കാട്ടാന കിണറ്റിൽ വീണ് ചരിഞ്ഞു
പ്രാദേശിക ഗുണ്ടാത്തലവനും കച്ചവടക്കാരനുമൊക്കെയായിരുന്ന ആതിഖ് അഹമ്മദ് 1989ലാണ് ആദ്യമായി തെരഞ്ഞെടുപ്പ് രാഷ്ട്രീയത്തില്‍ ഭാഗ്യ പരീക്ഷണം നടത്തുന്നത്. അലഹബാദ് വെസ്റ്റ് മണ്ഡലത്തില്‍ നിന്നും ആദ്യമായി ജയിച്ച് എംഎല്‍എ ആയി. പിന്നീട് വന്ന 5 തെരഞ്ഞെടുപ്പുകളിലും മണ്ഡലത്തില്‍ നിന്നും ആതിഖ് അഹമ്മദ് തന്നെ തെരഞ്ഞെടുക്കപ്പെട്ടു. ആദ്യം സ്വതന്ത്ര്യനായും പിന്നീട് സമാജ് വാദി പാര്‍ട്ടി ടിക്കറ്റിലും മത്സരിച്ചു. 2004ല്‍ ഫുല്‍പൂര്‍ മണ്ഡലത്തില്‍ നിന്നും ലോക്‌സഭയിലേക്ക് മത്സരിക്കാനായാണ് ആതിഖ് വെസ്റ്റ് അലഹബാദ് സീറ്റ് ഒഴിയുന്നത്. സമാജ് വാദി ടിക്കററില്‍ മത്സരിച്ച ആതിഖ് അഹമ്മദ് 14-ാം ലോക്‌സഭയിലേക്ക് തെരഞ്ഞെടുക്കപ്പെട്ടു.
ആതിഖ് അഹമ്മദ് ഒഴിഞ്ഞ അലഹബാദ് വെസ്റ്റ് മണ്ഡലത്തില്‍ സഹോദരന്‍ അഷ്‌റഫ് അഹമ്മദ് മത്സരിച്ചെങ്കിലും ബിഎസ്പി സ്ഥാനാര്‍ത്ഥിയായ രാജു പാല്‍ വിജയിക്കുകയായിരുന്നു. ശക്തികേന്ദ്രത്തിലേറ്റ തിരിച്ചടി അഹമ്മദ് സഹോദരന്മാരെ അസ്വസ്ഥരാക്കി. തെരഞ്ഞെടുപ്പ് നടന്ന് മാസങ്ങള്‍ക്കുള്ളില്‍ എംഎല്‍എ രാജുപാല്‍ കൊല്ലപ്പെട്ടു. 2005 ജനുവരി 25നാണ് കൊലപാതകം നടക്കുന്നത്. രാജു പാലിന്റെ ഭാര്യ പൂജാ പാലിന്റെ പരാതിയെ തുടര്‍ന്ന് പോലീസ് ആതിഖ് അഹമ്മദിനെതിരെ കേസെടുക്കുകയായിരുന്നു. ഇതിനിടെ രാജു പാല്‍ കൊല്ലപ്പെട്ടതിന് പിന്നാലെ ഒഴിവ് വന്ന അലഹബാദ് വെസ്റ്റ് മണ്ഡലത്തില്‍ ഉപതെരഞ്ഞെടുപ്പ് നടന്നു. രാജുപാലിന്റെ ഭാര്യ പൂജാ പാലിനെ പരാജയപ്പെടുത്തി ഇക്കുറി അഷ്‌റഫ് അഹമ്മദ് അധികാരം പിടിച്ചെടുത്തു.
രാജു പാലിന്റെ കൊലപാതകവുമായി ബന്ധപ്പെട്ട രാഷ്ട്രീയ സമ്മര്‍ദ്ദങ്ങള്‍ക്കൊടുവില്‍ ആതിഖ് അഹമ്മദിനെ സമാജ് വാദി പാര്‍ട്ടിയില്‍ നിന്നും പുറത്താക്കി. 2008ല്‍ ആതിഖ് പോലീസില്‍ കീഴടങ്ങി. 2012ല്‍ജയില്‍ മോചിതനായി. അഖിലേഷ് യാദവുമായുള്ള ബന്ധത്തില്‍ വിള്ളല്‍ വീണതോടെയാണ് ആതിഖ് അഹമ്മദിന്റെ കഷ്ടകാലം തുടങ്ങുന്നത്. 2014ലെ ലോക്‌സഭാ തെരഞ്ഞെടുപ്പില്‍ മത്സരിച്ചെങ്കിലും ബിജെപി സ്ഥാനാര്‍ത്ഥിയോട് പരാജയപ്പെടുകയായിരുന്നു.
2016ല്‍ യുപിയിലെ സാം ഹിഗ്ഗിന്‍ബോട്ടം സര്‍വകലാശാലയിലെ അധ്യാപകരെ ആതിഖ് അഹമ്മദും കൂട്ടാളികളും ചേര്‍ന്ന് ക്രൂരമായി മര്‍ദ്ധിക്കുന്ന ദൃശ്യങ്ങള്‍ പുറത്ത് വന്നു. പരീക്ഷയില്‍ ക്രമക്കേട് കാണിച്ച വിദ്യാര്‍ത്ഥികള്‍ക്കെതിരെ നടപടി എടുത്തതിനെ തുടര്‍ന്നായിരുന്നു മര്‍ദ്ദനം. ഈ കേസില്‍ 2017 ഫെബ്രുവരിയില്‍ ആതിഖ് അറസ്റ്റിലായി. 2019ലെ ലോക്‌സഭാ തെരഞ്ഞെടുപ്പില്‍ വാരണാസിയില്‍ പ്രധാനമന്ത്രി നരേന്ദ്രമോദിക്കെതിരെ മത്സരിച്ചെങ്കിലും 855 വോട്ടുകള്‍ മാത്രം നേടി ദയനീയമായി പരാജയപ്പെട്ടു. ഈ വര്‍ഷം ഫെബ്രുവരിയിലാണ് രാജു പാല്‍ വധക്കേസിലെ മുഖ്യസാക്ഷിയായ ഉമേഷ് പാല്‍ കൊല്ലപ്പെടുന്നത്. തുടര്‍ന്ന് പോലീസ് ആതിഖ് അഹമ്മദ്. ഭാര്യ സഹിസ്ത പര്‍വീണ്‍,രണ്ട് ആണ്‍മക്കള്‍, സഹോദരന്‍ അഷ്‌റഫ് അഹമ്മദ് എന്നിവര്‍ക്കെതിരെ കേസെടുക്കുകയായിരുന്നു.
Read LatestNational NewsandMalayalam News
Atiq Ahmed’s last words: ‘അവർ കൊണ്ടു പോയില്ല, അതിനാൽ…’; വെടിയേൽക്കുമ്പോൾ ആതിഖ് പറഞ്ഞുകൊണ്ടിരുന്നത്; കൊല്ലപ്പെട്ടത് പോലീസ് വലയത്തിൽ മാധ്യമങ്ങൾക്ക് മുന്നിൽ നിൽക്കെ
