‍ തിളപ്പിച്ച് പിന്നീട് ഇത് ഊറ്റി കുടിയ്ക്കാം. ഇളം ചൂടോടെ കുടിയ്ക്കുന്നതാണ് ഉത്തമം. രാവിലെ വെറുംവയറ്റില്‍ കഴിയ്ക്കാം. ഇതല്ലെങ്കില്‍ പ്രാതലിനോട് അനുബന്ധിച്ച് കുടിയ്ക്കാം.
ഇതല്ലെങ്കില്‍ മുരിങ്ങായില ജ്യൂസാക്കി കുടിയ്ക്കാം. ഇതില്‍ അല്‍പം രുചി വേണമെങ്കില്‍ നാരങ്ങാനീരും തേനുമെല്ലാം ചേര്‍ത്തിളക്കി കുടിയ്ക്കാം.
കറുവാപ്പട്ട
കറുവാപ്പട്ട പൊടി ചേര്‍ത്ത് ഇത് തയ്യാറാക്കുന്നതും ഏറെ നല്ലതാണ്. ഈ കൂട്ടില്‍ കറുവാപ്പട്ട പൊടി ചേര്‍ക്കാം. ഇത് ഒരു ഗ്ലാസ് മുരിങ്ങാപ്പാനീയത്തില്‍ അര സ്പൂണ്‍ മാത്രം ചേര്‍ത്താല്‍ മതിയാകും. ആരോഗ്യത്തിന് ഏറെ ഗുണങ്ങള്‍ നല്‍കുന്ന ഒന്നാണ് കറുവാപ്പട്ടയും. ഇതില്‍ പ്രമേഹ നിയന്ത്രണത്തിന് സഹായിക്കുന്ന പല ഘടകങ്ങളുമുണ്ട്.
തടി കുറയ്ക്കാനും ഇതേറെ നല്ലതാണ്. ശരീരത്തിന്റെ ചൂട് വര്‍ദ്ധിപ്പിച്ച് അപചയ പ്രക്രിയ ശക്തിപ്പെടുത്തുന്ന ഒന്നാണ് കറുവാപ്പട്ട. ഇതും തടിയും വയറുമെല്ലാം കുറയ്ക്കാന്‍ സഹായിക്കുന്ന ഒന്നാണ്.
