ഇത്രയും വലിയ ദുരന്തമാണെന്ന് ആരും കരുതിയില്ല
ഇന്നലെ ഉച്ചയ്ക്ക് 12 ന് ശേഷമായിരുന്നു താഴത്തെ നിലയിൽ നിന്നും വലിയ രീതിയിൽ പുക ഉയർന്നത്. സൂപ്പർ മാർക്കറ്റ് അടക്കം നിരവധി വ്യാപാര സ്ഥാപനങ്ങൾ സ്ഥിതി ചെയ്യുന്ന കെട്ടിടത്തിൽ ആണ് തീപിടുത്തം ഉണ്ടായത്. കെട്ടിടത്തിൽ നിന്ന് തീ ഉയർന്നെങ്കിലും ഇത്രയും വലിയ അപകടം ആയിരിക്കുമെന്ന് ഒരിക്കലും പ്രതീക്ഷിച്ചില്ലെന്ന് സമീപത്തെ വ്യാപരികൾ പറഞ്ഞതായി മനേരമ റിപ്പോർട്ട് ചെയ്യുന്നു. ചെറിയ രീതിയിലുള്ള എന്തെങ്കിലും ആയിരിക്കും എന്നാണ് ആദ്യം വിജാരിച്ചത്. അത് കൊണ്ട് ആരും വലിയ ശ്രദ്ധ നൽകിയില്ലെന്ന് മലയാളികൾ പറഞ്ഞതായി റിപ്പോർട്ടിൽ പറയുന്നു. പിന്നീടാണ് വലിയ ദുരന്തമാണെന്ന് മനസിയാത്. വലിയൊരു ശബ്ദം സംഭവ സ്ഥലത്ത് നിന്നും കേട്ടു. പിന്നീട് പരിസരത്തെല്ലാം പുക നിറഞ്ഞു.
പൊലീസ് സുരക്ഷാ സംവിധാനം ശക്തമാക്കി
തീപിടിത്തം അറിഞ്ഞ് സംഭവ സ്ഥലത്ത് നിരവധി പേർ തടിച്ചു കൂടി. ആളുകൾ തിങ്ങിക്കൂടിയതോടെ പൊലീസ് സുരക്ഷാ സംവിധാനം ശക്തമാക്കി. ഈ വഴി പോകുന്ന വാഹനങ്ങൾ വഴി തിരിച്ചു വിട്ടു. അഗ്നിബാധയുടെ ചിത്രം മൊബൈൽ ക്യാമറയിൽ പകർത്താൻ ശ്രമിച്ചവരെ പോലീസ് തടഞ്ഞു. ചിലരുടെ മൊബൈല്‍ കസ്റ്റഡിയിലെടുത്തിട്ടുണ്ട്. യുഎഇയിൽ അപകടങ്ങളുടെ ദൃശ്യം പകർത്തുന്നത് നിയമ ലംഘനമാണ്. അഗ്നിബാധയുടെ വിവരങ്ങൾ പൊലീസ് വെെകിയാണ് പുറത്തുവിട്ടത്. അതുവരെ സംഭവത്തെ കുറിച്ച് ഒരു വിവരവും ഉണ്ടായിരുന്നില്ല. മലയാളികളുൾപ്പെടെ ഒട്ടേറെ ഇന്ത്യക്കാർ ദുരന്തത്തിൽ ഉൾപ്പെട്ടെന്ന വിവരം ആദ്യം തന്നെ പുറത്തു വന്നിരുന്നു,
കഞ്ചാവ് വിൽപ്പന യുവാക്കൾ പിടിയിൽ
കഞ്ചാവ് വിൽപ്പന യുവാക്കൾ പിടിയിൽ | kollam
മരിച്ചവരിൽ മലയാളി ദമ്പതികളുള്‍പ്പെടെ 4 ഇന്ത്യക്കാർ
മരിച്ചവരുടെ എണ്ണം 16 ആണ് എന്ന കണക്ക് പുറത്തു വന്നിട്ടുണ്ട്. ഇതിൽ മലയാളി ദമ്പതികൾ ഉൾപ്പെടുന്നു. ദുബായിലെ ഡ്രീംലൈൻ ട്രാവൽസ് ആൻഡ് ടൂറിസം സ്ഥാപനത്തിൽ ജോലി ചെയ്യുന്ന മലപ്പുറം വേങ്ങര കാലങ്ങാടൻ റിജേഷ് (38), ദുബായ് ഖിസൈസിലെ ക്രസന്റ് സ്കൂൾ അധ്യാപികയായ ഭാര്യ കണ്ടമംഗലത്ത് ജെഷി എന്നവാരാണ് മരിച്ച മലയാളികൾ. 4 ഇന്ത്യക്കാരും രണ്ട് തമിഴ്നാട് സ്വദേശികളും മരിച്ചവരിൽപ്പെടും. തീപിടുത്തം സംഭവിച്ച കെട്ടിടത്തിലെ സുരക്ഷാ ജീവനക്കാരാണ് തമിഴ് നാട് സ്വദേശികൾ എന്നാണ് പുറത്തുവരുന്ന വിവരം. നൈജീരിയ,സുഡാൻ,പാക്കിസ്ഥാൻ എന്നീ രാജ്യത്ത് നിന്നുള്ളവരും മരിച്ചവരിൽപ്പെടുന്നു.
