ചില സെക്ടറുകളില്‍ 50 റിയാലില്‍ താഴെ
കഴിഞ്ഞ വർഷത്തെ അപേക്ഷിച്ച് ടിക്കറ്റ് നിരക്ക് വളരെ കുറവാണ് ഇത്തവണ. പകുതി നിരക്കിൽ ആണ് വിമാന ടിക്കറ്റ് ലഭിക്കുന്നത്. നാട്ടിലേക്ക് പോകാൻ പദ്ധതിയിട്ട പ്രവാസി മലയാളികൾ വളരെ സന്തോഷത്തിലാണ്. നാല് ഇരട്ടിവരെ ടിക്കറ്റ് നിരക്ക് ഉയർന്ന സമയങ്ങൾ ഉണ്ടായിരുന്നു. താരതമ്യേന കുറഞ്ഞ ചെലവില്‍ ടിക്കറ്റുകള്‍ ഇപ്പോൾ ലഭിക്കുന്നത്. പെരുന്നാളിന് തൊട്ടുമുമ്പുള്ള ദിവസങ്ങളില്‍ വരെ ചില സെക്ടറുകളില്‍ 50 റിയാലില്‍ താഴെ വരെയാണ് ടിക്കറ്റ് നിരക്ക് വരുന്നത്.
ടിക്കറ്റ് നിരക്കുകൾ ഇങ്ങനെ
എയര്‍ ഇന്ത്യ എക്സ്പ്രസില്‍ മസ്‌കത്തില്‍ നിന്നും കോഴിക്കോട്ടേക്ക് ഏപ്രില്‍ 18 വരെ 37 റിയാലിന് ടിക്കറ്റുകള്‍ ലഭിക്കുന്നതാണ്. ഏപ്രില്‍ 19, 20, ദിവസങ്ങളിൽ 54 റിയാലിന് ടിക്കറ്റ് ലഭിക്കും. 21 മുതല്‍ ടിക്കറ്റ് നിരക്ക് 37 റിയാൽ ആണ്.
മസ്‌കത്ത്-കണ്ണൂര്‍ റൂട്ടില്‍ ഏപ്രില്‍ 17ന് 35 റിയാല്‍ ആണ് ടിക്കറ്റ് നിരക്ക് വരുന്നത്. ഏപ്രില്‍ 19ന് 64 റിയാലിന് ടിക്കറ്റ് കിട്ടും.
കൊച്ചിയിലേക്ക് ഏപ്രില്‍ 18 വരെ 42 റിയാലിന് ടിക്കറ്റ് ലഭിക്കും. ഏപ്രില്‍ 19ന് 71ഉം 20ന് 81 റിയാലാണ് നിരക്ക്.
തിരുവനന്തപുരം സെക്ടറില്‍ ഏപ്രില്‍ 18 വരെ 42 റിയാലിന് താഴെയാണ് ടിക്കറ്റ് ലഭിക്കുക. പിന്നീടുള്ള ദിവസങ്ങളിൽ 71 മുതല്‍ 81 റിയാല്‍ വരെയാണ് ടിക്കറ്റ് നിരക്ക് വരുന്നത്. കഴിഞ്ഞ വർഷം ഈ സമയത്ത് 150 റിയാൽ ആയിരുന്നു ടിക്കറ്റ് നിരക്ക് വന്നിരുന്നത്.
മലപ്പുറത്ത് 25 ഏക്കര്‍ പാടത്തെ കണിവെള്ളരി കൃഷി വിളവെടുത്തു
മലപ്പുറത്ത് 25 ഏക്കര്‍ പാടത്തെ കണിവെള്ളരി കൃഷി വിളവെടുത്തു | Kani Vellari
പെരുന്നാളിന് നാട്ടിലേക്ക് ടിക്കറ്റെടുത്തവര്‍ കുറവ്
ഈ പ്രാവശ്യം പെരുന്നാളിന് നാട്ടിലേക്ക് ടിക്കറ്റെടുത്തവര്‍ കുറവാണെന്ന് ട്രാവല്‍ ഏജന്‍സികള്‍ പറയുന്നതായി മനേരമ റിപ്പോർട്ട് ചെയ്യുന്നു. കഴഞ്ഞ വർഷത്തെ അപേക്ഷിച്ച് ഫാമിലിയായി താമസിക്കുന്നവർ ആരും ടിക്കറ്റ് എടുത്തിട്ടില്ല. പെരുന്നാള്‍ അവധി കുറഞ്ഞതും സ്‌കൂള്‍ പുതിയ അധ്യായന വര്‍ഷം ആരംഭിച്ചതും തിരിച്ചടിയായി. കുടംബങ്ങള്‍ ഭൂരിഭാഗവും പെരുന്നാൾ ഒമാനിൽ തന്നെ കൂടാൻ ആണ് തീരുമാനിച്ചിരിക്കുന്നത്. ജൂണില്‍ സ്‌കൂള്‍ അവധിക്കാലത്ത് നാട്ടിലേക്ക് പോകാൻ തയ്യാറായി ഇരിക്കുന്നവർ ആണ് പലരും.
