ഹൈലൈറ്റ്:
- യുവതിയ്ക്ക് അഞ്ച് വര്‍ഷം കഠിനതടവ്
- മുഹമ്മദിൻ്റെ ശരീരത്തിൽ വിഷാംശം കണ്ടെത്തി
- ഭര്‍ത്താവിൻ്റെ മുത്തശ്ശിയെ വധിച്ചെന്ന കേസിലും പ്രതി
59കാരനായ ഭര്‍തൃപിതാവ് മുഹമ്മദിനെ ഫസീല വിഷം നല്‍കി കൊലപ്പെടുത്താൻ ശ്രമിച്ചെന്നാണ് കേസ്. രണ്ട് വര്‍ഷത്തോളം ഇദ്ദേഹത്തിനു നല്‍കിയ ഭക്ഷണത്തിൽ മെത്തോമൈൽ എന്ന വിഷപദാര്‍ഥം കലര്‍ത്തി നല്‍കുകയായിരുന്നു. കീടനാശിനിയായി ഉപയോഗിക്കുന്ന മെത്തോമൈൽ മനുഷ്യരുടെ ഉള്ളിലെത്തിയാൽ സ്ഥിതി ഗുരുതരമാകാൻ സാധ്യതയുള്ളതാണ്. വിഷം കലര്‍ന്ന ഭക്ഷണം കഴിച്ച മുഹമ്മദിന് ദിവസേന വയറിളക്കവും ഛര്‍ദ്ദിയും അനുഭവപ്പെട്ടിരുന്നു. ഇക്കാര്യമറിയാതെ മുഹമ്മദ് ചികിത്സ തേടുകയും ചെയ്തിരുന്നു. എന്നാൽ ഇതിനിടെ ഫസീല ഭക്ഷണത്തിൽ വിഷം കലര്‍ത്തുന്നതു കണ്ട മുഹമ്മദ് പോലീസിനെ സമീപിക്കുകയായിരുന്നു.
Also Read: കൊവിഡ് മൂന്നാം തരംഗം ഉടൻ; ഗുരുതരമാകുക ഏത് സംസ്ഥാനത്ത്? മുന്നറിയിപ്പുമായി ഐഎംഎ
മുഹമ്മദ് നല്‍കിയ പരാതിയെത്തുടര്‍ന്ന് വീട്ടിൽ ഫോറൻസിക് പരിശോധന നടത്തിയ പോലീസ് വീട്ടിൽ നിന്ന് വിഷം കണ്ടെത്തുകയായിരുന്നു. ഇതേ വിഷം തന്നെ മുഹമ്മദിൻ്റെ ശരീരത്തിലും കണ്ടെത്തിയതോടെ ഫസീലയുടെ പങ്ക് തെളിയുകയായിരുന്നു. കൊലപാതകശ്രമം നടത്തിയതിനും വിഷം നല്‍കിയതിനും ഫസീലയ്ക്ക് 25,000 രൂപ വീതം പിഴയും വിധിച്ചിട്ടുണ്ട്.
Also Read: പ്രധാനമന്ത്രിയുമായുള്ള മുഖ്യമന്ത്രിയുടെ കൂടിക്കാഴ്ച ഇന്ന്; വാക്സിനും ജിഎസ്ടി കുടിശികയും ചർച്ചയാകും
ഭര്‍ത്താവിൻ്റെ മുത്തശ്ശിയായ നഫീസ(71)യെ കൊലപ്പെടുത്തിയ കേസിലും ഫസീലയുടെ വിചാരണ തുടരുകയാണ്. 2016ലായിരുന്നു നഫീസ ദുരൂഹസാഹചര്യത്തിൽ മരിച്ചത്. ഇവരോട് ഫസീലയ്ക്കുണ്ടായിരുന്ന വൈരാഗ്യം കൊലയിലേയ്ക്ക് നയിക്കുകയായിരുന്നുെന്നും ക്ലോര്‍പൈറിഫോസ് എന്ന വിഷപദാര്‍ത്ഥം ചെന്നാണ് ഇവര്‍ മരിച്ചതെന്നുമാണ് കേസിലെ രേഖകള്‍ വ്യക്തമാക്കുന്നത്.
കാട്ടുപന്നി യാത്രികനെ ഇടിച്ചു തെറിപ്പിച്ചു!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 5 year jail term for palakkad woman to poisoned father in law for two years and allegedly killed grandmother
Malayalam News from malayalam.samayam.com, TIL Network
