മുടി വളർത്താൻ ഇനി പാർലറിൽ പോയി സമയം കളയണ്ട, വീട്ടിലുള്ള ചില പരിഹാര മാർഗങ്ങളിതാ

​കറ്റാർവാഴ

മുടിയുടെ ചർമ്മത്തിൻ്റെ എല്ലാ പ്രശ്നങ്ങൾക്കുമുള്ള പരിഹാരമാണ് കറ്റാർവാഴ. എല്ലാ വീടുകളിലും വളരെ സുലഭമായി കറ്റാർവാഴ കണ്ട് വരാറുണ്ട്. വളരെ എളുപ്പത്തിൽ ലഭ്യമാകുന്ന കറ്റാർവാഴ പലപ്പോഴും ആളുകൾ മറന്ന് പോകുന്നു എന്നതാണ് സത്യം. തലയോട്ടിയിലെ വീക്കം, താരൻ, മുടികൊഴിച്ചിൽ തുടങ്ങി മുടിയുടെ പല പ്രശ്നങ്ങൾക്കുമുള്ള പരിഹാര മാർ​ഗമാണ് കറ്റാർവാഴ എന്ന് തന്നെ പറയാം. മുടിയിലെയും തലയോട്ടിയിലെയും ഈർപ്പം നിലനിർത്തി മുടി വളർച്ച മെച്ചപ്പെടുത്താൻ ഏറ്റവും മികച്ചതാണ് കറ്റാർവാഴ. കറ്റാർവാഴ വെറുതെ മുടിയിൽ തേയ്ക്കുന്നതും എണ്ണയിലും പായ്ക്കുകളിലും ഇടുന്നത് മുടി വളർച്ചയ്ക്ക് ഏറെ നല്ലതാണ്.

ഉള്ളി നീര്

എല്ലാ വീട്ടിലെയും അടുക്കളയിൽ വളരെ സുലഭമായി ലഭിക്കുന്നതാണ് സവാള. മുടി വളരാൻ ഏറ്റവും ചിലവ് കുറഞ്ഞതും എളുപ്പവുമുള്ള മാർഗമാണ് ഉള്ളി നീര് ഉപയോഗിക്കുന്നത്. മുടിയുടെ വളർച്ച മെച്ചപ്പെടുത്താൻ സഹായിക്കുന്നതാണ് സൾഫേറ്റ്. ഇത് ഉള്ളിയിൽ ധാരാളമായി അടങ്ങിയിട്ടുണ്ട്. തലയിലെ രക്തയോട്ടം വർധിപ്പിച്ച് മുടി വളർച്ച ഇരട്ടിയാക്കാൻ ഇത് സഹായിക്കാറുണ്ട്. മുടി കൊഴിച്ചിലിന് കാരണമാകുന്ന താരൻ പോലുള്ള പ്രശ്നങ്ങൾ പരിഹരിക്കാനും സവാളയുടെ നീര് ഒരു മികച്ച മാർഗമാണ്. ഇതിന് ആന്റി ഫംഗല്‍, ആന്റി ബാക്ടീരിയല്‍ ഗുണങ്ങളുമുണ്ട്.

​ഉലുവ

മുടിയുടെ ഉറ്റ സുഹൃത്താണ് ഉലുവ. നല്ല മുടി വളർച്ചയ്ക്കും താരൻ മാറ്റാനും ഇത് വളരെയധികം സഹായിക്കും. അടുക്കളയിൽ വളരെ സുലഭമായി ലഭിക്കുന്ന ഉലുവ മുടിയിൽ അരച്ച് തേയ്ക്കുന്നത് പല തരത്തിലുള്ള ഗുണങ്ങളാണ് നൽകുന്നത്. മുടി കൊഴിച്ചിൽ തടയാൻ മാത്രമല്ല മുടിയ്ക്ക് നല്ല ഉള്ള് ലഭിക്കാനും ഇത് സഹായിക്കും. മുടിയുടെ ആരോഗ്യത്തിന് ആവശ്യമായ വൈറ്റമിന്‍ എ, വൈറ്റമിന്‍ കെ, എന്നിവ അടങ്ങിയിരിക്കുന്നതിനാല്‍ ഉലുവ മുടി വളരാൻ ഏറെ മികച്ചതാണ്. ഇത് കൂടാതെ പൊട്ടാസ്യം, കാല്‍ത്സ്യം എന്നിവയും അടങ്ങിയിട്ടുണ്ട്. ഉലുവ കഞ്ഞിവെള്ളത്തിൽ കുതിർത്ത് മുടിയിൽ തേച്ചാൽ താരൻ മാറ്റാനും മുടി വളരാനും സഹായിക്കും.

Also Read: മുടി കറുപ്പിക്കാൻ ഇതിലും എളുപ്പ വഴി വേറെയില്ല; വെറും രണ്ടേ രണ്ട് ചേരുവകൾ​

കാപ്പിപ്പൊടി​

രാവിലെ ഒരു കാപ്പി കുടിച്ച് തുടങ്ങുന്നതാണ് പലപ്പോഴും മലയാളികൾക്ക് ഉന്മേഷം കിട്ടാൻ ഏറ്റവും അത്യാവശ്യം. മുടികൊഴിച്ചിൽ മാറ്റാൻ ഏറ്റവും മികച്ചതാണ് കാപ്പിപ്പൊടി. കേൾക്കുമ്പോൾ അത്ഭുതം തോന്നുമെങ്കിലും സം​ഗതി സത്യമാണ്. ഫോളിക്കിളുകൾ കേടുവരുത്തുന്നു ഡിഎച്ച്ടിയുടെ ഫലങ്ങളെ പ്രതിരോധിച്ച് മുടിയെ ആരോ​ഗ്യത്തോടെ വളരാനും തിളക്കം കിട്ടാനും കാപ്പിപ്പൊടി സഹായിക്കും. തലയോട്ടിയിലെ രക്തപ്രവാഹം മികച്ചതാക്കാനും കാപ്പിപ്പൊടി സഹായിക്കും. തേനും ഒലീവ് ഓയിലും കാപ്പിപ്പൊടിയും ചേർത്ത് പേസ്റ്റ് തയാറാക്കി 20 മിനിറ്റിന് ശേഷം കഴുകി കളയുക. മുടിയ്ക്ക് നിറം കിട്ടാനും അതുപോലെ മുടി വളരാനും ഇത് സഹായിക്കും.

English Summary: Home remedies for hair growth

Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ഇവ ഉപയോഗിക്കുന്നതിന് മുൻപ് പാച്ച് ടെസ്റ്റ് നടത്താൻ മറക്കരുത്.

​കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക. ​