അതുപോലെ തന്നെയാണ് കുടകളുടെ കാര്യവും. നമ്മള്‍ പല നിറത്തിലുള്ള കുടകള്‍ ഉപയോഗിക്കാറുണ്ട്. എന്നാല്‍, മിക്കവരിലും കാണപ്പെടുന്നത് കറുപ്പ് കുടകളാണ്. ഈ കറുപ്പ് കുടകള്‍ ചൂട് കൂട്ടുമോ? അറിയാം സത്യാവസ്ഥ.
കറുപ്പില്‍ മാത്രം ഒതുക്കണ്ട
ചൂടുള്ള കാലാവസ്ഥയില്‍ പലരും കറുപ്പ് വസ്ത്രങ്ങള്‍ പരമാവധി ധരിക്കാതിരിക്കാന്‍ ശ്രദ്ധിക്കും. കാരണം, കറുപ്പ് ചൂടിനെ ആഗിരണം ചെയ്യുന്നതിനാല്‍ തന്നെ ഇത് ശരീരത്തിലേയ്ക്ക് ചൂട് വര്‍ദ്ധിപ്പിക്കുന്നതന് കാരണമാകുന്നുണ്ട്. അതിനാല്‍, പലരും കറുപ്പ് വസ്ത്രം മാറ്റി, പകരം വെള്ള നിറത്തിലുള്ള വസ്ത്രങ്ങള്‍ ധരിക്കാന്‍ തിരഞ്ഞെടുക്കുന്നു.
കറുപ്പ് നിറം മാത്രമല്ല, നീല, വൈലറ്റ്, ഗ്രീന്‍, ഇന്‍ഡിഗോ എന്നീ നിറങ്ങളെല്ലാം തന്നെ ശരീരത്തിന് കൂടുതല്‍ ചൂട് നല്‍കുന്ന നിറങ്ങളാണ്. അതിനാല്‍, ഈ നിറത്തിലുള്ള വസ്ത്രങ്ങളും ധരിക്കാതിരിക്കാന്‍ ശ്രദ്ധിക്കുന്നത് നല്ലതായിരിക്കും.
ഏത് നിറമാണ് നല്ലത്
വേനല്‍ക്കാലത്ത് എല്ലായ്‌പ്പോഴും വെള്ള, ചുവപ്പ്, മഞ്ഞ എന്നീ നിറത്തിലുള്ള വസ്ത്രങ്ങള്‍ ധരിക്കാന്‍ തിരഞ്ഞെടുക്കുന്നതാണ് കുറച്ചുംകൂടെ നല്ലത്. ഇവയുടെ കളര്‍ ടെംപറേച്ചറും കുറവാണ് ഇത് ശരീരത്തിന് ചൂട് നല്‍കുന്നത് കുറയ്ക്കാനും സഹായിക്കുന്നുണ്ട്.
എന്നാല്‍ വേനല്‍ക്കാലത്ത് ഒട്ടും ഉപയോഗിക്കാന്‍ പാടില്ലാത്ത നിറങ്ങളാണ് നീല, വൈലറ്റ്, കറുപ്പ് എന്നിവ. സത്യത്തില്‍ കറുപ്പിനേക്കാള്‍ ചൂട് കൂടുതലുള്ള നിറമാണ് നീല. അതിനാല്‍ വേനല്‍ക്കാലത്ത് നീല നിറത്തിലുള്ള വസ്ത്രങ്ങള്‍ ഒഴിവാക്കുന്നത് നല്ലതാണ്.
മെറ്റീരിയല്‍
വേനല്‍ക്കാലത്ത് നല്ല കട്ടിയുള്ള വസ്ത്രങ്ങള്‍ ധരിക്കുന്നതിനേക്കാളും കട്ടി കുറഞ്ഞതും നല്ല ലൂസായി കിടക്കുന്നതുമായ വസ്ത്രങ്ങള്‍ ധരിക്കുന്നതുമാണ് ഏറ്റവും നല്ലത്. എന്നാല്‍ മാത്രമാണ്, ശരീരത്തില്‍ ചൂട് തങ്ങി നില്‍ക്കാതെ പുറത്തേക്ക് പോവുകയുള്ളൂ. ചില പഠനങ്ങള്‍ പ്രകാരം വേനല്‍ കാലത്ത് വസ്ത്രങ്ങള്‍ ധരിക്കാതിരിക്കുന്നതാണ് കൂടുതല്‍ ചൂട് കുറയ്ക്കാന്‍ സഹായിക്കുന്നത് എന്നാണ്.
വേനലില്‍ മാത്രമല്ല, ഏത് കാലാവസ്ഥയിലായാലും ശരീരത്തിന് കൃത്യമായി ശ്വസിക്കാന്‍ സാധിക്കണം. എന്നാല്‍, മാത്രമാണ് പല ചര്‍മ്മ പ്രശ്‌നങ്ങള്‍ പോലും നമ്മള്‍ക്ക് കുറയ്ക്കാന്‍ സാധിക്കൂ. ചിലര്‍ക്ക് ചൂട് അമിതമായി കൊണ്ടാല്‍ ശരീരത്തില്‍ ചൂട് കുരു പോലെയുള്ള പ്രശ്‌നങ്ങള്‍ ഉണ്ടാകാനുള്ള സാധ്യതയും വളരെ കൂടുതലാണ്. ഇതെല്ലാം ഒഴിവാക്കാന്‍ നല്ല കോട്ടന്‍ മെറ്റീരിയലിലുള്ള വസ്ത്രങ്ങളും ലൂസ് വസ്ത്രങ്ങളും ധരിക്കാന്‍ ശ്രദ്ധിക്കുന്നത് നല്ലതാണ്.
കറുപ്പ് നിറത്തിലുള്ള കുട
നമ്മള്‍ കറുപ്പ് വസ്ത്രങ്ങള്‍ ധരിക്കുന്നത് ഒഴിവാക്കും. എന്നാല്‍, വേനല്‍കാലത്ത് മിക്കവരും ഉപയോഗിക്കുന്നത് കറുപ്പ് കുടകളാണ്. അപ്പോള്‍ അത് നല്ലതാണോ? ഇത്തരം സംശയം മിക്കവരിലും കണ്ടെന്ന് വരാം. സത്യത്തില്‍ വേനല്‍കാലത്ത് കറുപ്പ് നിറത്തിലുള്ള കുടകള്‍ ഉപയോഗിക്കുന്നതാണ് നല്ലത്.
ഇതിന്റെ പ്രധാന കാരണം, കറുപ്പ് എനര്‍ജി വേഗത്തില്‍ ആകര്‍ഷിക്കുന്നത് പോലെ തന്നെ അതേ സമയം എനര്‍ജി പുറംതള്ളുകയും ചെയ്യുന്നു. അതിനാല്‍, നമുക്ക് ചൂട് അനുഭവപ്പെടുന്നില്ല. ഇത് ചൂടിനെ ബാലന്‍സ് ചെയ്ത് നിലനിര്‍ത്താന്‍ സഹായിക്കുന്നുണ്ട്.
