ഇരുവരുടെയും കൈകൾ ചേർച്ച് വിലങ്ങുവെച്ചാണ് ആതിഖിനെയും അഷ്റഫിനെയും യുപി പോലീസ് പുറത്തിറക്കിയത്. ഇവരെ വൈദ്യപരിശോധനയ്ക്ക് കൊണ്ടുവരുന്ന വിവരം അറിഞ്ഞ് നേരത്തെ തന്നെ മാധ്യമപ്രവർത്തകർ സ്ഥലത്ത് തമ്പടിച്ചിരുന്നു. കനത്ത പോലീസ് വലയത്തിൽ മാധ്യമങ്ങളുടെ നടുവിലൂടെ ഇരുവരും നടന്ന് വരുന്നതിനിടെ മകന്‍റെ അന്ത്യകർമ്മങ്ങളിൽ പങ്കെടുക്കാൻ കഴിയാത്തതിനെക്കുറിച്ച് മാധ്യങ്ങൾ ആതിഖിനോട് ചോദിച്ചു. ഇതിന് മറുപടി പറയുന്നതിനിടെയാണ് ആതിഖിന് നേരെ വെടിവെയ്പ്പുണ്ടായത്.
Also Read :ആതിഖ് അഹമ്മദിന്റെ കൊലപാതകം; യുപിയിൽ നിരോധനാജ്ഞ, ഇന്റർനെറ്റ്ബന്ധം വിച്ഛേദിച്ചു, കനത്ത ജാഗ്രത
ആള്‍ക്കൂട്ട മര്‍ദ്ദനം; യുവാവ് ഗുരുതരാവസ്ഥയില്‍
‘അവർ കൊണ്ടു പോയില്ല, അതിനാൽ പോയില്ല’ (Nahi le gaye to nahi gaye ) എന്ന് ആതിഖ് അഹമ്മദ് പറയുന്നതിനിടെയാണ് അദ്ദേഹത്തിന്‍റെ തലയിൽ വെടിയേൽക്കുന്നത്. അതിന്‍റെ ഞെട്ടൽ മാറുന്നതിന് മുന്നേ അഷ്റഫിനും വെടിയേറ്റു. ഇകുവരെയും വെടിവെച്ചതിന് ശേഷം അക്രമികൾ ‘ജയ് ശ്രീറാം’ വിളിക്കുകയും ചെയ്തു. അക്രമികൾ നിരവധി തവണ വെടിയുതിർത്തെന്നാണ് റിപ്പോർട്ടുകൾ.
ഉത്തർപ്രദേശിലെ സ്പെഷൽ ടാസ്ക് ഫോഴ്സ് ടീമുമായുണ്ടായ ഏറ്റുമുട്ടലിൽ കൊല്ലപ്പെട്ട മകൻ ആസാദ് അഹമ്മദിന്റെ സംസ്കാരം നടന്ന് മണിക്കൂറുകൾ മാത്രം പിന്നിടുമ്പോഴാണ്, ക്യാമറക്കണ്ണുകൾക്കു മുന്നിൽ പൊലീസുകാരെ സാക്ഷിയാക്കി ആതിഖ് അഹമ്മദിനെയും സഹോദരൻ അഷ്റഫ് അഹമ്മദിനെയും അക്രമികൾ വധിച്ചത്. ഉമേഷ് പാൽ വധക്കേസുമായി ബന്ധപ്പെട്ട കേസിൽ പ്രതിയുമായ ആസാദ് അഹമ്മദും കൂട്ടാളി മുഹമ്മദ് ഗുലാമും രണ്ടു ദിവസം മുൻപാണ് സ്പെഷൽ ടാസ്ക് ഫോഴ്സുമായുണ്ടായ ഏറ്റുമുട്ടലിൽ വെടിയേറ്റ് കൊല്ലപ്പെട്ടത്.
‘പണമെല്ലാം രണ്ടാം ഭാര്യയ്ക്ക്, അമ്മയെ കാണാൻ പോലും വരുന്നില്ല’, പിതാവിനെ തലക്കടിച്ച് കൊലപ്പെടുത്തി മകൻമാധ്യമപ്രവർത്തകരെന്ന വ്യാജേനെയാണ് അക്രമികൾ ഇരുവർക്കും സമീപത്തേക്ക് എത്തിയത്. കൊലപാതകവുമായി ബന്ധപ്പെട്ട് മൂന്നുപേരെ പോലീസ് കസ്റ്റഡിയിലെടുത്തിട്ടുണ്ട്. കൊലപാതകത്തിൽ യുപി സർക്കാർ ജുഡീഷ്യൽ അന്വേഷണം പ്രഖ്യാപിച്ചിട്ടുണ്ട്. ഉമേഷ് പാൽ വധവുമായി ബന്ധപ്പെട്ടാണ് ആതിഖ് അഹമ്മദിനെയും സഹോദരൻ അഷ്റഫ് അഹമ്മദിനെയും പോലീസ് അറസ്റ്റ് ചെയ്തിരുന്നത്. ഇവരെ മെഡിക്കൽ പരിശോധനയ്ക്ക് കൊണ്ടുപോകാനിറങ്ങുമ്പോഴാണ് അക്രമികൾ വെടിയുതിർത്തത്. ഗുണ്ടാത്തലവനായ ആതിഖ് അഹമ്മദിന്റെ പേരിൽ നൂറിലധികം കേസുകളുണ്ടെന്നാണ് റിപ്പോർട്ട്. കൊല്ലപ്പെട്ട സഹോദരൻ അഷറഫിന്‍റെ പേരിൽ 57 കേസുകളുമുണ്ട്.
